মার্ক
পুথি ত্বথ্য়।
মারী মন্ডলী রিঙ্কূ আপুকু জ্ত্চ কুরাঃআ থুতিকুতে গটা হুই লেনা যে নিয়া নথি যোহন মার্ক লিয়া অল হুই লেনা। নামা রীতি তে যোহন মার্ক রাঃআ নুতুম গেলে সা আউড়ই (উল্লিখিত) হুয়াকানা (কুলিচ কুরাঃআ কামীনেহরাঃআ 12:12, 25; 13:5, 13; 15:37, 39; কলসীয় 4:10; 2 তিমথি 4:11; ফিলেমন 24; 1 পিতর 5:13) নিয়া আউড় ইয়াআকুতে সারি নামতানা যে মার্ক দ বার্নাবাস রাঃআ পাহি তাহি লেনায় (কলসিয়া 4:10) মার্ক রাঃআ মাইতেৎ রাঃআ নুতুম দ তাহিলেনা মেরী, যিরুশালেমরে অকয় রাঃআ ধনদৌলত হেৎদ মৌন তাহিলেনা হেৎদ ইঙ্কূয়া অড়াঃআ মারি খ্রীস্টান কুরাঃআ নাতিনাং দুপহুন্ডি রাঃআ ঠাঁও তাহিলেনা। পল রাঃআ এতব মিশনারী সেসেনতে (সেসেনআয়), যোহন মার্ক পল হেৎদ বার্নাবাস রাঃআ লইচ (সঙ্গী) তাহিলেনায় (কুলিচ কুরাঃআ কামীনেহরাঃআ 12:25 ; 13:5 । বাইবেল তে স্বাক্ষ্য হেৎদ বাপধন কু পিতর হেৎদ মার্ক রাঃআ তালারে মিয়াৎ ঘনিষ্ঠ সম্পর্ক উদুগেৎআয় (1 পিতর 5:13 ) ইনি দ অটঃহঅগে পিতর রাঃআ বারজাগার হড় তাহিলেনায় হেৎদ যত লেকানাঃআ তলাতে পিতর রাঃআ উপমা (পাসনা) হেৎদ সদর সামাং স্বাক্ষ্য মার্ক রাঃআ বুগিন বার্তা রাঃআ এহব হুই দাড়িয়াঃ।
গালাং অক্ত হেৎদ ঠাঁও।
সাপ্তাম (অনুমানিক) 50 হাতেৎ 60 খ্রীস্টায়ম (খ্রিষ্টাব্দের), মন্ডলী রেন্কু বাপধন (ইরেনাস, আলেক্সেন্দ্রিয়ার ক্লেমেন্ট হেৎদ এঠাঃকু হঅ) নানান হুনার টুডা (লেখা) কু হাতেৎ আটকার নামঅ তানা যে মার্ক রাঃআ বুগিন বার্তা দ পেরে রোমরে টুডা (লেখা) হুই লেনা। মারি মন্ডলী রাঃআ ব্যবস্থা লেকাতে সাব তানা যে বার্তা টা পিতর রাঃআ গচ তায়্ম (খ্রীস্টায়ম 67-68) অলা কানা।
হাতায়চ।
স্বাক্ষ্য অকা নথি কে তেয়ার তিইয়ায়্য় ইঙ্কা লেকাতে সদরঅ তানা মার্ক দ অইহুদীকু রাঃআ ফড়ম (পাঠক) হেৎদ বিশেষ কাতে রোমীয় আয়ুমান (শ্রোতা) কুরাঃআ নাতিনাং টুডা লাঃআয়। নিয়া কারন হুই দাড়িয়া যে যীশু রাঃআ কূল কে কা মেশা হুইয়া কানা, নিয়া রাঃআ অর্থ অইহুদি ধার্তিরে গাদাকু কম তাহি দাড়িয়া।
দিশা।
