1 তীমথিয়
পুথি ত্বথ্য়।
গিরা টুডাঙইচ দ পল তানায়। 1 তিমথি রাঃআ টুডাঙ পুথি সাফা সাফি সদর তাৎআয় যে নিয়া দ কুলিচ পল হ্তেত টুডাঙ হুয়াকানা 'পল ঈশ্বর রা আ ইচ্ছা লেকাতে যীশু খ্রীষ্ট রা আ মিহুড় কুলিচ (1 তিমথি 1:1) মারী মণ্ডলী সাফা সাফি নিয়াটাকে পল রা আ গে মেন্তে মানন্তা এম তাৎআ কু
গালাং অক্ত হেৎদ ঠাঁও।
সাপ্তাম 62 হাতেৎ 64 খ্রিষ্টায়ম রাঃআ তালা মালা অক্ত। পল তীমথিকে ইফিষীয়রে আড়া তুকা অক্ত মাকিৎ নিয়া দর তড়ম ইদি কেৎআয়, এন্ডে হাতেৎ ইনিদ গিরা সেকাম হানিকে টুডাঙ লিইয়ায় (1 তিমথি 1:3, 14, 15)
হাতায়চ।
1 তিমথি নুতুম এম হুই লেনা চিয়াচি ইনাদ তীমথিকে মানতা এমেনা, অকয় দ পল রাঃআ তাড়ম হরারে লইচ হেৎদ আয়াঃআ দিশাইচ তাড়ম হরারেনিচ মিহুড় দেঙ্গাইচ তাহীন কেনায়। তিমথি হেৎদ মণ্ডলী বারদরতে মিশাতে 1 তিমথি রাঃআ মিৎপাঠুয়া তানায়।
দিশা।
তীমথিকে বাত্লা হুয়া কানা ঈশ্বর রাঃআ ঘাঁরঞ্চ আম নিজ চিল্কা লেকা আচরন হুই লাক্তি (3: 14; 15) হেৎদ চিল্কা লেকাতে নিয়া বাত্লাকু তিমথি আঁটতে সাব দহ দাড়িয়াআয়। নিয়া চিপুৎকু 1 তিমথি পুথিরাঃআ নাতিনাং পল রাঃআ দিশাহরা, গামলেকানাআ দিশা পুরা তাঃআয়। ইনি গাম তুকা তাৎআয় চি ইনি নিয়া নাতিনাং টুডাঙ তাৎআয় যাতে ইঙ্কূ সারি নামে কাআকু ঈশ্বর রাঃআ ঘাঁরঞ্চ রিঙ্কূ মান্মি আকুয়া নিজ চিল্কা আচরন হুই লাক্তি, অকা ঈশ্বর রাঃআ জিউৎ মন্ডলী হুইয়তানা, সার্তি রাঃআ ভিত খুন্টূ। নিয়া হাটিং রে পল কে গিরা কুল হেৎদ আয়ায়া হড় কুকে বাত্লা এম চি মন্ডলী কুকে চিল্কাতে কেটেজআ হেৎদ বাই রাকাপআ।
বাবদ।
যীশু মিহুড় জুয়ান চেলা হুই নাতিনাং বাত্লাকু।
চিহ্নানেল।
1. সেবা কামী নাতিনাং পাইরকা— 1:1-20
2. সেবা কামী নাতিনাং রীতিমালা — 2: 1-3: 16
3. সেবা কামী লেকাতে দায় — 4: 1-6: 21
1
বুগিন আচরণ। তীমথিয়রাঅ হান্ডে/নাতিনাং আদেশ।
1 পল, আবুয়াঃআ ত্রানকর্তা ঈশ্বর রাঃআ হেৎদ আবু য়াঃআ আসাইচ খ্রিস্ট যীশু রাঃআ হুকুম লেকাতে খ্রিস্ট জিসুরাঃ আ কুলিইচ
2 পাতিয়ায়চ থিমথিয়া ইঞাঃআ হন আমাঃআ হান্ডে। ঈশ্বর বা রাঃআ হেৎদ প্রভু যীশু খ্রিস্ট রাঃআ হান্ডে হাতেত দায়াদুলাড়, দায়া হেৎদ সুলুক নামেকাম/তাহীন কাঃআ
বেদা চেচেদকুরা বিরুধতে আদেশ/হুকুম।
3 চিল্কা মাকিৎ ানিয়া টলাতে সেনঅঃঅ বেত্রাঙ আমকে চিল্কা অনুরোধ লাত মাঞ যে আম ইফিষ শেহার তে তাহি কাতেত হড় কুকে নিয়া হুকুম এমা কুম, যাতে উনকু এটা চেচেদাঃআ আলকু এমাকু কাঃআ।
4 কাহিনী হেৎদ কুলরাসীতে মন আলম এমেয়া, চিয়াঃ চি ইনা যত দ বিতন্ডা হ্যুই তুকায়ায়, ঈশ্বর রাঃআ অকা দোলতিয়া রাঃআ কামী দ পাতিয়ারাঃআ বেপার, ইনা লেকা বায়াঃনা
5 অকাঃআ সাপা আত্মা, স্ত্সংবেদ হেৎদ অকল্পিত পাতিয়া হাতেত উত্পন্ন;
