6
នាវអ៝ន់នទើយោៈមាផូងអ៝អាច
1 “អ៝ន់ខាន់អៃមៃញជ្រាង់ លើយអោសជាននទើអ្វែសមាឞូតានាប់ឞាល់ផូងគៃមាអ៝ន់ឞូឆៃ។ លាសជានកើតនៃ ខាន់អៃមៃមោគែសអោសនទើងខោមតាៈឞើសកោរាញឞ្រាសឞឹខាន់អៃមៃអីគុតាកាលើត្រោករី។
2 នោកខាន់អៃមៃអ៝ន់នទើយោៈមាផូងអ៝អាច លើយអោសមឞើសមាទឹងលែៈឞូនុយ្សមានទើខាន់អៃមៃជានអីនៃតឹមឞានមាផូងអីញហើនាវអ្វែសអ៝ន់ឞូឆៃតាកាលើនតោទើមវៃជានតាញីសរាបុនផូងឞ៝ន់ មោលាសរ៝ៈត្រ៝ង គៃមាអ៝ន់ឞូរានេ។ គ៝ប់លាសនហេលនានេៈងាន់មាខាន់អៃមៃ ផូងអីញហើនាវអ្វែសអ៝ន់ឞូឆៃតាកាលើនតោទើមអីនៃលែៈគែសឞូរានេខាន់ពាង់ជេស កោរាញឞ្រាសមោហោមអោសអ៝ន់នទើអ្វែសមាខាន់ពាង់ជឹត។
3-4 យើនមានោកខាន់អៃមៃអ៝ន់នទើយោៈ អ៝ន់ខាន់អៃមៃជាននតុងមពោនហ៝ៈ តឹមឞានមាលើយអ៝ន់តីឞើសច្យៅគឹតអីតីឞើសមាជាន ជេសរីកោរាញឞ្រាសឞឹខាន់អៃមៃអីឆៃទឹងលែៈនទើអីឞូជាននតុងមពោនដ៝ង់ តៃពាង់ងខោមមាខាន់អៃមៃ”។
ឞ្រាសយេឆូ នតីនាវមឞើសឆើមទី
5 “នោកខាន់អៃមៃមឞើសឆើម លើយអោសជានតឹមឞានមាផូងអីញហើនាវអ្វែសអ៝ន់ឞូឆៃតាកាលើនតោទើមវៃទ៝ក់មឞើសឆើមតាត្រោមញីសរាបុនផូងឞ៝ន់ នទ្រែលមាតាមែងត្រ៝ង គៃមាឞូឆៃ។ គ៝ប់លាសនហេលនានេៈងាន់មាខាន់អៃមៃ ផូងអីនៃលែៈគែសជេសនទើងខោមមាខាន់ពាង់។
6 យើនមាខាន់អៃមៃ នោកមឞើសឆើម អ៝ន់ខាន់អៃមៃលាប់តាត្រោមជ្រោនតឹលមពោងអ៝ន់ន៝ប់ ជេសរីមឞើសឆើមទាន់មាកោរាញឞ្រាសឞឹខាន់អៃមៃអីឞូនុយ្សមោឞ្លាវឆៃ។ លាសនទ្រីកោរាញឞ្រាសឞឹខាន់អៃមៃអីឆៃទឹងលែៈនទើអីគែសតានតុកនទ៝ប់ដ៝ង់ តៃពាង់ងខោមមាខាន់អៃមៃ។
7 នោកខាន់អៃមៃមឞើសឆើម លើយលាសជ៝ងរាហេងកើតផូងអីមោគឹតនាល់នាវកោរាញឞ្រាស នាវអីនៃមោគែសអោសខ្លៃ។ ខាន់ពាង់មឹនលាសកោរាញឞ្រាសអ្យាត់ខាន់ពាង់តាៈឞើសនាវងើយអ៝ក់។
8 លាសនទ្រីខាន់អៃមៃលើយអោសជានកើតខាន់ពាង់អីនៃ យ៝រលាសកោរាញឞ្រាសឞឹខាន់អៃមៃលែៈអើមគឹតល៝រម៝សនទើខាន់អៃមៃអុចទាន់តាៈឞើសពាង់។
9 លាសនទ្រីអ៝ន់ខាន់អៃមៃមឞើសឆើមកើតនអា៖
«អើកោរាញឞ្រាសឞឹហេនគុតាកាលើត្រោក
អ៝ន់ទឹងលែៈឞូនុយ្សយើកមឞាសមាមៃ។
10 អ៝ន់នាវមៃម៝ត់អ្វាញ់គើញត៝ត់។
ទាន់ទឹងលែៈនាវតានែសនតូអ្យាតឹងនាវមៃអុច
តឹមឞានមាទឹងលែៈនាវតាកាលើត្រោកលែៈតឹងនាវមៃអុច។
11 អ៝ន់នទើឆោងឆាមាហេននារអ្យាអ៝ន់ត៝ង់។
12 យោៈនអាចលើយហោមកើបនាវតីសហេន
