2
ផូងប៝នលានកោរាញឞ្រាស
1 លាសនទ្រីអ៝ន់ខាន់អៃមៃមអារ់លើយហ៝ម់ទឹងលែៈនទើអ្យើស មអារ់លើយនាវមរោសនទើមអាប់នតីល នូយ្សនហ៝ម់នទ៝ប់មពោន នូយ្សនហ៝ម់មោនាច នទ្រែលមាមអារ់លើយនាវងើយកែកឞូអាប់នតីល!
2 អ៝ន់ខាន់អៃមៃនអើរជ៝យនាវនតីឞើសកោរាញឞ្រាស តឹមឞានមាអ៝សឞេអុចងាន់មាទាកត៝សមែ គៃមាខាន់អៃមៃតេសក្វ៝ង់ នទ្រែលមាត៝ត់ខាន់អៃមៃគែសនាវរាក្លាយ្សងាន់
3 យ៝រលាសអាបៃអ្យាខាន់អៃមៃលែៈឆៃជេសនាវអ្វែសកោរាញយេឆូ ។
4 អ៝ន់ខាន់អៃមៃហាន់អាកោរាញយេឆូ អីគែសនាវរេសនហ៝រ៝ ពាង់តឹមឞានមាលុឞ្ល៝នទុតខ្លៃតាញីសជានឞ្រាសមាកោរាញឞ្រាស ជេងលុឞ្ល៝នអីឞូនុយ្សទែឞ្លាវជានជៃលែៈមអារ់លើយ យើនមាលែៈកោរាញឞ្រាសទែកើយ្សពាង់ ជេសរីកើបពាង់ជេងគែសនាវខ្លៃងាន់។
5 កើតនទ្រីដ៝ង់ខាន់អៃមៃនៃគែសនាវរេសនហ៝រ៝ ខាន់អៃមៃជេងតឹមឞានមាលុឞ្ល៝នដ៝ង់ លាសនទ្រីអ៝ន់កោរាញឞ្រាសឆ៝ៈខាន់អៃមៃតឹមរាង្លាប់ឞាល់ជេងតឹមឞានមាជានទូមល៝ម់ជៃមាពាង់នើម អ៝ន់ពាង់ជានខាន់អៃមៃជេងមពោលឞូនុយ្សជានឞ្រាសអីក្ល៝សអ្វែស អីញហើរនទើជានឞ្រាសអីអ៝ន់ពាង់រាម់ យ៝រមានទើឞ្រាសយេឆូក្រីស លែៈជាននើស។ ជេសរីឞ្រាសហ្វេងអ្វែសកើលខាន់អៃមៃតានាវអីនៃ។
6 លែៈគែសញចីសតានាវកោរាញឞ្រាសងើយកើតនអា៖ «កោរាញឞ្រាសលាស៖
«ល៝ង់អ្វាញ់ហ៝ម់ គ៝ប់តេៈទូមល៝ម់លុឞ្ល៝នមាជានជៃតាប៝នយេរូឆាលឹម
លុឞ្ល៝នអីនៃទុតខ្លៃទុតអ្វែសងាន់។
ឞូម៝សអីញឆីងមាលុអីនៃ មោគែសអោសឞូអ៝ន់ពាង់គែសនាវដីតព្រេង»»។
7 មាខាន់អៃមៃអីញឆីង លុឞ្ល៝នអីនៃទុតគែសនាវខ្លៃ យើនមាឞូនុយ្សអីមោអោសញឆីងគែសញចីសមាខាន់ពាង់កើតនអា៖
«ទូមល៝ម់លុឞ្ល៝នអីនៃ ឞូនុយ្សឞ្លាវជានជៃលុឞ្ល៝នលែៈមអារ់លើយ
យើនមាលុឞ្ល៝នអីនៃជេងលុឞ្ល៝នខ្លៃរាលាវឞូច្រាវមាជានជៃទុតន៝ប់»
8 ជេសរី
«ជេងលុឞ្ល៝នអីជានអ៝ន់ឞូគែសនាវចេសព្រាស
ជេងលុឞ្ល៝នអីអ៝ន់ឞូចោតទូងាយឞើសនាវញឆីងមាកោរាញឞ្រាស»។