মার্ক রেনকু ফড়মকু অক্য়্কু ঢের কাতে রোমীয় খ্রীষ্টান কু তাহি লেনা ইঙ্কূ আকুয়াআ চেতাংরে গাদা নির্যাতন হুইয়া মেন্তে কু আটকার নামলা আ, খ্রীস্টায়ম 67 রে রোমীয় সম্রাঃআট নিরোর শাসন কলরে খ্রীস্টান কু রাঃআ চেতান রে ভয়ঙ্কর সাসেৎ সাতাও হুই লেনা হেৎদ মর্মান্তিক গচ তুকা হুই লেনা। নেকান অবস্থারে মার্ক বুগিন বার্তা টুডাং লাআয় যাতে খ্রীস্টান হড় কু আলকু বরয় কাঃআয় অকয় কু ইনা এনকান কঠিন অবস্থারেকু তাহীন কেনা। কষ্ট সাহাইচ যীশু জীবনী লেকা চিহ্নিত হুইয়া কানা জিসাই 53 ।
বাবদ।
যীশু-দুঃখ কষ্ঠ সাহাইচ দাস।
চিহ্নানেল।
1. ডাহিরে সেবাকামী নাতিনাং যীশু রাঃআ স্যাপড়া— 1:1-13
2. গালিলি রাঃআ কাতা কাতা তে যীশু রাঃআ সেবা কামী— 1:14—8:30
3. যীশু রাঃআ দিশা:দুঃখ কষ্ঠ সাহা হেৎদ গচ— 8:31—10:52
4. যীরুশালেমরে যীশু রাঃআ সেবা কামী— 11:1—13:37
5. ক্রুশারোপন রাঃআ বর্ণনা— 14:1—15:47
6. যীশু রাঃআ জিউৎ বিরিৎ হেৎদ সদর (আবির্ভাব ) 16:1 -20
1
প্রভু যীশু রাঃআ ডুবুল হেৎদ বিডা।
1 যীশু খ্রিস্ট রাঃআ বুগিন বার্তা রাঃআ এহব; ইনিদ ঈশ্বর রাঃআ হন।
2 জিসায় ভাবিজাগারিচ রাঃআ গ্রন্থরে চিল্কা অল মেনাঃআ, নেলেম, ইঞ ইঞাঃআ সরগ নাগাকে আমাঃআ মাড়াং মাড়াংতে কুলিয়াঞ; ইনি আমাঃআ হরাঃআ বানা দহয়ায়।
3 ডাহিরে (বৈহাড়রে) মিহুড় রাঃআ আড়াঙ আয়ুম্অ তানা, ইনি ঢানরাঃআয়ৎ আয়, আপে প্রভু রাঃআ হরাঃআ বানায় পে আয়াঃআ যত হরাঃআ সরলেপে,
4 এঙ্কা লেকাতে ডুবানিচ যোহন হাজিরেনায়, হেৎদ ডাহিদররে ডুবান য়েত কুয়ায়্য় য়, হেৎদ কাই (কাই) আবুং গিডি নাতিঞাং মনপাল্টা রাঃআ বুগিন বার্তা গাম রে তাহিনায়।
5 ইনাতে জিহুদিয়া দিসুম রিঙ্কূ হেৎদ যিরুশালেম রিঙ্কূ যত হড় উডুং হিচ্ কাতে ইনি রাঃআ হান্ডে সেনঃকু এহব কেৎআ; হেৎদ আপান আপিন কাই মানা কাতে জর্ডন গাডা রে ইনি লিয়া ডুবান তানা কু।
6 ইনি ডুবানিচ যোহন দ উট উপ রাঃআ কিচিঃ ভাগয়াঃ কেনায়, মায়াঙরে সুন্নু চুটিরাঃআ মায়াঙ কব্জা তাহিন্কেনা, হেৎদ ইনি বির স্নসরেৎ হেৎদ বিরমধু জম নুৎ কেনায়।
7 ইনিদ গাম পাস্নাৎ কেনায়, অকয়দ ইঞ হাতেৎ গাদা দাড়িয়ান, ইনিদ ইঞাঃআ তায়্মতে হি তানায়; আয়াঃআ খড়ম বায়র ইক্ড়ুম কাতে হতর রাঃআ আইদারি ইঞাঃআ বায়াঃনা।
