៣
នទើគែសតានារងគ្លែៈទុត
១ អ៝ន់មៃគឹតនាវអ្យា៖ តារានោកឞើយមាត៝ត់នារងគ្លែៈទុតតៃគែសនាវជេរងាន់។
២ នោកនៃគែសអ៝ក់ឞូនុយ្សរ៝ង់មាឆាក់ពាង់នើមទើម រ៝ង់មាព្រាក់ នហីអេងឆាក់ មឺចឞូ មឺចកោរាញឞ្រាស មោអ្យាត់នាវមេៈឞឹ មោគឹតតោរ មោយើកមាកោរាញឞ្រាស
៣ មោគែសនាវរ៝ង់មាឞូ មោគែសនាវយោៈ ងើយញចើត មោឞ្លាវអ៝ត់នូយ្ស គែសនូយ្សនហ៝ម់ជាញ ឞ្យាញ់មាទឹងលែៈនទើអ្វែស
៤ គែសនូយ្សនហ៝ម់រាលាង់ នូយ្សនហ៝ម់ងគើច នូយ្សនហ៝ម់ហឺនហោងាន់ ជេសរីកើញមាព៝ល់មអាករាលាវមារ៝ង់កោរាញឞ្រាស។
៥ ខាន់ពាង់យើកមឞាសកោរាញឞ្រាសឞើសទីសនតោទើម យើនមានាវទើយកោរាញឞ្រាសអីឞ្លាវរាគ៝ល់នូយ្សនហ៝ម់អ្យើសខាន់ពាង់ ខាន់ពាង់រាលាច់លើយ។ លាសនទ្រីអ៝ន់មៃទូងាយហ៝ម់ឞើសឞូនុយ្សអីកើតនៃ
៦ យ៝រលាសតាមពោលខាន់ពាង់អីនៃ គែសឞូនុយ្សអាបាៈហាន់តាជៃឞូ ជេសរីមរោសរាលាម់ផូងឞូអូរអីរាលូកម៝ល់មានាវនតីតីសខាន់ពាង់។ ផូងឞូអូរអីនៃទោរនាវតីសខាន់ពាង់នើមហោងាន់ តាឆាក់ខាន់ពាង់រីគែសនាវកើញអាប់នតីលងាន់។
៧ ផូងឞូអូរអីនៃនតីបាបើងាន់ យើនមានាវងាន់មោគឹតវ៝ត់។
៨ នាវញឆីងផូងនើមនតីនៃមោគែសងាន់អោស នូយ្សនហ៝ម់ខាន់ពាង់អ្យើសហោងាន់ ខាន់ពាង់តឹមរាលាច់ដាសនាវងាន់តឹមឞានមាយានេស នទ្រែលមាយាមព្រេស តឹមរាទ៝ង់ហោងាន់ដាសមោឆេ រានោកកាល់អែនើស។
៩ នាវជានការខាន់ពាង់មោហោមជេងអោស យ៝រលាសតាជឹតនាប់តៃទឹងលែៈឞូនុយ្សឆៃនាវមឹនរាលូកម៝ល់តាខាន់ពាង់ តឹមឞានមាឞូឆៃនាវមឹនរាលូកម៝ល់យានេស នទ្រែលមាយាមព្រេស កាល់អែនើសដ៝ង់។
នាវនតិញមាតីមោថេ
១០ ល៝ង់អីមៃនៃ មៃលែៈអ្យាត់ជេសនាវគ៝ប់នតុមនតី លែៈឆៃលែៈតឹងដ៝ង់នទើគ៝ប់ជាន នទើគ៝ប់នត្រ៝ង់តានាវរេសគ៝ប់ នាវគ៝ប់ញឆីង នាវគ៝ប់អ៝ត់នូយ្ស នាវគ៝ប់រ៝ង់មាឞូ នាវគ៝ប់ញឆ្រោយ្សទើននាវជេរ។
១១ ជេសរីមៃលែៈឆៃដ៝ង់នាវឞូជានជេរមាគ៝ប់ នទ្រែលមានាវជេរជ៝ត់គ៝ប់តាប៝នអ៝ន់តីយោក ប៝នអីកោនៀម ប៝នលីឆាត្រា ។ ឞ៝លលាសគ៝ប់គែសនាវជេរជ៝ត់ទុតហោកើតនៃកាដោយ យើនមាកោរាញឞ្រាសលែៈរាក្លាយ្សគ៝ប់ទើយទឹងលែៈឞើសនាវអីនៃ។
១២ ឞូម៝សអីអុចគុរេសតឹមទីមានាវកោរាញឞ្រាសអុច ញឆីងមាឞ្រាសក្រីសយេឆូ គែសឞូជានជេរដ៝ង់។
១៣ ល៝ង់ផូងអ្យើសមហឹក ផូងមរោសក្ល៝រ់ ខាន់ពាង់ជាននទើអ្យើសលើមាហោលើមាហោងាន់ លែវឞូមានាវមរោស ជេសរីគែសឞូអាអេងលែវខាន់ពាង់មានាវមរោសដ៝ង់។
១៤ យើនមាមៃ អ៝ន់មៃញអោតន៝ប់ហ៝ម់ម៝សនទើអីមៃលែៈជេសនតី នទ្រែលមាញអោតន៝ប់ហ៝ម់ម៝សនទើអីមៃលែៈគែសញឆីង យ៝រមាមៃលែៈគឹតនហេលជេស ឞូម៝សនតុមនតីនាវអីនៃនើសអ៝ន់មាមៃ!
១៥ នតើមឞើសមៃហោមជេៈមៃគឹតនាល់នាវកោរាញឞ្រាសងើយ។ នាវកោរាញឞ្រាសងើយអីនៃអ៝ន់មៃគែសនាវមឹនគឹតឞ្លាវ គៃមាគែសនាវរាក្លាយ្សយ៝រមាញឆីងមាឞ្រាសក្រីសយេឆូ ។
១៦ ទឹងលែៈនាវកោរាញឞ្រាសងើយ ជេងតាៈឞើសកោរាញឞ្រាសអ៝ន់ឞ្រាសហ្វេងអ្វែសអ៝ន់ឞូញចីស គែសនាវខ្លៃមានតុមនតី មាងកាសអ៝ន់កាសគឹតឆាក់ នតុមនតីហាន់ទីត្រ៝ង នតុមនតីនាវគុរេសអ៝ន់ឆ៝ង់
១៧ គៃមានើមជានការមាកោរាញឞ្រាសគុគែសនាវគឹតឞ្លាវ នទ្រែលមាគែសនទ្រាប់ឆាក់ គៃមាជាននទើអ្វែសអាប់នតីល។