ខាន់ពាង់អីនៃទឹងគែសមាតឹមឞានមាចេសព្រាស យ៝រមាមោអោសអ្យាត់នាវងើយកោរាញឞ្រាស នាវអីនៃលែៈអើមកោរាញឞ្រាសនទ្រាប់មាខាន់ពាង់។
9 យើនមាខាន់អៃមៃនៃ ខាន់អៃមៃលែៈជេងទូផូងអីកោរាញឞ្រាសទែលែៈកើយ្សជេស ជេងមពោលឞូនុយ្សជានឞ្រាសមាកោរាញឞ្រាសអីកាដាច់ ជេងមពោលអីក្ល៝សអ្វែស ជេងប៝នលានអីកោរាញឞ្រាសលែៈឆ៝ៈព្រាប់មាពាង់នើម គៃមាមឞើសងក៝ចនាវទុតអ្វែសអីកោរាញឞ្រាសលែៈជាន ពាង់អីលែៈក្វាល់ខាន់អៃមៃលោសឞើសនតុកង៝ ហាន់គុអានតុកអាងនតុកពាង់នើមអីអ្វែសទុតនាវងាន់នៃ។
10 ឞើសនតើមនើសខាន់អៃមៃមោអោសជេងទូផូងឞូនុយ្ស
យើនមាអាបៃអ្យាខាន់អៃមៃលែៈជេងទូផូង ជេងផូងប៝នលានកោរាញឞ្រាសនើម។
ឞើសនតើមនើសខាន់អៃមៃមោអោសកោរាញឞ្រាសយោៈនអាច
យើនមាអាបៃអ្យាខាន់អៃមៃលែៈកោរាញឞ្រាសយោៈនអាច។
នាវគុងាវផូងញឆីងមាឞ្រាសយេឆូ
11 អើអ៝សនោតានាវញឆីងអីគ៝ប់រ៝ង់ ខាន់អៃមៃអីតឹមឞានមាឞូនុយ្សផូងឞូនាច់ឞ្រីអេងតានែសនតូអ្យា អីតឹមឞានមាឞូនុយ្សអីគុញជើសតានែសនតូអ្យាទូប្ល៝ត់ទើម គ៝ប់ទាន់ខាន់អៃមៃហោងាន់ អ៝ន់ខាន់អៃមៃទែរហ៝ម់ឞើសនាវកើញអ្យើស យ៝រលាសនាវកើញអីនៃតឹមឞានមាតឹមរាទ៝ង់ដាសខាន់អៃមៃ អុចងកីងខាន់អៃមៃមោអ៝ន់អ្យាត់នាវកោរាញឞ្រាសអុច។
12 អ៝ន់ខាន់អៃមៃគុងាវឆ៝ង់តាងក្លាងផូងអីមោអោសញឆីងមាឞ្រាសយេឆូក្រីស គៃមាម៝សនទើអីឞូងើយញចើតខាន់អៃមៃជានអ្យើស ខាន់ពាង់ហោមឆៃនទើអ្វែសខាន់អៃមៃជាន ជេសរីរានេកោរាញឞ្រាសមានទើអ្វែសអីនៃតានារពាង់ផាតទោយ្សទឹងលែៈឞូនុយ្ស។
13 អ៝ន់ខាន់អៃមៃយើកមាទឹងលែៈឞូនុយ្សអីគែសនាវទើយអេងៗតាឞ្រីទាកតានែសនតូ យ៝រលាសខាន់អៃមៃញឆីងមាកោរាញយេឆូ ។ អ៝ន់យើកមាកាដាច់ជេងឞូនុយ្សអីគែសនាវទើយរាលាវឞូ
14 អ៝ន់យើកមាកោរាញក្វ៝ង់អីកាដាច់ទែអ៝ន់ជានការគៃមាតេៈទោយ្សឞូនុយ្សអីជានអ្យើស ជេសរីរានេមាឞូនុយ្សអីជានអ្វែស។
15 កោរាញឞ្រាសអុចខាន់អៃមៃជាននទើអ្វែស។ លាសខាន់អៃមៃជានកើតនៃ នទ្រីទឹងឞូនុយ្សអីរាលូកម៝ល់អីមោអោសគឹតនាល់ពាង់ មោហោមអោសឞ្លាវងើយនាវអ្យើសតាខាន់អៃមៃ។
