នាវនតើម
នាវឞោកអ៝ន់ឞូគឹតល៝រ
នើមអីញចីសឆ៝ម់បុតអ្យា ឞូមឹនលាសជេងមោឆេ (នវ ៣១:៩, ២៤; មក ៧:១០)។ ឞូមឹនលាសពាង់ញចីសឆ៝ម់បុតអីអ្យា នោកផូងអីឆ្រាអែលឞ្រោៈរ៝ៈឞ្រីរាទាស ក្លាប់លាសតានាម់ ១៤៤៦-១៤០៦ អេល៝រមាឞ្រាសយេឆូទែស។ នាវងើយអើមតាឆ៝ម់បុតអ្យាជេងនាវងើយហេឞ្រើ កើតមាឞើយទឹងលែៈនាវតានាវតឹមរាង្លាប់អើម។
ឆ៝ម់បុតនាវនតើមតានាវកោរាញឞ្រាសងើយ មឞើសងក៝ចនតើមញជេងត្រោកញជេងនែសនតូ នតើមគែសឞូនុយ្សតានែសនតូ នទ្រែលមានតើមគែសផូងប៝នលានអីឆ្រាអែលអីប៝នលានកោរាញឞ្រាសនើម។ ឆ៝ម់បុតអ្យាមឞើសងក៝ចមានតើមគែសនាវតីសតាឞូនុយ្ស នទ្រែលមានាវមឞើសងក៝ចមាកោរាញឞ្រាសនតើមច្វាយឞូនុយ្សឞើសនាវតេៈទោយ្សយ៝រមានាវតីសខាន់ពាង់ជាន។
នាវនតីអាបាៈតាឆ៝ម់បុតអ្យា
ឆ៝ម់បុតនាវនតើមអ្យាលែវឞូនុយ្សអ៝ន់គឹតនាល់នាវទាង់នាវទើយកោរាញឞ្រាសនើម។ ឞើសនតើមឆាអើមឆាអាម ពាង់លែៈញជេងត្រោក ញជេងនែសនតូ នទ្រែលមាអ៝ន់គែសទឹងលែៈនទើតានែសនតូអ្យា ជេសរីទឹងលែៈនតីលនទើតានែសនតូអ្យាគុតាន៝ម់នាវទើយកោរាញឞ្រាសនើម។ តីសមាឞូនុយ្សត៝ល់ង្វាយមោអ្យាត់នាវដាៈកោរាញឞ្រាសនើម(នន ៣:១-៦) នទ្រីទឹងគែសនាវតីសតឺបទឹងលែៈឞូនុយ្សតានែសនតូអ្យា។ ជេសរីកោរាញឞ្រាសដាៈឞូនុយ្សអ៝ន់ជានឞ្រាសងខឹតមពោមពា គៃមាច្វាយខាន់ពាង់ឞើសនាវតេៈទោយ្សងខឹតខាន់ពាង់យ៝រមានាវតីសអីនៃ ជេសរីកោរាញឞ្រាសជាននាវតឹមរាង្លាប់នទ្រែលមាឞូនុយ្សអាបាៈ។ កោរាញឞ្រាសជាននាវតឹមរាង្លាប់នៃដាសអាដាម់ (នន ១:២៦-៣០; ២:១៥-១៧; ៣:១៥) ដាសនោអេ (នន ៩:១១) នអ៝ប់មាដាសអាឞ្រាហាម់ (នន ១២:១-៣)។ នាវតឹមរាង្លាប់ដាសអាដាម់ នទ្រែលមានាវតឹមរាង្លាប់ដាសនោអេ ជេងនាវតឹមរាង្លាប់ដាសមាទឹងលែៈឞូនុយ្សជឹតនាប់តៃ។ តានាវតឹមរាង្លាប់ដាសអាឞ្រាហាម់អីនៃ កោរាញឞ្រាសត៝នមាពាង់ អ៝ន់នាវគែសជេងមាពាង់ អ៝ន់ពាង់ជេងទូផូងក្វ៝ង់ នទ្រែលមាអ៝ន់គែសនាវគែសជេងមាទឹងលែៈផូងឞូនុយ្សតានែសនតូអ្យាតាៈឞើសពាង់។ តាៈឞើសងកោៈ ១២ តាឆ៝ម់បុតអ្យាមឞើសងក៝ចមារានាក់វ៝ល់អាឞ្រាហាម់ នទ្រែលមាក៝នឆៅពាង់។ ត៝ត់អាកើយនាវត៝នអីនៃគែសងាន់តាឞ្រាសយេឆូក្រីសអីរាន៝យទែសអាឞ្រាហាម់ ជេសរីទឹងលែៈឞូនុយ្សអីញឆីងមាឞ្រាសយេឆូក្រីសគែសនាវគែសជេងតាៈឞើសកោរាញឞ្រាស។ កេងលោចឆ៝ម់បុតអ្យាផូងក៝នឆៅអាឞ្រាហាម់អេហ៝ៈអោសជេងទូផូងក្វ៝ង់ យើនមាតាឆ៝ម់បុតនាវងលោស នាវត៝នអ្យាលែៈគែសងាន់។