8 ইঞ আপেকে দাঃআ তেঞ ডুবানেৎ পেয়া মেন্খান ইনিদ রিলামালা আত্মা তে ডুবান পেয়া।
যীশু রাঃআ ডুবান হেৎদ বিডাও। মথি 3:13-17; লুকা 3:21-22,
9 ইন্তং যীশু দ গালিলি রাঃআ নসরত সরগ নাগার হাতে হিচ্ কাতে ডুবানিচ যহন হ্তেৎ তে ডুবান নেনায়।
10 হেৎদ ইন্তংগে দাঃআ হাতেৎ রাঃআকাপ বেত্রাঃআং ঞেল কেৎ যায় রিমিল ফাড়কায়না, হেৎদ রিলামালা আত্মা পেরয়া চিন্তে আয়াঃআ চেতানরে আড়গু হিজুতানায়।
11 হেৎদ স্বরগ হাতেৎ নিয়া জাগার হিচ্ এনা, আম্গে ইঞাঃআ আপান হন, আমাঃআ হ্তেত্তেগে ইঞ প্রীত।
12 হেৎদ ইন্তং গে আত্মা ইনিকে ডাহিদর /পিড়িদর কুল কিয়ায়,
13 ইনা পিড়িদররে পুলি মাহা তাহি কাতেৎ বঙ্গা রাঃআ বিডারে নুরেনায়; হেৎদ বির জানয়ার কু লঃঅ তাহিলেনায় (মেনাঃইয়া), হেৎদ স্বরগ সরগ নাগা কু আয়াঃআ নেল আতেনরে তাহীন কেনাকু।
প্রভু যীশু রাঃআ সদর সামাং কামী গালিলেরে এহব। মথি 4:12-17; লুকা 4:14-15 ।
14 হেৎদ চিন্তং জিহাল রে ভরাঃআ লেন খানে যীশু গালিলেতে হিচ্ কাতেৎ ঈশ্বর রাঃআ বুগিন বার্তা গাম পাসনা কেৎআয়,
15 'অক্ত পুরাঃআএনা, ঈশ্বর রাঃআ রাঃআজ ঠাঁইঞতে সেটেরেনা; আপে মন রুয়াড়েপে, হেৎদ বুগিন জাগাররে পাতিয়াঃপে'
উপুন হড় হাকু সাসাপ কু কে রাঃআ কেৎকুয়ায়্য়। মথি 4:18-22; লুকা 5:1-11
16 ইনাতায়ম গালীল গাডা রাঃআ পাড়তে সেশেন সেশেন্তে ঞেল কেৎ কিনায়, শিমন হেৎদ আয়াঃআ হাগা আন্দ্রিয় গাডা রে জাল কিন গিডিই তানা, চিয়া চি ইঞ কিন দ হাকু সাসাপ হড় কিন তাহীন কেনা।
17 যীশু ইঙ্কিন কে গামাৎ কিনায়, ইঞাঃআ তায়্মতে হিজুবেন, আবেনকে ইঞ মান্মি সাসাব হড়ঞ বানাবেনা।
18 হেৎদ ইন্তংগে আকিনাঃআ জাল দুহাড় গিডি কাতেৎ ইনি কে কিন পাঞ্জা কিয়াঃআ।
19 ইনা তায়্ম হুঁডাঙ মাড়াং দর সেএন খান সিব্দিয়া রাঃআ হন যাকোব হেৎদ আয়াঃআ হাগা যহন কে নেল নাম কেৎ কিনায়; ইঙ্কিন হঃঅ ডঙ্গারে কিন তাহীন কেনা; জাল কিন সারিয়াৎ কেনা।
20 ইনি ইন্তংগে ইঙ্কিন কে রাঃআ কেৎ কিনায় ইনাতে অকিনাঃআ অপু সিব্দিয়াকে মুনিস কু লঃঅ ডঙগা রেগে বাগি তুকা কাতেৎ আয়াঃআ তায়্ম তায়্মতে পাঞ্জা ইদিকিয়াঃকিন।
