গালাতীয়
পুথীত্বথ্য়
কুলিচ পল নিয়া গীরা সেকাম অললিচ, নিয়া দ মারি মন্ডলীর জ্ত্চ কুরাঃআ মিৎরায় তাহিলেনা। পল দ দক্ষিণ গালাতীয় রিঙ্কূ মণ্ডলী যত কুকে আকুয়াআ চেতান রে মিৎ তিহি লিয়া চমকা তুকা রাঃআ তায়্ম এশিয়া মাইনর দর আয়ায় এহ্তব মিশনারী সেসেন হরারে নিয়া গীরা সেকাম অল লাআয়। গালাতীয় জাহান সরগ নাগার দ কা তাহি লেনা, রোম বান্খান করিন্থ লেকা, মেন্খান মিয়াৎ রোমীয় প্রদেশ রে অকয় রাঃআ তালারে গাদা সরগ নাগার হেৎদ নানান হুনার মন্ডলী কু তাহি লেনা। অকা আ গালাতীয় কুরাঃআ হান্ডে গীরা সেকাম অল লেনা ইঙ্কূ দ পল লিয়া ধরমআতাংইচ কু তাহি লেনা।
গালাং অক্ত হেৎদ ঠাঁও।
সাব্তাম 48 খ্রিষ্টায়ম তালামালা অক্ত।
পল সম্ভবতঃ আন্তিয়খিয়রে গালাতীয়কুকে গীরা অল লাআয়, চিয়া চি নিয়া দ আয়ায়্য় অড়া ভিত তাহিলেনা।
হাতাইচ।
গালাতীয় মন্ডলী রাঃআ অক্যয় কু সদস্য তাহিলেনা কু ইঙ্কূ গালাতীয় কু রাঃআ হান্ডে গীরা অল হুই লেনা (গালাতীয় 1:1 -2 )
দিশা।
গীরা অল রাঃআ নিয়া দিশা তাহি লেনা যুদাইজার কুরাঃআ বেদা বার্তা কে পেটেচ। মিয়াৎ বুগিন বার্তা নাতিনাং অকাআ ভিতিররে নিকু যিহুদী খ্রীষ্টান কু আটকার নামলাআকু যে পরিত্রাঃআন নাতিনাং সুনু গেত জরুর গেয়া হেৎদ গালাতীয় কুকে পাহাম কেৎ কুয়ায়্য় য় উঙকুয়া পরিত্রাঃআন রাঃআ আসল ভিত্তি রাঃআ কিনাআ হুইঅ তানা। পল আয়ায়া কুলিচ সংক্রাঃআন্ত কতৃত্ত্বকে স্যাপা সাফি লেকাতে প্রতিষ্ঠিত নাতিনাং হেল্কাতাকিচ সারিনাম তুকা কেৎ কুয়ায়্য় য়, হেৎদ হান্ডে বুগিন বার্ত্তা হেড়েৎ কেৎআয় অকা আ ইনি গাম হের লাআয়। এখেন দায়াদুলাড় লিয়া পাতিয়া লেকাতে মান্মি ন্যায় নামেয়া কু, হেৎদ পাতিয়া লেকাতেগে ইঙ্কূ য়া নামা জীউ কে আত্মা রাঃআ আল্গাসাল্গা লঅ সেশেন ইদি নাতিনাং সক্ষম হুই দাড়ীয়ায়।
বাবদ।
যীশু খ্রীষ্ট রাঃআ ভিতিররে আল্গাসাল্গা
চিহ্নানেল।
1. চিপুৎপাট্টা — 1:1-10
2. বুগিন বার্তা রাঃআ সার্তিয়াআ — 1: 11-2: 21
3. পাতিয়া লেকাতে ধার্ম্মিতা — 3: 1-4: 31
4. পাতিয়া হেৎদ আল্গাসাল্গা জীউ রাঃআ পাইরকা— 5: 1-6: 18
1
পলকে কুলিচ বহাল
1 ইঞ পল, মিতহড় কুলিচ, যাহায় মান্মি হাতেৎ দ ল্হয়, বরং যীশু খ্রীস্ট হেৎদ ঈশ্বর বা তেগেঞ বহালা কানাঞ, অকয়দ খ্রীস্ট কে গচ কু তালা হাতেৎ বিরিৎ রুয়াড় লিঃইআয়।
