2 তীমথিয়
পুথি ত্বথ্য়।
রোম রাঃআ জিহাল হাতেৎ আড়াঃআ নাম তায়্ম হেৎদ আয়ায়া উপুন ধ্ফা মিশনারী সেসেন হরা রাঃআ তায়্ম মাহা তালা কুরে ইনি 2 তিমথি অল লাৎআয়, পলকে অটঃহঅগে পাটরাপাজ নীরো রাঃআ ধীন রে স্যাপতল হুয়েনা। ইনাদ নিয়া মাহা রাঃআ তালা রে তাহি লেনা চি ইনি 2 তিমথি অল লাৎআয়, ইনি রাঃআ মাড়াং জিহালবাস হাতেৎ, চিন্তং ইনি মিয়াৎ ভাড়াঅড়ারে তাহি লেনায় (কুলিচ কুরাঃআ কামী 28: 29), ইন্তং ইনি মিয়াৎ রাড়েচ লুম্বা কুঁয়া ভীতিররে উগুর দহ লিয়াকু (4: 13), মিয়াৎ সাধারণ কুকামীইচ লেকানিচ লেকা সিকড়ী তুকা লেনায় (1: 16 ; 2: 9) পল সারিকেনায় চি আয়ায়া কামীকু পুরা হিচাকানা হেৎদ আয়ায়া জিউ চাবা হিচাকানা।
গালাং অক্ত হেৎদ ঠাঁও।
সাপ্তাম 66 হাতেৎ 67 খ্রিষ্টায়ম তালা মালা অক্ত। পল রোমরে বারসা জিহালরে কাঁজু তাহি লেনায় হেৎদ ইনিদ নিয়া গিরা অল লাৎআয় চিন্তং ইনি শহীদ হুই রাঃআ তাঙ্গিরে তাহি লেনায়।
হাতায়চ।
দশার তিমথিতে তিমথি নিয়া গিরা সেকাম রেনিচ মাড়াং পাঠুয়া তাহি লেনায়, মেন্খান নিয়াদ নিশ্চিৎ ইনিদ মন্ডলী কুলঅ যতচ াগে হাটিং লাৎআয়।
দিশা।
গটাগুটি উৎসাহ এম উচাড় হেৎদ উপমা এম গেডি লঅ তিমথিকে বাগী হিচ পল রাঃআ কামী কুকে মাড়াং দর ঠেলা ইদি অকাআ ইনি হানিরাঃআ চেতাং রে কেটেচ কাতে এমা লিয়ায়্য় (1: 3-14), ধ্যানতে (2: 1-26) হেৎদ যোগা দহ লাৎআয় (3: 14-17; 4: 1-8)
বাবদ।
পাতিয়ান কামীইচ কে ভরাবার,
চিহ্নানেল।
1. সেবাকামী নাতিনাং প্রেরণা — 1: 1-18
2. সেবাকামী তালারে যখাখাটি — 2: 1-26
3. অফুয়া চেচেদ বিরুদ্ রে হুঁসিয়ার — 3: 1-17
4. উৎসাহ হেৎদ আশিস রাঃআ জাগার — 4: 1-22
1
জোহার
1 পল, খ্রীষ্ট যীশুরা জিউ এমাবুয়া একরাড় লেকাতে ঈস্বররা মর্জিতে নাতিরাং ইনা দ খ্রীষ্ট যীশুরা কুলিয়জ,
2 ইঞআ আলাৎ হন তিমথীয়রা হান্ডে আপু ঈশ্বর হেৎদ আবুয়া প্রভু খ্রীষ্ট যীশু হাতেন মায়া, দায়া অটঃ সুলুক এমাবুকায়।
পাতিয়া নাতিনাঙ উত্সাহ
3 ঈশ্বর, অকয়রাঃহমরবিন্তি ইঞ আপুইঞ-বুঢাইঞতুকুয়া/হাপড়াম কুয়া হাতেন সাপা/ফার্চা মনেতে/বিবেকতে সেবা-দেবা করাঃআউতাইঞ, আয়কে সারহা এমাইতানাই যে, ইঞআ বিন্তিরে/কয় জং সারাঘাড়ি/সিঙ্গি নিদা আমকে পাহাম তানামাই।
4 আমা মেত্দাআ পাহাম কাতেন সিঙ্গি নিদা আমকে নেল/নেপেল নাতিরাং চিকাচাতানাই, যাতে খুসিতে পেরেজ তাহীনকাইঞ ।
5 আমা অন্তর ভিতাররা খাঁটি পাতিয়াও থুতি পাহাম কিঞায়, যাহাদ মাড়াং আমা বুঢিমতামা লোয়ী অটঃ আমা এন্গাম উনিকি অন্তররে বাসা তাহিনেনা, হেৎদ ইঞআ গটা মনে হুয়ুআ, আমা অন্তরেহঃ বাসা তানায়/মেনা।