នាវនតីអាបាៈជឹតតាឆ៝ម់បុតអ្យា នតីមានាវកោរាញឞ្រាសទុតគែសនាវទើយ នាវរ៝ង់ពាង់មាផូងឞូនុយ្ស នាវគែសនាវអុចនត្រ៝ង់ពាង់មាផូងឞូនុយ្ស នាវរាប់ជាប់ នាវឆ៝ង់ពាង់ នទ្រែលមានាវពាង់តេៈទោយ្សមាឞូនុយ្សជានតីស ជេសរីរាក្លាយ្សឞូនុយ្សឞើសនាវតេៈទោយ្សយ៝រមានាវយោៈនអាចពាង់។
មឞើសនាវខ្លៃតាងកោៈតាឆ៝ម់បុតអ្យា
១:១—១១:៣២ នាវនតើមត្រោក នទ្រែលមានែសនតូ
១:១—២:៣ នាវញជេងត្រោក នទ្រែលមានែសនតូ
២:៤—៤:២៦ នាវងក៝ចមាអាដាម់ នទ្រែលមាអេវា នាវតីសត៝ល់ង្វាយ នាវងក៝ចមាកាអីន នទ្រែលមាអេបិល
៥:១—១០:៣២ នាវងក៝ចមានោអេ នទ្រែលមានាវទាកលេងទាកទើង
១១:១—១១:៣២ នាវងក៝ចមាប៝នបាបិល
១២:១—៥០:២៦ នាវងក៝ចកោរាញឞ្រាសក្វាល់អូចែផូងអីឆ្រាអែលអ៝ន់គឹតនាល់ នទ្រែលមាយើកមឞាសមាពាង់។
១២:១—២៥:១៨ នាវងក៝ចមាអាឞ្រាហាម់
២១:១—៣៥:២៩ នាវងក៝ចមាអីឆាក់អីក៝នអាឞ្រាហាម់
២៥:១៩—៣៧:១ នាវងក៝ចមាយាកោបអីឆៅអាឞ្រាហាម់ ទឹងគែសតេៈរាញា «អីឆ្រាអែល»។ យាកោបគែស ១២ នុយ្សក៝នឞូក្លោ អីនៃជេងគែស ១២ រាន៝យមពោលតាផូងអីឆ្រាអែល។
៣៧:២—៥០:២៦ នាវងក៝ចមាយោឆែប ជេងទូហ្វេតា ១២ នុយ្សក៝នយាកោបនៃ។
១
នតើមកោរាញឞ្រាសញជេងនែសនតូ នទ្រែលមាទឹងលែៈនតីលនទើ
១ ឞើសនតើមឆាអើមឆាអាមកោរាញឞ្រាសញជេងត្រោក ញជេងនែសនតូ។
២ នោកនៃនើសនែសនតូអេហ៝ៈគែសអោស ហោមញឆ៝យ្សឞ៝ង់លាហឺរ ង៝ចេកកោលាក់ងាន់តាឞើសលើទាកជ្រូ ជេសរីឞ្រាសហ្វេងអ្វែសកោរាញឞ្រាសហាន់រាឆ៝ងតាកាលើទាករី។
៣ ជេសរីកោរាញឞ្រាសលាស៖ “អ៝ន់គែសអាង” ជេសរីគែសអាងងាន់រ៝។
៤ កោរាញឞ្រាសឆៃអាងអីនៃលែៈអ្វែសជេស ជេសរីពាង់តឹមងខាសលើយអាងនៃឞើសង៝។
៥ កោរាញឞ្រាសក្វាល់អាងអីនៃរាញា «នារ» ជេសរីពាង់ក្វាល់ដ៝ង់ង៝រាញា «មាង់» តានៃគែសមាង់គែសអោយ អីនៃជេងនារត៝ល់ង្វាយ។
៦ ជេសរីកោរាញឞ្រាសលាស៖ “អ៝ន់គែសទូមល៝ម់រាលាតតាងក្លាងងគូលទាកគៃមាតឹមងខាសលើយទាក”។
