៣
យោនាយ្ស អ្យាត់នាវកោរាញឞ្រាសហាន់តាប៝ននីនីវេ
១ ឞ្រាសយេហោវា ដាៈមាយោនាយ្ស ទូតឹជឹត៖
២ “ទ៝ក់ហ៝ម់ ហាន់តាប៝ននីនីវេ អីប៝នទុតក្វ៝ង់រី ជេសរីមឞើសមាឞូនុយ្សគុតាប៝នរីអ៝ន់គឹត កើតនាវគ៝ប់នតិញដាៈមាមៃនើស!”
៣ យោនាយ្ស អ្យាត់នាវឞ្រាសយេហោវា ដាៈ ជេសរីពាង់ទ៝ក់ដើបឞើសនៃ ហាន់តាប៝ននីនីវេ ប៝នអីនៃទុតក្វ៝ង់ងាន់ ឞ្រោៈពែនាររីមើលោច។
៤ យោនាយ្ស ត៝ត់តាប៝នអីនៃ ពាង់នតើមហាន់លាប់រ៝ៈប៝នអីនៃទូនារ ពាង់មឞើសលាស៖ “ហោមព្វាន់ជឹតនារជឹតនាប់កោរាញឞ្រាសមរាលើសអ៝ន់ហេងលើយប៝នអ្យា!”
៥ ជេសរីឞូនុយ្សតាប៝ននីនីវេ នៃអ្យាត់នាវកោរាញឞ្រាសអីមឞើសនតិញតឹងយោនាយ្ស អីនៃ ខាន់ពាង់នទុយ្សតោរលែៈលាន់នាវខាន់ពាង់ជានតីស អុចញហើខាន់ពាង់មអារ់លើយលែៈនាវតីសអាល៝រនើស កើតនទ្រីខាន់ពាង់លែវឞាល់មឞើសងក៝ចនាវអីនៃអ៝ត់ឆោងឆា ញឆ៝សងគូតឞ៝កបៅច្យាត់ នតើមឞើសឞូនុយ្សនទ្រ៝ង់ត៝ត់មាឞូនុយ្សអ៝អាចងាន់រ៝។
៦ នាវអ្យាលឺតាង់ត៝ត់អាកាដាច់នីនីវេ ងាន់ ពាង់នទុយ្សតោរអុចញហើលែៈនាវពាង់ជានតីសនើស នទ្រីទឹងពាង់ជុរឞើសលើរានើលកាដាច់ពាង់អីនៃ ទ្រ៝សលើយអីអាវកាដាច់នៃ ញឆ៝សងគូតឞ៝កបៅច្យាត់ ជេសរីគុតានតុកអុញឞុសឆីឆ៝។
៧ ជេសរីលោសនាវតាៈឞើសកាដាច់ដាៈឞូមឞើសលាមតាប៝ននីនីវេ អីនៃលាស៖ “អ្យានាវកាដាច់ នទ្រែលមាផូងកោរាញកើលជានការ។ ទឹងលែៈឞូនុយ្សមោអោសអ៝ន់ឆោងឆាញេតទាក នទ្រែលមាមពោមពា(ឆ្យុម)នទ្រោកឞែមោអ៝ន់ដ៝ង់ឆាមពាញេតទាក។
៨ អ៝ន់ទឹងលែៈឞូនុយ្ស នទ្រែលមាមពោមពា(ឆ្យុម)ញឆ៝សងគូតឞ៝កបៅច្យាត់ទាទេ ជេសរីញុមនតែរ អ៝ន់ទឹងលែៈឞូនុយ្សមឞើសឆើមក្វាល់កោរាញឞ្រាសអ៝ន់ហោងាន់ ងក្លើយលើយនូយ្សនហ៝ម់អ្យើស នទ្រែលមានាវហាត់ជាញតឹមលើសតឹមងខឹតអីខាន់អៃមៃវៃជាន។
៩ ងខេបលាសកោរាញឞ្រាសរាគ៝ល់នូយ្សនហ៝ម់ពាង់ មោហោមនូយ្សមាឞ៝ន់ លាសនទ្រីឞ៝ន់មោអោសមរាខឹតហេង”។
១០ កោរាញឞ្រាសឆៃនូយ្សនហ៝ម់រាគ៝ល់លើយទាទេលែៈនាវអ្យើសខាន់ពាង់ជាននើស ជេសរីកោរាញឞ្រាសរាគ៝ល់នូយ្សនហ៝ម់ពាង់នើមអ៝ន់មាផូងអីនៃ ឞាសលើសហេងមាខាន់ពាង់ មោអោសលើសកើតនាវពាង់ថាម់ឞើសនតើមនើស។