যীশু বঙ্গাআত্মাকে কুদাগিডি কিইয়ায়। লুকা 4:31-37
21 ইনা তায়্ম ক্প্র্নাহুম সরগ নাগার তে কু বলয়না হেৎদ ইন্তংগে ইনিদ ঝিরাঃআঃমাহা রে জাহের থানতে ব্ল্কাতে চেচেদা এ চেদেদ কুয়া।
22 ইনাতে হড় আয়াঃআ সারি চেচেদ আয়ুম তে হাহাড়ায় নাকু। চিয়াঃ চি ইনিদ দাড়িয়ান জ্ঞানী হড় লেকা ইঙ্কূ কে চেদেৎ কুকেনায় ধরম চেচেদ্কু লেকাদ ল্হয়।
23 ইন্তং ইঙ্কূঃআ জাহের থানরে মিত হড় তাহিলেনায়, ইনিকে বঙ্গাআত্মা নামলিঃআ;ইনিদ কিকিচ কাতে গাম কেৎ আয়,
24 এ নাসরতিয় যীশু, আমলঅ ইঞাঃ কিনাঃ সাগাই ? আবেন দ কি আলেকে নাশ নাতিনাং হিচা কানাম ? ইঞ সারিয়াঙ, আমদ অকয় তানাম; ঈশ্বর রাঃআ ইনি রিলা মালা হড়।
25 ইন্তং যীশু ধমকাঃআ কাতেৎ গামাঃইয়া, থিরম, হিঁইরাঃআ হাঁন্ডে হাতেৎ উঁডুংঅম।
26 এন্খান্গে ইনি বঙ্গা আত্মা ইনিকে মচড়া কিচতে গাদাজোর তে কিকিচ কাতে ইনি রাঃআ ভিতির হতেন উডুং গিডিনায়।
27 এন্খান্গে যত হড় হাহাড়ায় নাকু, এমন কি ইঙ্কূ আকু আকু গে বিতর্ক কাতে কু গাম কেৎ আ আহা! নিয়া কিনাঃআ? নিয়া চিল্কান উপমা ? ইনি দাড়িয়ান লঅঃ বঙ্গা আত্মা কুকে হুকুমা কুতানায়, হেৎদ ইঙ্কূ আয়াঃআ হুকুম কু আয়ুমেৎআ।
28 ইন্তং ইনি রাঃআ বার্ত্তা তক্ষনি গোটা গালিল সরগ নাগার রাঃআ যত দর পসরাঃআএনা।
যীশু গাদা রুয়া হড় কুকে বুগি কেৎকুয়ায়্য়। মথি 8:14-17; লুকা 4:38-41
29 ইনা তায়্ম যাহের থান হাতেৎ উডুং কাতেৎ যীশু তক্ষনি ইঙ্কূ যাকোব হেৎদ যহন লঃঅ শিমন হেৎদ আন্দ্রিয় তিকিনাঃআ অড়াঃআ রে বলয় নাকু।
30 ইন্তং সিমন রাঃআ হানার তেত রুয়ারে নুরলেনায়; হেৎদ ইঙ্কূ চেলা তক্ষনি ইনি রাঃআ রুয়া তানায় মেন্তে যীশু কেকু গামাইআ; আয়ুম কাতেৎ ইনি ঠাইঞতে সেন কাতে ইনি রাঃআ তিহি সাব কাতে বিরিৎ কিইয়া।
31 যীশু ঠাইঞতে সেন কাতে ইনি রাঃআ তিহি সাব কাতে বিরিৎ কিইয়া। ইন্তং ইনি রাঃআ রুয়া ছাডায় না, হেৎদ সিমন রাঃআ হানার তেত ইঙ্কূকে নেখামান কেৎ কুয়ায়্য় য়।
32 ইনা তায়্ম তার্সীং, বেলা ডুঁবুজ এন্খান হড়কু যত রুয়া হড় কু কে হেৎদ বঙ্গা ভর হড় কুকে আয়াঃ হান্ডে আগুকেৎ কুয়া।
33 হেৎদ সরগ নাগার রেনকু গাদা হড় দুয়াররে হুঁডিনাকু।
