22
Diyosaiya sa Faꞌobiyo, Baꞌisa
2 Kin 22:1-2
1 Diyosaiya ena boliman faligigi faihona ya famala kin be Yelusalem ya ita watan boliman 31. Tinana hesana Dedidaiya, Adaiya natuna ena nuꞌu Bosikata taonna.
2 In ena laulau sa dudulai Guyau matana yai yo tamana Deiwidi ena laulau, ya laulauwedi. Hige i timutimuli fuyo laulau heyaheyayadi lisidi yai.
Kin Diyosaiya tatau haisa ya abidi be Dubu Tabuna sa lau polai na amainiya Mose ena laugagayo bukana esega sa lobahi be sa lawen lisina.
11 Fuyanna laugagayo bukana sa fatili, na kin ya atahiyen mate, ana luhuluhu ya kamgigi.
12 Liba adiꞌadidilina ya tole:
Tau antalasam, Hilikaiya lisina yai,
Safan natuna, Ahikam,
Maikaiya natuna, Akibo,
tau uliꞌuli, hesana Safan,
yo kin tau liba fasibasibana, Asaiya lisidi yai.
13 Iyen,
Afa wahawahada, laugagayo sa ulidi buka yai te, mate hige ti laulau watanidi, be Guyau ya manabala heyaya lebeda yai. Na au lau Yaubada ena Luma Tabuna be Guyau ai lisina egu au anꞌeta yo Diuda tanohina dodogadi edi au anꞌeta hinaga. Buka sa lobahi ganahewana yai somo ya uli, bena ami fatiꞌoi.
Diyosaiya ena tau paisowa, iti dodoga lalaꞌi ya fatamalidi sa lau Yaubada ena peloweta waihin hesana Holida lisina be ena bui ya feledi sa fafuyo lisina. Ena bui, logenana, lausoisoi 16 yai.
16 Guyau iyen,
Yau haba Yelusalem E faheyaya yo dodogadi haba E faꞌankamkamnadi, be somo buka ganahewana yai Diuda edi kin ya fatili haba ya fawananaha.
17 Sa nuwa fuiyegu, na antalasam sa angabu lau yaubada hahaisa lisidi. E manabala Yelusalem dodogadi lisidi yai paꞌana oitau mahudoꞌidi sa ginaulidi, ibege nuwagu i talu.
18 Diuda edi kin ya fatamalimiu bena Guyau ami fatiꞌoi, mate au faliba, auwen, “Isalaela edi Guyau Yaubada, ya liba doha ite: ‘Somo egu buka yai sa ulidi haꞌa wa lau watanidi.
19 Paꞌana fuyanna wa atahi somo heyaheyayana haba E ginauli Yelusalem dodogadi lisidi yai, yo nuꞌuna lisina yai, be ya famala kaumanana nuꞌuna yo nuꞌu afaꞌafana, yo paꞌana wa nuwa talu na wa tole lidilidi fafuyom matagu yai, yo paꞌana am luhuluhu wa kamgigi yo wa tan eloꞌelolosi na wa nuwa bui nuwanuwagu yai. Logena, Yau Guyau, E falibam mate, em anꞌeta haꞌa E atahi.
20 Wa peꞌi be sa boꞌusaim, ai mulim heyaheyaya te, haba E leyama Yelusalem yai.”
Habahim kin ena tau paisowa, Peloweta Holida ena bui, sa fafuyo Kin Diyosaiya lebena.