6 নিয়া নাতিরাং আমকে পাহাম তকা তানামাই, ইঞ তিহি বাড়া কাতেন ঈশ্বররা যে দায়াদুলাড় দান আমা হান্ডে মেনাআ ইনা উস্কুর-জুল দহম।
7 চিয়াঃচি ঈশ্বর আবুকে বর-রাঃআ আত্মাদ কা এম তায়াআবুয়ায়, মেন্খান্দ দাড়ি, দুলাড় তে অটঃ বুঝা/আটকার (সু বুদ্ধি-হাতাং) দাড়িরাঃআত্মা এমতাআবুয়ায়।
8 এন্খান্দ আবুয়া প্রভুরা লুকুন্দ মেনতে অটঃ আনিরা ইঞ কায়দী তানাই, ইঞআ বাব্ত্তে তে আম আলোম গিউগ আ, মেন্খান্দ ঈশ্বর রা দাড়িতে বুগিন সংবাদ লো/সাথ্তে কষ্ট/লেন্দকেৎ সাহায় পে।
9 ইনিগে আবুকে বান্চাতাআবুয়ায়, অটঃ রিলামাল আড়াংতে রাঃআতানাবুয়ায়, আবুয়া কামী লেকাতে এঙ্কাদঃ লহয়, মেন্খান্দ আয় পাহাম কাতেন অটঃ দায়াদুলাড়লেকাতে যুগ যুগ মাড়াং হাতেন খ্রীষ্ট যীশু আবুকে এমহুয়াকানায়।
10 হেৎদ নাহা আবুয়া উদ্ধারকর্তা/বান্চাওইজ খ্রীষ্ট যীশু দ্বারায়তে উদু সদরে নায়, যাহায়দ গয়ঃকে নানদান/নষ্ট কিয়ায়, হেৎদ বুগিন সংবাদ দ্বারায়তে জিউ আর বিন/কা গয়ঃজ মার্শালতে আগুতান কেকুয়ায়্য় য়
11 ইনা বুগিন সংবাদ রিনিজ ইঞ পাসনা ক/গামিইজ, কুলিইজ অট গুরু/শিখাওনি মেনতে দহ/ঠারাও তিঞাকু।
12 ইনা নাতিরাং ইনতি দুখ সাহা কিঞ তুভুইরঅ কাইঞ গিউ তানাই, চিয়াঃচি অকয়কে পাতিয়া তিইঞ, ইনিকে/আনিকে সারিঞ, হেৎদ কুঠিন্গে কেটেজ পাতিয়া তানাইঞ, ইঞ আনিরা হান্ডে জাহানা গুছিয়া/জগা কাতেন দহলাইঞ, ইনি ইনা মাহা নাতিরাং ইনা বাঁনচা দাড়িকায়।
13 আম ইঞা হান্ডে যাহানাগে আয়ুম্তাম, ইনা বেশ বুগি চেচেদ কুয়া আদর্শ/শিখানাও খ্রীষ্ট যীশুরে পাতীয়াউ অট দুলাড়তে সাব দহয়্পে।
ঈশ্বর লিয়া মিউড় কারিগরকে বাচ্ছা।
14 আমা হান্ডে অকা বুগিন ধন দৌলত গুছিয়াদহমেনা, ইনা আবুয়া অন্তররে বাসা তাহীনকা, ইনা রিলামাল /রিলামালা আত্মা যতন দহ কুম।
15 আম সারিয়াম, এশিয়ারে যাহায় মেনা কুয়া, ইঙ্কূ যতচ ইনঞা হান্ডে হাতেন অচ গিডিয়া কানাকু ইঙ্কূয়া ভিতার হাতে ফুগিল্ল অট হর্ম্মগিনি মেনাকিনা।
16 প্রভু অনিশিফোররা ইফিশিয় শেহার হতেন হিচ াকানায় অড়া হড়কুকে দায়া এম্কেৎ কুয়ায়্য় য়, চিয়াঃচি ইনি বার বার ইনঞা জিউ রাড়েজ কিইয়ায়্য়, হেৎদ ইঞা ঝিন্ঝিরি নাতিরাং কাইঞ গিউ লেনাইঞ ।
17 বরংচ আয় রোমরে শেহার সেটের কাতেন বেশগটা ার খোজ হাতা কাতেন ইনঞলো নাপামেনায়।
18 প্রভু আনিকে নিয়া বর এমিকায়, যাতে ইনা মাহা আয় প্রভুরা হান্ডে হাতেন দায়া নামেকায়, অট এফিষ শেহার রে ইনি চিনতি সেবা কামী করাতকালায়, ইনাকু আমা বেশগটা ার সারি মেনা।