៧ នទ្រីកោរាញឞ្រាសជានរាលាតអីនៃ គៃមាតឹមងខាសលើយទាកឞើសទ៝ង់ឞើសលើ ជេសរីគែសកើតអីនៃងាន់រ៝។
៨ ជេសរីកោរាញឞ្រាសក្វាល់រាលាតអីនៃរាញា«ត្រោក» តានៃគែសមាង់គែសអោយ អីនៃជេងនារត៝ល់ឞារ។
៩ ជេសរីកោរាញឞ្រាសលាស៖ “ទាកអីតាន៝ម់ត្រោកអីនៃអ៝ន់ញឆុនគុទូនតុក គៃអ៝ន់មពើលកើស” ជេសរីគែសកើតអីនៃងាន់រ៝។
១០ កោរាញឞ្រាសក្វាល់កើសអីនៃរាញា«នែស» ក្វាល់ទាកញឆុនអីនៃរាញា«ទាកវាច់ទាកវារ់» កោរាញឞ្រាសឆៃលែៈនទើពាង់ញជេងអីនៃអ្វែសទាទេជេស។
១១ ជេសរីកោរាញឞ្រាសលាស៖ “អ៝ន់នែសគែសហ៝នតើមឆីតើមគ្លែរេបជាអីគែសងគារ់ តើមឆីតើមគ្លែអីគែសព្លៃអីគែសងគារ់ហ៝នតាៈឞើសនែស គែសលែៈនតីលតឹងនតីលអេងៗ” ជេសរីគែសកើតអីនៃងាន់រ៝។
១២ តាកាលើនែសពាង់គែសហ៝នព្រូតើមឆីតើមគ្លែរេបជាទឹងលែៈនតីលអេងៗ នទ្រែលមាតើមឆីតើមគ្លែអីគែសព្លៃអីគែសងគារ់។ កោរាញឞ្រាសឆៃលែៈនទើពាង់ញជេងអីនៃអ្វែសទាទេជេស។
១៣ តានៃគែសមាង់គែសអោយ អីនៃជេងនារត៝ល់ពែ។
១៤ ជេសរីកោរាញឞ្រាសលាស៖ “អ៝ន់គែសនទើអាងអេងៗតាកាលើត្រោក គៃមាតឹមងខាសលើយនារដាសមាង់ អ៝ន់មាឞ្លាវកើបនារ ខៃ នាម់
១៥ នទ្រែលមាអាងតានែសនតូអ្យាដ៝ង់” ជេសរីគែសកើតនៃងាន់រ៝។
១៦ នទើអាងកោរាញឞ្រាសលែៈជេសញជេងគែសនទើអាងក្វ៝ង់ៗឞារមល៝ម់តាកាលើត្រោក នទើអាងអីទូមល៝ម់រីទាង់រាលាវឞូមាអាងនោកនារ នទើអាងដេៈៗរីមាអាងនោកមាង់ នហ៝មាពាង់ញជេងដ៝ង់ទឹងលែៈមាញ់មឞីង។
១៧ កោរាញឞ្រាសតេៈនទើអាងតាកាលើត្រោកនៃ គៃមាអាងតានែសនតូអ្យា
១៨ មាអាងតានោកនារ តានោកមាង់ គៃមាតឹមងខាសអាងឞើសង៝ដ៝ង់ កោរាញឞ្រាសឆៃលែៈនទើអាងអីនៃអ្វែសទាទេជេស។
១៩ តានៃគែសមាង់គែសអោយ អីនៃជេងនារត៝ល់ព្វាន់។
២០ ជេសរីកោរាញឞ្រាសលាស៖ “តាត្រោមទាកអ៝ន់គែសកឹតកាងគ្លាមែរែអ៝ន់អ៝ក់រ៝ក់ តាកាលើត្រោកអ៝ន់គែសឆ្យុមមពារ់ដ៝ង់”។
២១ នទ្រីកោរាញឞ្រាសញជេងកាក្វ៝ង់ៗងាន់រ៝ៈទាកវាច់ទាកវារ់ នទ្រែលមាទឹងលែៈនទើអីគែសរេសគែសនហ៝ម់ឞ្លាវមព៝ត់ឞ្លាវញឆ្ល៝ង់ព៝ល់រែលិញវិញតាទាក តឹងនតីលអេងៗងាន់ ទឹងលែៈឆ្យុមនារគែសតឹងនតីលអេងៗដ៝ង់។ កោរាញឞ្រាសឆៃទឹងលែៈនទើអីនៃអ្វែសទាទេជេស។