តឹមឞានមាហេនយោៈនអាចមាឞូនុយ្សជានតីសមាហេន មោហោមកើបនាវតីសពាង់ដ៝ង់។
13 កើលហេនលើយអោសជានតីស នោកហេនគែសនាវនទើម។
ទាន់រាក្លាយ្សហេនឞើសនាវអ្យើសមហឹក។
[មៃជេងកាដាច់ មៃគែសនាវឞ្រាស នទ្រែលមាគែសនាវច្រេកលើបបាបើនហ៝រ៝។ អើអ៝ន់គែសកើតនអាងាន់រ៝។]»
14 លាសខាន់អៃមៃយោៈឞូមោកើបនាវតីសអីឞូជានមាខាន់អៃមៃ កោរាញឞ្រាសឞឹខាន់អៃមៃតាកាលើត្រោកយោៈខាន់អៃមៃមោហោមកើបដ៝ង់នាវតីស។
15 តីសមាលាសខាន់អៃមៃមោគែសនាវយោៈ ហោមកើបនាវតីសឞូ កោរាញឞ្រាសឞឹខាន់អៃមៃអីគុតាកាលើត្រោកមោយោៈដ៝ង់ហោមកើបនាវតីសមាខាន់អៃមៃ”។
ឞ្រាសយេឆូ ងើយមានាវអ៝ត់ឆោងឆា
16 “នោកខាន់អៃមៃអ៝ត់ឆោងគៃមាមឞើសឆើម លើយអោសជានមុសមាត់រាង៝តតឹមឞានមាផូងអីញហើនាវអ្វែសអ៝ន់ឞូឆៃតាកាលើនតោទើម។ ខាន់ពាង់ជានកើតនៃ គៃមាអ៝ន់ឞូគឹតលាសខាន់ពាង់អ៝ត់ឆោង។ គ៝ប់លាសនហេលនានេៈងាន់មាខាន់អៃមៃ ផូងអីនៃលែៈគែសជេសនទើងខោមមាខាន់ពាង់។
17 យើនមាខាន់អៃមៃ នោកខាន់អៃមៃអ៝ត់ឆោង អ៝ន់ខាន់អៃមៃកឹតឆ៝ក់ ជេសរីរាពោសមុសមាត់
18 គៃមាលើយអ៝ន់ឞូឆៃខាន់អៃមៃអ៝ត់ឆោង។ អ៝ន់កោរាញឞ្រាសឞឹខាន់អៃមៃអីឞូនុយ្សមោឞ្លាវឆៃទើមហ៝ៈឆៃ លាសនទ្រីកោរាញឞ្រាសឞឹខាន់អៃមៃអីឆៃទឹងលែៈនទើអីគែសតានតុកនទ៝ប់ដ៝ង់ តៃពាង់ងខោមមាខាន់អៃមៃ”។
ទ្រាប់នទើខ្លៃតាកាលើត្រោក
(លក ១២:៣៣-៣៤)
19 “លើយអោសរាបុនទ្រាប់នទើព្រាប់មាឆាក់ខាន់អៃមៃនើមតានែសនតូអ្យា ជេងនតុកអាច់គាម់ឆា នទ្រែលមាតាប់ទឹរគ្រាច់ ជេសរីគែសឞូនុយ្សនតុងហាន់លោកមពីរគៃមានតុង។
20 អ៝ន់ខាន់អៃមៃរាបុនទ្រាប់នទើព្រាប់មាឆាក់ខាន់អៃមៃនើមតានតុកកោរាញឞ្រាសតាកាលើត្រោករីហ៝ៈ ជេងនតុកមោគែសអាច់គាម់ឆា នទ្រែលមាមោគែសតាប់ទឹរគ្រាច់ មោគែសដ៝ង់ឞូនុយ្សនតុងហាន់លោកមពីរមានតុង។
21 ញជ្រាង់ហ៝ម់ នទើអីខាន់អៃមៃនត្រ៝ង់ខ្លៃរាលាវឞូ ជេងនទើអីខាន់អៃមៃមឹនរាវៃរាលាវឞូដ៝ង់”។
នទើងើយនតឹតមាអុញឆាគេង
22 “ត្រោមមាត់ជេងតឹមឞានមាឆាគេងមាឆាក់ជាន់ លាសត្រោមមាត់ខាន់អៃមៃហោមអាងអ្វែស លែៈឆាក់ជាន់ខាន់អៃមៃហោមអាងទាទេ។
23 យើនមាលាសមាត់ខាន់អៃមៃលែៈង៝ ទឹងលែៈឆាក់ជាន់ខាន់អៃមៃង៝ទាទេដ៝ង់។ លាសនាវអាងតាឆាក់ខាន់អៃមៃលែៈង៝ លាសនទ្រីនាវង៝អីនៃលែៈហោងាន់”។
អ៝ន់យើកមឞាសមាកោរាញឞ្រាសទើម
(លក ១២:២២-៣១; ១៦:១៣)