34 ইনাতে ইনি নানান হুনার রোগ-আজার হড় কুকে বুগিকেৎ কুয়ায়্য় য়, হেৎদ বঙ্গা ভর গাদা হড় কুকে বঙ্গা ছাড়াঃকেৎ কুয়া, হেৎদ ইঙ্কূ বঙ্গাকে জাহান জাগার কায় গাম তুকালাৎ কুয়া, চিয়া চি ইঙ্কূ দ ইনি কেকু চিন্হাইয়া।
যীশু রাঃআ গাম উচ্ছান। লুকা 4:42 -44
35 ইনা তায়্ম পায়াং পুয়ুংরে, নিদা আঁগঅ গাদা মড়াংতে, বিরিৎ কাতে বাহার দর সেঃএনায়, হেৎদ নিঝুম জায়গারে সেন্কাতে বিন্তি কেৎআয়।
36 আটঃ হঃঅ শিমন হেৎদ আয়াঃআ লঅঃই কু আয়াঃআ তায়্ম তায়্ম তেকু পাঞ্জাঃ সেএঃনা,
37 হেৎদ আঃচকে নাম কাতে কু কুলি কিয়াঃআ, যত হড় আম্কেকু পাঞ্জাঃমা।
38 যীশু ইঙ্কূ কে গাম রুয়াড়েৎ কুয়া, দেলা, আবু এটাঃ এটাঃ দরবু সেনা, কাতা কাতা কুরাঃআ যত হাতু তেবু সেনা, ইঞ ইনা ঠাঁও কুরেঞ জাগরিঞ উচ্ছানেয়াঞ, চিয়াঃ চি ইনা নাতিঞ উডুঙ্গ কানাঞ।
39 ইনা তায়্ম ইনি দ গটা গলিল দিসুম রেঙ্কূ মান্মি কুরাঃআ ঝাহের স্থান কুরে সেন্কাতে চেচেদাঃআ এমাকুতানায় হেৎদ বঙ্গা কুকে কুদা গিডিৎ কুয়া।
মিয়াৎ টুন্টা বেরাঃআম হড়। মথি 8:1 -4; লুকা 5:12 -16
40 মিৎ হূলং মিয়াৎ টুন্টা বেরাঃআম হড় আয়াঃআ সামাংরে হিচ্ কাতে বিন্তি কেৎআয় হেৎদ ইকড়ুম কাতে গাম্কেৎআয়, যদি আমাঃআ ইচ্ছা হ্যুয়া, ইঞকে সুচি দাড়িয়াঞাম।
41 ইনিদ অন্তর দায়াতে তিহি ভাড়া কাতেৎ ইনি কে জুটেত কিঃআয়, গাম্কেৎআ য়, ইঞাঃআ ইচ্ছা আম সুচি হ্যুহম।
42 ইন্তংগে টুন্টা বেরাঃআম ইনিকে বগি কাতে সেএঃনায়, ইনি দ সুচিসুব্র নায়।
43 ইন্তং ইনিকে হুকুম এম কাতে কুল কিইঃইয়া,
44 যীশু গামা কিঃয়ায়, ঞেলেম মটে মটে যাহায়কে যাহানাঃআ আলম গামা কুয়া; মেন্খান বামড়ে রাঃআ হান্ডে সেন কাতে নিজেকে উদু গঅম, হেৎদ হড়কু রঃআ হান্ডে লুকুন্দ এম নাতিনাং হেৎদ আম বেসা কানাম মেন্তে মুসা রাঃআ আরিচালি লেকাতে সির্পা সামাংএম।
45 মেন্খান ইনি দ এঁডে হাতেৎ উডুং কাতে নিনতীৎ বেশী গটা গাম ডাঁঁডররাঃআ কেৎ য়ায় যে, যীশু আলগাতে যাহা সরগ নাগার কুরে কায় বলঃঅ দাড়িলেনা, মেন্খান বাহার রে নিঝুম ঠাঁওরে তাহিয়েনা;হেৎদ হড় কুদ যত দর হাতেৎ আয়াঃআ হান্ডে হিজুকু লাগায়না।