3
ব্যবস্থা রাঃআ আ চেতাং রে আস্থা হেৎদ মানাগুনা।
এ লেলাঃআ গালাতীয়্কু, অকয় আপেকে মুহিনী কেৎপেয়ায়্য় ? আপেয়া মেৎসামাং রেগেত যীশু খ্রীস্ট ক্রাশ রে হাকা লেনায় মেন্তে সপাস্যফি দ চি কা অল তাহি লেনা?
নিয়া থুতি আপেয়া হান্ডে হাতেৎ সারি বুঝাঞ তানা, আপেদ চি ব্যবস্থা রাঃআ কামী খাতির রিলামালা আত্মাকে নামতিয়া পে ? চি পাতিয়া রাঃআ বার্তা আয়ুম কাতে ?*
আপেদ চি নান্তীত লেলাঃআ? রিলামালা আত্মাতে এতহব কাতে নাহাঃআ দ চি জিলু তে মুচাৎ এৎআপে ?
আপে আন্তীত দুঃখ দ্চি খালিগেপে সাহা লাআ ? যদি সর্তিগে বেদা হয়ুয়া ?
গামেপে মাহীন, অকয় ইনি ইশ্বর আপেকে রিলামালা আত্মা যোহড় এমাপে তানায় হেৎদ আপেয়া তালারে হাহাড়া কামিকু পুরাঃআয় আগুই তানায়, ইনি দ্চি ব্যবস্থা রাঃআ কামী পুরাঃআ নাতিনাং ইনা করাঃআৎআয়? দচি পাতিয়া রাঃআ বুগিন বার্তা আয়ুম কাতে ?
শাস্ত্র গামেয়া চিল্কা অব্রাহাম ঈশ্বরকে পাতিয়া লিঃআয়, হেৎদ ইনাগে আয়াঃআ পক্ষে ধার্মিক মেন্তে লেখায়না।
তবেখান সারিই পে, অক্য়্কু পাতিয়ান হড় ইঙ্কূ গে অব্রাহাম রাঃআ হন,
অটঃহঅ পাতিয়া খাতির ঈশ্বর এটাআ জাতি বিনইহুদি কুকে ধার্মিক মেন্তে লেখাতাৎ কুয়ায়্য় য়, শাস্ত্র মাড়াং হাতেৎ অব্রাহাম রাঃআ হান্ডে সদর কাতে বার্তা পাসনা লেনা, নেকা, আমাঃআ তালাতে যত যাইত রেন্কু মান্মি আশ্বীশভর কু নামেয়া।
তবেখান অক্য়্কু পাতিয়াভর, ইঙ্কূ পাতিয়ান হড় অব্রাহাম লঅ আশ্বীশভর কু হ্য়ুয়া।
10 সার্তি কায়তে অকয় কু ব্যবস্থা তে তল মেনা আ কুয়া, ইঙ্কূ যত হড় অভিসাপ রাঃআ ধিনরে, চিয়া চি অল মেনা আ 'যাহায় গে ব্যবস্থা পুথিরে অলা কানা যত থুতি মানায় নাতিনাং আয়ায়্য় মন থীর কা তাহিনা, ইনিদ অভিসপ্ত ।§
11 মেন্খান মসি রাঃআ ব্যবস্থা মানান গুনান লিয়া যাহায় গে ঈশ্বর রাঃআ মেৎতে ধার্মিক মেন্তে কাকু লেখাআ, নিয়াদ সাপাসাপি, চিয়া চি ' ধার্মিক মান্মি পাতিয়া খাতির তেয় বাঞ্চাআয়।*
12 মেন্খান ব্যবস্থা পাতিয়া লেকানাআ দ ল্হয়, বরংচ 'যাহায় গে নিয়াকু মানায় য়েয়ায়্য়, ইনিদ ইনাতে বাঞ্চাআয়।
13 খ্রীস্ট গে গনঙ্গ এম কাতে আবুকে ব্যবস্থা রাঃআ স্ব্যাপ হাতেৎ ছাডা তাৎ বুয়ায়, চিয়া চি ইনিদ আবু নাতিনাং স্ব্যাপরুপী হুই লেনায়; চিল্কা রিলামালা শাস্ত্ররে অল মেনা আ, অকয় কে দারুরে কু হাকা কুয়া, ইনিদ অভিসপ্ত,
14 চিল্কা অব্রাহাম রাঃআ নামাকান আশিস খ্রীস্ট যীশুতে এটা জাতি বিন ইহুদি কুরাঃআ হান্তে হিযুতানা, আবু যাতে পাতিয়া লিয়া অঙ্গীকৃত আত্মাকে নামেয়া।
ব্যবস্থা হেৎদ এক্ড়ার।
15 এ হাগাকু, ইঞদ মান্মি লেকাঞ জাগার তানা। মান্মি রাঃআ নিয়ম সেকাম হুই কাতে রহঅ ইনা চিন্তং গটাআ, ইন্তং যাহায় কাকু অমান্যয়া, ইনারে নামা জাহানাআ কাকু মেসায়া।
