3
থিম্তিকে কুল কিয়া কু।
1 ইনা নাতিনাংতে আলে ধৈর্য্য সাহা কালে দাড়িয়ান্তে আথীনী নাগার রে একলা গে তাহি হঅ বেশ লে আটকার কেয়া।
2 হেৎদ আলেয়া হাগা হেৎদ খ্রীষ্ট রাঃআ বুগিন বার্তা রিনিজ ঈশ্বর রাঃআ দাস তিমথীয়কেলে কুললিয়ালে, যেন ইনি আপেকে সুস্থির পেকায় হেৎদ আপেয়া পাতিয়া রাআ বাবত্তে আশা এমাপেকায়।
3 যাতে আপে যাহায় নিয়া কষ্টরে আল্পে অস্থিরোয়া, চিয়াচি আপে অপেগেপে সারিয়াপে, আলে নিয়া নাতিনাংগে সম্পাকানালে।
4 নিয়া দ সার্তি তানা যে আলে চিন্তং আপেয়া হান্ডে লে তাহীন কেনা, আলে মাড়াং হাতেৎ লে গাম তাৎআ পেয়া যে, আলেয়া কষ্ট হুইওয়া, হেৎদ ইনাগে হুইয়া কানা, ইনামা আপে সারি গেয়া।
5 ইনা নাতিনাং তে ইঞ হঅ ধৈর্য্য কাইঞ সাহা দাড়িয়ান্তেঞ আপেয়া পাতিয়া রাঃআ তত্ত্ব সারি নাম নাতিনাং হানিকেঞ কুল লিৎআঞ, ভাবালাৎআঞ,পাছেন বিড়াইজ যাহা লেকাতে আপেকে বিডা তাৎপেয়ায় মেন্তে চি, আলেয়া কামী বেকারাঃআ কানা।
তীমথি রাঃআ উদ্দম এম।
6 মেন্খান নাহা তীমথিয় আপেয়া হান্ডে হাতেন আলেয়া হান্ডে হিচেন্তে আপেয়া পাতিয়া হেৎদ দুলাড় রাঃআ জাগার বাব্ত্তে বুগিন বার্তা আলেকে এমা তাৎ লেয়ায় হেৎদ গামাতাৎ লেয়ায়, আপেদ সারা ঘাড়ি আলেকে স্নেহ লেকাতে পাহাম দহ তাৎলেয়াপে, চিল্কা আলে হঅ আপেকে নেনেল বুঝা তাৎলেয়া, এঙ্কাগে আপে হঅ আলেকে নেলেল বুঝাপে তানা।
7 ইনা নাতিনাং, এ হাগাঞ কু, আপেয়া নাতিনাং তে আলে যত বিপদ হেৎদ কষ্ট রে মেনালে রহঅ আপেয়া পাতিয়া তে যেদলে নাম কেৎআ।
8 চিয়াচি আপে যদি প্রভুরে কেটেচ তে তাহিনাপে, এন্খান্ নাহা আলে সার্তি বাঁঞ্চা মেনাঃ লেয়া।
9 বাস্তবিক আপে নাতিনাং আলে আলেয়াঃআ ঈশ্বর রাঃআ সামাংরে অকা খুশি খুসালতে খুশি খুসাল লআলে, ইনা বদলতে আপেয়া নাতিনাং ঈশ্বরকে চিল্কা লেকাতে সারহাও এম দাড়িয়া লে?
10 আলে যাতে আপেয়া মেদমুহাড় নেলনামে কাঃআলে, হেৎদ আপেয়া পাতিয়া রে ত্রুটিকু সুধরা দাড়ি কাঃআলে, ইনা নাতিনাং নিদা সিঙ্গি লে বিন্তিই তানা।
11 হেৎদ আবুয়া আপু ঈশ্বর হেৎদ আবুয়া প্রভু যীশু আপেয়া হান্ডে আলেয়া হরা সজেহে দহয় কাঃআয়।
12 হেৎদ চিল্কা আলে হঃঅ আপেয়াআ লিয়া ফুরি তানালে, এঙ্কাগে প্রভু আপেকে আপান আপিন হেৎদ জ্ত্চ কে দুলাড় তে পেরেচ পে কাঃআয় হেৎদ ফুরিই পেকাঃআয়।
13 ঈশ্বর আপেয়া হৃদয়রে ভর দাড়ি এমে য়ায়্য়, যাতে আয়াআ যত রিলামালা কু লঅ আবুয়া প্রভু যীশু রাঃআ রুয়াড় হিচু মাহারে ইনি আবুয়ায়্য় আপু ঈশ্বরতে নাপাম লঅ আপেকে রিলামালা হেৎদ মৌন এমাপে কাঃআয়। ক্ল্সিয়ান 1:22 ইফিসিয়া 5:27 ।