24 “មោគែសអោសទូហ្វេឞូនុយ្សឞ្លាវជានការអ៝ន់មាឞារហៃកោរាញ យ៝រលាសពាង់មរារ៝ង់មាទូហ្វេកោរាញ ជេសរីឞ្យាញ់មាទូហ្វេកោរាញ មោលាសតឹងជឹតទូហ្វេ មឺចអីទូហ្វេរី។ កើតនទ្រីខាន់អៃមៃមោទើយអោសគៃគែសនាវរេសនហ៝រ៝តាកោរាញឞ្រាស គៃគែសនអ៝ប់មាទ្រាប់នទើតានែសនតូដ៝ង់។
25 កើតនទ្រីទឹងគ៝ប់មឞើសខាន់អៃមៃ លើយរាវៃអោសមានទើឆោងឆាមានទើញេតមាឆ្យាម់នាវរេស មោលាសឞ៝កអាវមាញឆ៝សងគូតឆាក់ជាន់ខាន់អៃមៃ។ គែសនទើអេងជឹតតានាវរេសអីគែសនាវខ្លៃរាលាវមានទើឆោងឆា គែសនទើអេងជឹតមាឞូនុយ្សអីគែសនាវខ្លៃរាលាវមាឞ៝កអាវមាញឆ៝ស។
26 ល៝ង់អ្វាញ់ឆ្យុមមពារ់កាលើត្រោក ពាង់មោគែសអោសតូចតាម់ មោគែសអោសកាច់រ៝យ្ស មោគែសតោសឞាតាត្រោមជៃដ៝ង់ យើនមាកោរាញឞ្រាសឞឹខាន់អៃមៃតាកាលើត្រោកម៝ត់ឆ្យាម់ខាន់ពាង់ដ៝ង់។ លាសនទ្រីអាសខាន់អៃមៃអើមមោលាសខ្លៃរាលាវមាឆ្យុមមពារ់អីនៃជឹតបាស?
27 តាមពោលខាន់អៃមៃអីនៃ ឞ៝លលាសខ៝ម់រាវៃទុតហោកាដោយលែៈ ក៝ៈមោគែសឞូនុយ្សមាទើយនត៝បនាវរេសពាង់នើមអ៝ន់ជ៝ងអោស ដេៈក៝ៈមោទើយដ៝ង់។
28 មើមទឹងខាន់អៃមៃរាវៃមានទើញឆ៝សងគូត? ល៝ង់ខាន់អៃមៃអ្វាញ់កាវឆីហ៝នអេងតាឞ្រី ពាង់មោអោសរាអាសមោអោសរាគាញ់ជានការ មោលាសរូយតាញគៃមាអ្វែសអ្វាញ់។
29 គ៝ប់មឞើសមាខាន់អៃមៃ ឞ៝លលាសកាដាច់ឆាលោមោន កាល់អែនើស នោកពាង់ងក្រឹឆាក់ជាន់ឆ៝សងគូតខ៝អាវខ្លៃអ្វែស ក៝ៈមោទើយឞានអ្វែសកាវឆីទូងក៝ងអ្យាដ៝ង់។
30 ហើយឞូនុយ្សគែសនាវញឆីងដេៈទើម លាសកោរាញឞ្រាសអ៝ន់ជេសមាកាវឆីអីនៃអ្វែសងាន់អ្វាញ់ នារអ្យាពាង់ទាង នារអោយតៃឞូឆូលើយពាង់មាអុញ លាសនទ្រីលើរាលាវមានៃដ៝ង់បាសកោរាញឞ្រាសនទ្រាប់ខ៝អាវអ៝ន់មាខាន់អៃមៃ?
31 លាសនទ្រីខាន់អៃមៃលើយរាវៃអោសមានទើឆោងឆា មានទើញេត មោលាសមានទើញឆ៝សងគូត។
32 គែសផូងអីមោគឹតនាល់កោរាញឞ្រាសខ៝ម់ញឆ្រោយ្សជ៝យទឹងលែៈនទើអីនៃ។ ល៝ង់អីខាន់អៃមៃនៃកោរាញឞ្រាសឞឹខាន់អៃមៃនើមតាកាលើត្រោករី លែៈពាង់គឹតទាទេជេសម៝សនទើអីខាន់អៃមៃអេហ៝ៈត៝ង់។
33 លាសនទ្រីញឆ្រោយ្សជ៝យ នទ្រែលមាអ្យាត់លែៈនទើអីឆ៝ង់តានាប់មាត់កោរាញឞ្រាសល៝រ រីមើពាង់អ៝ន់នត៝បទឹងលែៈនទើអីនៃមាខាន់អៃមៃដ៝ង់។
34 ខាន់អៃមៃលើយអោសរាវៃមានារអោយតៃ យ៝រលាសនារអោយតៃមរាគែសនាវរាវៃមានារអីនៃ។ រាវៃមានាវជេរតានារអ្យាលែៈគាប់ហើយ្ស”។