២២ ជេសរីកោរាញឞ្រាសអ៝ន់នាវគែសជេងទឹងលែៈនតីលនទើអីនៃ ពាង់លាស៖ “អ៝ន់គែសអ៝សគែសក៝នឞឹករឹលាមទាកវាច់ទាកវារ់នៃ ឆ្យុមនារអ៝ន់គែសអ៝សគែសក៝នឞឹករឹតានែសនតូអ្យាដ៝ង់”។
២៣ តានៃគែសមាង់គែសអោយ អីនៃជេងនារត៝ល់ព្រាម់។
២៤ ជេសរីកោរាញឞ្រាសលាស៖ “តានែសនតូអ្យាអ៝ន់គែសមពោមពា(ឆ្យុម)តឹងនតីលអេងៗ មពោមពា(ឆ្យុម)តាប៝ន មពោមពា(ឆ្យុម)ហូងវើរ មពោមពា(ឆ្យុម)តាឞ្រី” ជេសរីគែសកើតនៃងាន់រ៝។
២៥ កោរាញឞ្រាសញជេងមពោមពា(ឆ្យុម)តាឞ្រី គែសតឹងនតីលអេងៗ មពោមពា(ឆ្យុម)តាប៝នតឹងនតីលអេងៗ ទឹងលែៈមពោមពា(ឆ្យុម)អីហូងអីវើរតានែសនតូអ្យាគែសតឹងនតីលអេងៗដ៝ង់ ពាង់ឆៃទឹងលែៈនតីលនទើអីនៃអ្វែសទាទេជេស។
២៦ ជេសរីកោរាញឞ្រាសលាស៖ “អ៝ន់ឞ៝ន់ជានក៝នឞូនុយ្សឞ្លាវមឹនជេងកោរាញតឹមឞានមាឞ៝ន់នើមកើតឞ៝ន់នើម អ៝ន់ពាង់កោរាញមានែសនតូអ្យា ទើយដាសមាកឹតកាតាទាកវាច់ទាកវារ់ ឆ្យុមមពារ់តាកាលើត្រោក មពោមពា(ឆ្យុម)តាឞ្រីតាប៝នលាមនែសនតូ នទ្រែលមាអ៝ន់ពាង់ទើយទាទេដាសទឹងលែៈនតីលនទើហូងនទើវើរតានែសនតូអ្យា”។
២៧ កោរាញឞ្រាសញជេងក៝នឞូនុយ្សនើសឞ្លាវមឹនជេងកោរាញតឹមឞានមាពាង់នើមងាន់
កើតពាង់នើមងាន់រ៝
កោរាញឞ្រាសញជេងខាន់ពាង់អ៝ន់គែសឞូក្លោគែសឞូអូរ។
២៨ ជេសរីកោរាញឞ្រាសអ៝ន់នាវគែសជេងមាខាន់ពាង់ ពាង់លាស៖ “អ៝ន់ឞាៈអ៝សរ៝ងក៝នឞឹករឹលាមនែសនតូអ្យា អ៝ន់ជេងកោរាញមានែសនតូអ្យា ជេសរីទើយដាសមាកឹតកាតាទាកវាច់ទាកវារ់ ឆ្យុមមពារ់តាកាលើត្រោក ទើយដាសទឹងលែៈរាងោចមពោមពា(ឆ្យុម)អីគែសតានែសនតូអ្យា”។
២៩ កោរាញឞ្រាសលាសជឹត៖ “ហើយខាន់អៃមៃ អ្វាញ់អ្យា! គ៝ប់ញជេងអ៝ន់គែសទឹងលែៈនតីលរេបជាអីគែសងគារ់ហ៝នលាមនែសនតូអ្យា នទ្រែលមាទឹងលែៈនតីលតើមឆីតើមគ្លែអីគែសព្លៃគែសងគារ់អ្យា គៃមាអ៝ន់ខាន់អៃមៃឆោងឆា
៣០ ជេសរីលែៈរាងោចឆ្យុមមពារ់កាលើត្រោក លែៈរាងោចមពោមពា(ឆ្យុម) ទឹងលែៈនតីលនទើហូងនទើវើរ ទឹងលែៈនតីលនទើអីគែសរេសគែសនហ៝ម់តានែសនតូអ្យា គ៝ប់អ៝ន់ដ៝ង់រេបជាតើមឆីតើមគ្លែទឹងលែៈនតីលអ្យាព្រែមាកាប់មាឆាដ៝ង់” ជេសរីពាង់គែសកើតនៃងាន់រ៝។
៣១ កោរាញឞ្រាសអ្វាញ់ទឹងលែៈរាងោចនទើពាង់ញជេងអីនៃនើស ពាង់ឆៃទឹងលែៈនតីលនទើពាង់ជាននើស លែៈអ្វែសងាន់រ៝ តានៃគែសមាង់គែសអោយ អីនៃជេងនារត៝ល់ព្រាវ។