2 থিষলনীকীয়।
পুথি ত্বথ্য়।
১ থিষলনীকীয় কু লেকা, নিয়া গীরা সেকাম পল শীল হেৎদ তিমথি কু রাঃআ হান্ডে হাতেৎ হযু তানা। নিয়া গীরা সেকাম অন্লিয়া এনে এঙ্কালেকাগে স্লোক ব্যবহার তাৎআয় যেমন 1 থিষলনী কীয় হেৎদ এটাঃআ গীরা সেকাম পল অল লাৎআয়। ইনাতে নেল্তানা পলগে মারাঃআং অন্লিয়া তাহি লেনায়। শীল হেৎদ তীমথিকেৎ মানতান লেকাতে তালারে দহ হুই লেনা। গাদা পদ রাঃআ তালারে, আলে অলেয়ালে, নিয়া নেল তানা যে ইঙ্ক অপি হড় রাঃআজিকু তাহি লেনা। তিহিতে অলা পল রাঃআ ক তাহি লেনা চিয়াচি ইনি দ শুধু চড়ান্ত মান্তান হেৎদ বিন্তি অল লাৎআয় (২ থিষললীকীয় 3:17) নেকা মনে তানা যে পল দ মচা মচা তে তিমথি হেৎদ সীল কে অলা কানা গীরা জাগার গামা তাৎ কিনায়।
গালাং অক্ত হেৎদ ঠাঁও।
সাপ্তাম 51 হাতেৎ 52 খ্রিষ্টায়ম রাঃআ তালা মালা অক্ত।
পল ২ থিষললীকীয় করিন্থেরে অল লাৎআয়, কদেররে ইনি তাহিলেনায় ইন্তং ইনি 1 থিষললীকীয় অল লাৎআয়।
হাতায়চ।
2 থিষললীকীয় 1:1, 2 থিষললীকীয় রাঃআ অভীষ্ট পাঠুয়া কু রাঃআ থিষললীকীয় মণ্ডলীকু রাঃআ হড় কু মেন্তে উপরুম এমেয়ায়।
দিশা।
দিশা নেকা তাহিলেনা প্রভু রাঃআ বাব্ত্তে বেবাড়িচ চেচেদাআ কু সুধরাঃআ। পাতিয়ান হড় কুকে মানত জহার হেৎদ পাতিয়া লেকাতে আকুয়াআ পুঁজি মেনাআ মেন্তে হাঁঙ্কূ কে উৎসহ এম হেৎদ উংকুকে তিরষ্কার এম অক্য়য় কু ইঙ্কুআ হানাপুরিত্বথ্য সংক্রাঃআন্ত আত্ম-প্রবঞ্চনা নাতিনাং পাতিয়া কেনাকু যে যেহুতু প্রভু রাঃআ হিচু মাহা তাহি লেনা ইন্তে প্রভু রাঃআ রুয়াড় হিচু ঘিড় মেন্তাং গে পুরাঃআ হেৎদ নিয়া জাগার কু আকুয়াআ ফায়দা নাতিনাং মর্যাদা কাকু এমেৎ কেনা।
বাবদ।
আশ তালারে জীউ।
চিহ্নানেল।
1. মানত জহার- 1: 1, 2
2. এটকে ট্রেত মাহারে সাহারাঃআ- 1: 3-12
3. প্রভু রাঃআ জিহু মাহা বাব্ত্তে সুধরাঃআ- 2: 1-12
4. ইঞ কুয়া কাঁড়া সম্বন্ধে অভিজ্ঞান- 2: 13-17
5. বাস্তবিকতা কুরাঃআ বাব্ত্তে উপমা এম- 3: 1-15
6. সরেস গটা মৌন জহার- 3: 16-18
1
মৌন ডবঃ।
1 পল, সীল হেৎদ তীমথিয় আবুয়া আপু ঈশ্বর হেৎদ প্রভু যীশু খ্রীষ্ট রাঃআ থিষলনীকীয় শেহার রেঙ্কূয়া মন্ডলী রাঃআ হান্ডে,
2 আবুয়া আপু ঈশ্বর হেৎদ প্রভু যীশু খ্রীষ্টরাঃআ থাং হাতেন সায়াদ/দায়াদুলাড় হেৎদ সুলুক আপেয়া হুইও কাঃআ
ধরবাররাঃআ মাহা।