16 ទឹងលែៈឞ៝ន់មោហោមអោសគុតាន៝ម់ទាសមានាវឞូដាៈ យើនមាលើយអោសទាសមាឞ៝ន់នើមអុចជានបេងមាញឆោសនាវជានអ្យើសច្រាវ យ៝រលាសខាន់អៃមៃហោមជេងឞូនុយ្សឆើមកើលជានការមាកោរាញឞ្រាស។
17 អ៝ន់ខាន់អៃមៃយើកមាទឹងលែៈឞូនុយ្ស អ៝ន់រ៝ង់មាឞូនុយ្សអីលែៈញឆីង ជេសរីក្លាចយើកមាកោរាញឞ្រាស នទ្រែលមាយើកមាកាដាច់។
នាវជេរជ៝ត់តាឞ្រាសយេឆូក្រីស
18 អើផូងទឹកឞូ អ៝ន់ខាន់អៃមៃអ្យាត់ នអ៝ប់មាយើកហ៝ម់កោរាញខាន់អៃមៃនើម មោអោសទើនយើកមាកោរាញអីអ្វែសអីមលែសទើម កោរាញអីមោអ្វែសអីជាញ អ៝ន់ខាន់អៃមៃក្លាចយើកមាពាង់ដ៝ង់។
19 កោរាញឞ្រាសរាម់មអាកមាឞ៝ន់ លាសឞ៝ន់ជានតឹងនាវពាង់នើមអុច ឞ៝លលាសឞូជានជេរជ៝ត់មោគែសកោៈមោគែសនាវកាដោយដ៝ង់ នអ៝ប់មាគុអ្យាត់ឆាក់រាក្លាក់ហ៝ៈ យ៝រមាកាសគឹតមាកោរាញឞ្រាស។
20 លាសឞ៝ន់ទើននាវឞូរាពាត់មឞាងយ៝រមាឞ៝ន់ជានតីស លាសនទ្រីកោរាញឞ្រាសមោអោសរានេឞ៝ន់ យើនមាលាសឞ៝ន់ជានអ្វែស ជេសរីឞូហោមជានជេរជ៝ត់ នទ្រីកោរាញឞ្រាសរានេឞ៝ន់។
21 កោរាញឞ្រាសក្វាល់ឞ៝ន់គៃមាទើននាវជេរជ៝ត់កើតនៃ យ៝រលាសឞ្រាសក្រីស លែៈទើនជេសនាវជេរជ៝ត់នត្រ៝ៈឞ៝ន់ គៃមាលែវនាវអ្វែស អ៝ន់ឞ៝ន់តឹងកើតពាង់ដ៝ង់។
22 លែៈគែសញចីសលាសមាពាង់៖
«ពាង់មោអោសព្រ៝តជានតីស
មឞូងពាង់ក៝ៈមោដ៝ង់ព្រ៝តគែសនាវងើយមរោស»។
23 ឞ៝លលាសឞូរាកឆ្វាយពាង់ពាង់ក៝ៈមោព្លើងឞូដ៝ង់ ឞូជាននាវជេរជ៝ត់ពាង់ ក៝ៈពាង់មោអោសថាម់រាមាតឞូ ពាង់ជាវមាកោរាញឞ្រាសនើមផាតទោយ្សតានារងគ្លែៈទុតនាវអីឞូជានអ្យើសពាង់នៃ ជេសរីកោរាញឞ្រាសនើមនាក់ផាតទោយ្សមានាវឆ៝ង់។
24 ឞ្រាសក្រីស លែៈទោរជេសនាវតីសឞ៝ន់តាឆាក់ជាន់ពាង់ក្រេបតាឆីតឹមរាកាង់ គៃមាឞ៝ន់មោហោមអោសគែសនាវតីស ជេសរីគុងាវឆ៝ង់។ នាវជីឞ៝ន់លែៈឞាសជេស ឞ៝ន់លែៈគុតឹមទីមាកោរាញឞ្រាស តាៈឞើសឆោតរាមាញពាង់។
25 អាល៝រនើសឞ៝ន់តឹមឞានមាឞែឞ្យាប់អីលែៈហ្យើត យើនមាអាបៃអ្យាឞ៝ន់លែៈព្លឹជេសតាឞ្រាសក្រីស អីនើមច្យាប់ឞ៝ន់ អីនាក់ម៝ត់ញជ្រាង់ឞ៝ន់។