2 ইঞ হেৎদ ইঞ লঅ এটা হাগাকু মেনা কুয়া, আলে গালাতীয়া মুলুক রিঙ্কূ মন্ডলী কুকে লে গিরা অলা কু তানা।
3 আবুয়া আ ঈশ্বর হেৎদ প্রভু যীশু খ্রীস্ট যাতে আপেকে দায়াদুলাড় হেৎদ সুলুক নিরাঃআই দানাপেকা আয়।
4 আবুয়া ঈশ্বর রাঃআ মেন্ লেকাতে খ্রীস্ট আবুয়া আ কাই নাতিনাং আয়া আ নিজ রাঃআ জীউ দান তাৎআয়, যাতে ইনি আবুয়া আ (কুব্যবস্থা) বাড়িচযুগ হাতেৎ বাঞ্চা বুকাঃআয়।
5 যুগ যুগ আটকাল ঈশ্বর রাঃআ মহিমা হযু কাঃআ। পুরাম।
এটা জাহানা বুগিন বার্ত্তা বায়ানা।
6 ইঞ গাদাঞ হাড়াতানা চি, অকয় খ্রীস্ট রাঃআ দায়াদুলাড় আপেকে রাঃআ কেৎ পেয়ায়্য়, ইনি ধার্তিআপু রাঃআ হান্ডে হাতেৎ আন্তীত ঘিড় মেন্তাং সরাঃআ সঙ্গী হিচ্ কাতে আপে এটা অটঃ মিয়াৎ বেদা জাগার পে আয়ুমেৎআ।
7 মেন্খান এটা জাহান বুগিন সমাচারদ ল্হয় তানা; বরং এনে এঙ্কান কথক হড় মেনাকুয়া, খ্রীস্ট রাঃআ বাব্ত্তে অকা বুগিন সমাচার মেনা আ, ইনাকু কুতশ্রীৎ লেকাতে মনগড়া কাতেত আপেকে এটা হরতে তিয়াগেৎ পেয়াকু।
8 মেন্খান আলে অকা আপেয়া হান্ডে বুগিন সমাচার লে পাসনা তাৎআ, ইনা হাতেৎ যাহায় যদি এটা লেকা আপেয়া হ্যান্ড বুগিন বেদা সমাচার কু পাসনা য়া, আলেকু লেকান যাহায় চি সরগ নাগাকু, এন্খান ইঙ্কূ স্যাপ গ্রহস্ত কু হয়ু কাআ।
9 ইঞ চিল্কা মাড়াংতেঞ জাগার লাত আ এঙ্কাগে অটঃহঅঞ নাহাঃ জাগার তানা আপে অকা বুগিন সমাচার পে আতাং তৎ আ, ইনা হাতেৎ এটা লেকানা আ যাহায় বুগিন বেদা সমাচার কু এমাপেয়া, তবেখান ইনিদ স্যাপগ্রহস্ত কাআয়।
10 ইঞদ চি মান্মি রাঃআ হান্ডে হাতেৎ স্কৃতি হাতা নাতিনাং কুরুমুটু তাৎআঞ চি ঈশ্বর রাঃআ হান্ডে হাতেৎ স্কৃতি হাতা নাতিনাং কুরুমুটু তাৎআঞ ? চি কিনাআ ইঞদ চি মান্মিকে খুশি তুকা নাতিনাং কুরুমুটু তাৎআঞ ? যদি নাহাঃহঅ মান্মিকে খুশি তুকা নাতিনাং কুরুমূটু লাআঞ, এন্খান ঈশ্বর রাঃআ দাস কাইঞ হুই কঃআঞ।
পল কে ইশ্বর দেলা কিইয়ায়।
11 চিয়াচি এ হাগাং তিকু, ইঞ আসঃঅ তানাঞ আপে সারিয়াপে যে, ইঞ অকা বুগিন সমাচার আপেয়া হান্ডে পাসনা তাৎ আঞ ইনাদ যাহায় মান্মি রাঃআ হান্ডে হাতেৎ দ ল্হয়;
12 চিয়াচি ইনা বুগিন সমাচারদ যাহায় মান্মি রাঃআ হান্ডে হাতেৎ কাইঞ নাম তাৎআঞ, যাহায় মান্মি কাকু চেৎ তিইঞা, বরং যীশু খ্রীস্ট ইঞা হান্ডে সদর তৎআয়.