6 কিছুহড় কু নিয়া যত হরা হাতেত ভ্স্ট হুই কাতে 'বেদা ভছড়ীয়া লেকা ইটাঃআ হরা তে কু সেনা কানা।
7 উঙ্কুদ বেবস্থা রাঃআ চেচেদিচ্কু হুই বুঝাকু তানা অথ্চ অকাঃআ কু গামেয়া, হেৎদ অকা বাব্ত্তে গটা মেন্তে কথা কু গামেয়া ইনা রাঃআ যাহানাঃআ কাকু সারিয়া।
8 মেন্খান আলে সারিয়ালে, বেবস্থা ভাল যাহায় যদি বিধিমতে ইনা কু বেবহারেয়া
9 নিয়া সারি কাতে গেকু করায়া যে, ধর্মিক রাঃআ নাতিনাং দ ল্হয়, মেন্খান অকয় কু বিধার্মিয় হেৎদ অদম্য, ভুকতিহীন হেৎদ কাই ী, সাধুল্হয়, হেৎদ ধর্মবিরূপ, অপু গ্জিচ, মাইগ্জিচ, হড়গ্জিচ,
10 রেন্ডা, হড়ম সানায়চ, অটঙ্গা, লাব্বাক, বেদা এক্ড়ারইচ, উঙ্কু খাতির হেৎদ যত কিছু বুগিন ছেদা রাঃআ উল্টা, ইনি রাঃআ বেবস্তা বানা হুয়া কানা।
11 গাদা সারাও, ইস্বরাঃ অনা গুন্জহার বুগিন সমাচার লেকাতে, অকা বুগিন সমাচার ইঞা হান্ডে গুছিয়া কাতে মেনাঃআ
12 অকয় ইঞ কে দাড়ি এমাতিইচঞা, আবুয়াঃআ প্রভু যীশু খ্রিস্ট কে সারাও এমাইতানা, চিয়াঃচি ইনিদ ইঞ কে বিশস্ত জ্ঞান এম কাতেত দেখ-ভাল রাঃআ নাতিনাং বহাল তিইঃঞায়।
13 যদি ও ইঞ মাড়াংতে ধরম নিন্দক, কুদাগিডিয়চ, অপ্মানিচ তাহিলেনাঞ; মেন্খান দয়াঞ ঞাম তাঃআঞ, চিয়াঃ চি কা সারি কাতেত অপাতিয়ান রাঃআ মহতে এনকান কামিত কেনাঞ;
14 আবুয়া প্রভু রাঃআ দায়াদুলাড়তে, খ্রিস্ট যীশু রাঃআ বাব্ত্তে, পাতিয়া, হেৎদ দুলাড় লঃঅ, মিতগাদা দুলবুরু য়া তিইঃঞায়।
15 নিয়া জাগার পাতিয়ালেকানা হেৎদ যতবাব্ত্তে লেকাতে গ্রহনলেকানাঃআ যে, খ্রিস্ট যীশু কাই ী কুরা ঞাতিনাঙ পরিত্রান এম কুরাঃআ ঞাতিনাঙ দিসুমতে হিচা কানায়; উঙ্কু কুরাঃআ তালারেনিচ ইঞগে মাড়ং লেখাতে রেনিচ;
16 মেন্খান নিয়া নাতিনাং দয়াঞাম তাঃআ, চিয়াঃ চি যীশু খ্রিস্ট নিয়া মাড়াংইদি নাতিনাঙ ইঞকে সম্পুর্ন সাহাও দাড়ি নাতিঞাং সতুঃ তি ইঞায়, যাতে ইঞ আকুয়াঃআ আদর্শ হুই দাড়ি কাঃআঞ, অক্য়্কু জায়্যুযুগ জীউ রাঃআ নাতিনাঙ পাতিয়া আঃকু
17 ইনিদ যুগযুহড় রেনিচ রাপাজ, অক্ষয়, অদৃশ্য মিত ঈশ্বর, যুগযুহড় রেনিচ যুগ যুগ আয়াঃআ গুনমান হেৎদ গুনজহার হযুঃ কাঃআ, আমেন
তিম্থিয়রাঅ ভারাজনা
18 তিম্থিয় আম ইঞা হনলেকা, আমাঃ বাব্ত্তে গাদা মাড়াং হাতেত যত ভাবীজাগার লেকাতে ইঞ আমাঃ আ হান্ডে নিয়া হুকুম সম্পা কেৎ আঞ, যেন আম ইনা কুরাঃআ গুনালেকাতে বেশগটা লাড়াই দাড়িম,
19 যেনপাতিয়া হেৎদ বুগিনহাদিস বান্চাধ্হম; বুগিন্হ্দিস সাঁঙ্গিঞ দরলেপ্দাগিডিতে অকয় অকয় কুরা দ পাতিয়া রুপি লাউকা পেটেচা কানা।
20 উঙ্কু কুরাঃআ তালারেন্কু কুদ হুমিনয় হেৎদ আলেকজান্দার; ইঞ হান্কিনকে শয়তান রাঃআ তিহিরে স্প্মা তাতকিনাঞ, যাতে ইঙ্কিন হার্কেৎ সাসেত ঞাম কাতেত ধরম নিন্দা ব গীরা চেতনা কিন ঞামে কা আ।