3 এ হাগা মিসি কু, আলে আপে নাতিনাং মিৎ সরগ নাগাড় তে ঈশ্বর এ গুনমান জহারিপে। এন্তে এনকা লেখান দ গটা গেয়া, চিয়া চি আপেয়া পাতিয়া ঢের হারা-রাকাব ইদিতানা হেৎদ আপে মিমিৎ হড় এটাগিজ নাতিনাং তে দুপুলাড়-দুলাড় ঢের-বুরু ইদি তানা।
4 ইনা মেন্তে আপে দ নানতিৎ জ্বালা হেৎদ কষ্ট সাহা তাৎআপে, ইনাকু তালা হাতেৎ রহঅ আপেয়া ধৈর্য্য হেৎদ পাতিয়া তাহি নাতিনাং তে আলে ঈশ্বর রাঃআ মন্ডলী কুরে আপে নাতিনাং তেলে গরবো তানা।
5 অটঃহঅ ইনা দ ঈশ্বর রাঃআ ধরম দরবার রাঃআ স্পষ্ট নিশান, যাতে আপে ঈশ্বর রাঃআ রাজ নাম লেখান উপযুক্ত মেন্তেপে লেখা হুইঅয়া, ইনা নাম নাতিনাং তেগে দুখ পে সাহায় তানা।
6 নিয়া দ গটা ঈশ্বর রাঃআ হান্ডে ন্যায় ধরবার মেনাঃআ, অকয় দুখ এমাপে তানকু, ইনিদ উংকুয়া হান্ডে দুখ হালা রুয়াড়এয়া।
7 হেৎদ দুখ অকয় কূপে নামেৎআ, আপেকে আলে লঅ ঝিরাবাসং এমা পেয়ায়্য়, চিন্তং প্রভু যীশু সরগ হাতেৎ আয়া নিজ দাড়িয়ান সরগ নাগা কুলঃঅ দাঙ্গালদাঙ্গাল লঅ তানা সেঙ্গেল লেকা সদরয়ায় (যোহন 1:14-15, প্রাকাশিত বাক্য 14:13)
8 হেৎদ অক্য়য় আবুয়া ঈশ্বরকে কাকু সারিয়া হেৎদ প্রভু যীশু রাঃআ বুগিন জাগাররে কাকু মানাবাতায়া, ইঙ্কু কে ইনিদ সাজা এমা কুয়ায়্য় য় (গীত সংহিতা 79:6, যিশাইয় 66:15, যিরমিয় 10:25)
9 ইঙ্কূ ঈশ্বর রাঃআ সামাং হাতে হেৎদ ইনি রাঃআ দাড়িয়ান প্রতাপ হাতেন ফারাগ ভেগারতেকু যায়-যুগ নাতিনাং তেকু সাজাকু ভোগেয়া (প্রাকাশিত বাক্য 21:8, মথি 25:41, 46, যিশাইয় 2:19, 21)
10 নিয়াদ ইনা হুলাং হয়ুয়া, অকা হুলাং ইনি আয়াআ নিজ রিলামালা হড় কু লিয়া সরসয়ায়্য় হেৎদ যত পাতিয়ান হড় হাহাড়াকু, আপে হঅ মেশা মেনাআ পেয়া চিয়াচি আলেয়া লুকুন্দ আপে পাতিয়া কাতে আতাং তাৎআপে (1 থিষলনীকীয় 2:13, 1 করিন্থীয় 1:6, গীত সংহিতা 89:7, যিশাইয় 49:3)
11 ইনা নাতিনাংতে আলে সারাহুলাং বিন্তিই তানালে, যাতে আবুয়া ঈশ্বর আপে জ্ত্চ কে রারাঃআঃ রাঃআ উপযুক্ত লেকাতে আতাং পেয়ায়্য়, হেৎদ গুনমান্তান রাঃআ যত ইচ্ছা হেৎদ পাতিয়া রাঃআ কামী আয়াআ নিজ দাড়ীয়ান্তে পুরায়ায়;
12 হেৎদ ইনা তে আবুয়া ঈশ্বর রাঃআ হেৎদ প্রভু যীশু খ্রীষ্ট রাঃআ দায়াদুলাড় লেকাতে আবুয়ায় প্রভু যীশু রাঃআ নুতুম আপেয়া তালারে গুনমান্তানঅ কাআ হেৎদ ইনা হর লেকাতে আপে হঅ গুনমান্তানঅ পে (যিশাইয় 24:15, যিশাইয় 66:5, 1 পিতর 1:7-8)