13 চিন্তং ইঞ জিহুদী ধরমরে ঞ তাহীন কেনা, ইন্তং চিল্কাঞ আচারনেৎ কেনা ইনা মাত যত হড়গেপে আয়ুম সারি তাৎআ। ইঞ ঈশ্বর রাঃআ মন্ডলী কুকে কুঠিন গেঞ হামলাৎ কু কেনাঞ হেৎদ ইনা মন্ডলী কুরাঃআ গাদা খান্ডাজ ন্ডূজ তাত্যাঞ;
14 ইঞ পিড়ি হাপড়াম কুরাঃআ রীতি রেয়াজ কুরে কুঠিন উদ্যোগ তাহীন কেনা, ইনাতে ইঞাআ জ্ঞাতী রেন্কু ইঞাআ সমান উঁবুর মান্মি হাতেৎ জিহুদী ধর্ম কে গাদা উন্নতিরে রাকাপ লিইআঞ।
15 মেন্খান ঈশ্বর, অকয় রাঃআ নাতিনাং তে মাই রাঃআ লাহিচরে হিচু মাড়া হাতে ভাছা দহ লিইঞা হেৎদ মাই হড়ম হাতেৎ ভিনা কাতে নিয়া ধার্তি তেঞ হিচা কানা হেৎদ অকয় রাঃআ দায়াদুলাড়তে ইঞকে রারাঃআ হয়ুয়া কানা।
16 ইনি ইঞাঃআ হান্ডে আয়াঃআ হনকে সদরিয়ায়্য়, যাতে অইহুদি হড় কু রাঃআ তালারে আয়ায়্য়্ হন রাঃআ বাব্ত্তে বুগিন সমাচার পাসনায় কাঃআঞ। ইনি চিন্তং ইঞকে নিয়া কামী নাতিনাং রাস্কাতে বাছা তিইঞাআ, ইন্তং ইঞ যাহায় রাঃআ হান্ডে হাতেৎ পরামর্শ কাঞ হাতা তাৎআ;
17 যীরুশালেমরে অকয় কুলিচ্কু মেনাঃআ কুয়া ইঙ্কুয়া হান্ডে হঅ কাঞ সেনা কানা, অক্য়্কু ইঞাঃআ মাড়াং হাতেৎ কুলিচ মেন্তেকু বহালাকানা। বরং আরব দিসুম রুয়াড় সেএনাইঞ হেৎদ ইনা তায়্ম দামেস্কা সরগ নাগার তেঞ রুয়াড় সেএনাঞ।
18 ইনাতায়ম পিতার লঅ নাপাম নাতিনাং অপি সির্মাং তায়্ম জেরুসালেমতে সেএনাঞ, ইনি লঅ এন্ডে 15 মাহা তাহি কেনাঞ।
19 মেন্খান হান্ডে এটা যাহায় কুলিচ কুকে কাঞ নেল নামলাত কুয়া, প্রভু রাঃআ হাগা যাকোব কেগে নেল নামতি য়াঞ।
20 ঈশ্বর সাক্ষি মেনাঃইআ, আমকে অকা অকাকুঞ অল তাৎআঞ, ইনাকু জ্ত্যাঃ অল বেদা ল্হয় তানা।
21 ইনা তায়্ম ইঞ সিরিয়া হেৎদ কিলিকিয়া দিসুম রাঃআ হানা নাআ হাতুটলা তেঞ সেনলেনা।
22 মেন্খান জিহুদী দিসুম কুরাঃআ পিড় মন্ডলী কুতে খ্রীস্ট রাঃআ অকয় নেলআতেন হড়কু তাহীন কেনা ইঙ্কূ লঅ কয়ঃঅ নাপাম চিন্হা কা তাহীন কেনা।
23 ইঙ্কুদ নিয়া জাগার কু আয়ুম লাৎআ, যে অকয় হড় আবুয়াঃআ ধরম ধংস নাতিনাং হিচু কেনায়, হেৎদ নিয়া মাড়ংতে গাদা তড়না এম তাৎআয়, ইনি নাহাঃআ বুগিন জাগার পাসনায় তানা।
24 এন্খান্গে ইঞ লঅ অকা ঘটনা কু ঘটা লেনা, ইনা নাতিনাং ইঙ্কূ ঈশ্বর রাঃআ গুনমানত জহারেৎআ কু।