16 বেশ, অব্রাহাম কে হেৎদ আয়ায়্য় কুল কুকে এক্ড়ার উছান হুই লেনা। ইনি গাদাহড়কুতে 'হেৎদ যত কুল কুরাঃআ মেন্তে কা গাম কাতে, মিৎহড় কে উদুঃ কাতে গাম লাআয় 'হেৎদ আমাআ কুলকুকে ' ইনি কুলদ খ্রীষ্ট।§
17 নাহাঃআ নিয়াঞ গামেৎআঞ, অকা এক্ড়ার ঈশ্বর হাতেৎ মাড়াং হাতেৎ গটা ঠাক তাহি লেনা, ৪ শায় ৩০ সির্মাং তায়্ম সেসেন হিচা কানা ব্যবস্থা ইনা এক্ড়ার কে বাদ কা হড় য়া, অকা কমিতে এক্ড়ার বিফলআ।*
18 চিয়া চি দায়াধিকার যদি ব্যবস্থা লেকা হয়ুয়া, তবে খান এক্ড়ার লেকানা কা হয়ুয়া; মেন্খান অব্রাহামকে ঈশ্বর এক্ড়ার লেকাতে ইনা কু দানা লিয়ায়।
19 তবেখান নীতি দ কিনা তানা ? গুনাহা নাতিনাং ইনাদ মেশা হুই লেনা, অকা অব্দি ইনা কুল কা হিচু তানা, অকয় রাঃআ হান্ডে এক্ড়ার হুই লেনা, হেৎদ ইনাদ সরগ নাগাকু লিয়া মিৎ হড় মধ্য়স্থ রাঃআ তিহিতে, বিধিবদ্ধ হুইয়ে নায়।
20 মিত হড় রাঃআ মধ্য়স্থ তেমা কা হুই য়াআ, মেন্খান মিৎ ঈশ্বর।
21 তবে খান ব্যবস্থা দ চি ঈশ্বর রাঃআ এক্ড়ার ব্যবস্থা রাঃআ বিরূদ? একেবারে ল্হয় গে। যদি এনে এঙ্কানা আ ব্যবস্থা দহ হুই ক্যাআ, অকা জীউ এম দাড়ি কিইয়ায়্য়্য়, তবে খান ধর্মতা ব্যবস্থা লেকানাআ হুই কঅগেয়া।
22 মেন্খান ব্দলতে, শাস্ত্র যতচ াগে কাই রাঃআ অধিনরে আটকা তিইয়ায়, যাতে নামা এক্ড়ার রাঃআ জ, যীশু খ্রীস্ট রাঃআ পটিয়াতে, পাতিয়ান হড় কুকে বাঞ্চা হুই য়ায়্য়।
পাতিয়াতে ঈশ্বর রাঃআ হন হ্প্ন্কু।
23 মেন্খান যীশু তে পাতিয়া হিচ্ রাঃআ মাড়াং তে আবু ব্যবস্থা রাঃআ ধিনরে তল তাহীন কেনাবু, অকা পাতিয়া তায়্মতে সদর কআ, ইনা রাঃআ তাঙ্গি রেলে তাহীন কেনা।
24 নিয়া লেকাতে ব্যবস্থা খ্রীস্ট রাঃআ হান্ডে আগু নাতিনাং আলেয়া আ পরিচালককু মুনিসেনা, যাতে আলে পাতিয়া লেকাতে ধার্মিক মেন্তে লেখারেলে তাহীন কাআ।
25 মেন্খান অকা অব্দি পাতিয়া হিচেনা, ইনাব্দি আলেদ পরিচালক কুরাঃআ মুনিস ল্হয়।
26 চিয়া ল্হয় আপে যত হড়, যীশু খ্রীস্ট তে পাতিয়া নাতিনাং, ঈশ্বর রাঃআ হন পে হুইয়া কানা; ব্যবস্থা
27 চিয়া চি আপে চিমিন হড় খ্রীস্ট নুতুমতে ডুবানা কানাপে, ইন্তং যত হড় খ্রীস্ট কে আতাং কাতেনামা তেপে সাজা কানা,
28 ইহুদি চি গ্রীক দ ল্হয়, মুনিসচি মালিকদ ল্হয, কড়া চি কুড়ি দ ল্হয়, চিয়া চি খ্রীস্ট যীশু তে আপেযত হড় মীহুড়
29 হেৎদ আপে যদি খ্রীস্ট রেন্কু, তবে খান আব্রাহাম রাঃআ কুল, এক্ড়ার লেকাতে পিড়িধীকার।
* 3:2 গালাথিয়ান 3 :5, কুলিচ 15 :8 -10, 3:6 আদি পুথি 15 :6, 3:8 আদি পুথি 12 :3, 18 :18, § 3:10 দ্বিতীয় বিবরন 27 ;26, যাকোব 2 :20 * 3:11 হ্ব্কুক 2 :4 3:12 লেবি 18 :5 3:13 দ্বিতীয় বিবরন 21 :23 § 3:16 মথি 1:1 * 3:17 সেসেন হরা 12 :40