ឆ៝ម់បុតពោលញជ្វាល់អ៝ន់មា
តីតុស
នាវឞោកអ៝ន់ឞូគឹតល៝រ
នើមញចីសឆ៝ម់បុតអ្យារាញាពោល ពាង់ញចីសឆ៝ម់បុតអ្យាក្លាប់លាសតានាម់ ៦៥ ក្លាប់លាស ៣២ នាម់ជេសឞ្រាសយេឆូ ទ៝ក់រេស ពាង់ញចីសឆ៝ម់បុតអ្យាតាប៝ននីកោពោលីស ឞ្រីគ្រែក ។ ទឹងលែៈនាវអីគែសញចីសតាឆ៝ម់បុតអ្យា ឞូអ៝ក់មឹនលាសគែសឞើសកើយទឹងលែៈនាវអីលែៈគែសញចីសតាឆ៝ម់បុតការមពោលកោរាញអ៝សម៝ន។
មាឆ៝ម់បុតអាអេងអីពោល ញចីសទាន់អ្វាញ់តាឆ៝ម់បុតរោមតានាវឞោក «ឆ៝ម់បុតពោល »។
នោតីតុសមោអោសទីផូងអីឆ្រាអែល (កាល ២:៣) ពាង់គែសអ៝ក់ហាន់នទ្រែលពោល ឆើមកើលជានការមាពោល តានាវមឞើសងក៝ចនាវមហែមហានអ្វែស។ តាឆ៝ម់បុតការមពោលកោរាញអ៝សម៝នមោអោសគែសញចីសមាតីតុស យើនមាគែសញចីសតា ២កោ ២:១៣ តា កាល ២:១ នទ្រែលមាតា ២តម ៤:១០។ ពាង់គុនទ្រែលពោល តាប៝នយេរូឆាលឹម នោកពោលតឹមម៝ប់ដាសផូងកោរាញផូងញឆីងតាប៝ននៃ(កាល ២:១)។ អេល៝រមាពោលញចីសឆ៝ម់បុតអ្យា អាល៝រនើសពាង់ នទ្រែលមាតីតុស លែៈឆើមកើលជានការអ៝ន់មាផូងញឆីងតាអាប់នតុកតាគោលទាកក្រែត នៃ ជេសរីពោល ហោមរ៝ងតីតុសគុជានការតានៃ នោកពោល ហាន់តាប៝ននីកោពោលីស ។
នាវអុចនត្រ៝ង់តាឆ៝ម់បុតអ្យា
ពោល ដាៈតីតុស កើយ្សផូងកោរាញម៝ត់អ្វាញ់មាផូងញឆីង ពាង់ដាៈកើយ្សអាមើមឞូនុយ្សអីទីមាជានកោរាញ(តត ១:៧-៩) ពាង់ដាៈតីតុស អ៝ន់នតីមាឞូអេងអាមើមគុរេសតឹមទីតានាប់មាត់កោរាញឞ្រាស ពាង់ដាៈតីតុស ឞ្វៃនើមនតីងក្លាៈលើយហោមអ៝ន់នតី ពាង់ដាៈតីតុស អាបាៈមានាវឆើមកើលជានការអ៝ន់មាផូងញឆីងតាគោលទាកក្រែត ។
មឞើសនាវខ្លៃតាងកោៈតាឆ៝ម់បុតអ្យា
- នាវអោបអ្វែសលាង់ (១:១-៤)
- អាមើមអីទីឞូនុយ្សអីជានកោរាញមាផូងញឆីង (១:៥-១០)
- នាវតឹមរាលាច់មានើមនតីងក្លាៈ (១:១១-១៦)
- អាមើមនាវគុរេសផូងញឆីង (២:១-៣:១១)
- នារងគ្លែៈទុតនែសនតូ (៣:១២-១៥)
1
នាវអោបអ្វែសលាង់
1 ឆ៝ម់បុតគ៝ប់ពោល ញចីស គ៝ប់អីឞូនុយ្សឆើមកើលជានការមាកោរាញឞ្រាស នទ្រែលមាអីកោរាញអ៝សម៝នឞ្រាសយេឆូក្រីស ដ៝ង់។ កោរាញឞ្រាសដាៈគ៝ប់គៃមាកើលឞូម៝សអីលែៈកោរាញឞ្រាសទែកើយ្សអ៝ន់ខាន់ពាង់គែសនាវញឆីងលើមាហោ នអ៝ប់មាកើលឞូគឹតនាល់នាវងាន់ពាង់នើម។ នាវងាន់អីនៃលែវឞូគុរេសតឹងកោរាញឞ្រាសនើមអុច។
2 ពាង់ដាៈគ៝ប់អ៝ន់ឞូគឹតលាសឞ៝ន់លែៈគែសនាវរានើមមានាវរេសនហ៝រ៝។ នាវរេសអីនៃពាង់លែៈជេសត៝នឞើសអេហ៝ៈញជេងនែសនតូនើសងាន់ ពាង់មោមរោសអោស។
3 ជេសរីត៝ត់ទីនារកោរាញឞ្រាសទែអ៝ន់ឞូគឹតឆៃនាវពាង់នើម ពាង់អ៝ន់គឹតឆៃនាវអីនៃមានាវមឞើសងក៝ច ជេសរីពាង់អីនើមរាក្លាយ្សឞ៝ន់ដាៈគ៝ប់មឞើសងក៝ចនាវអីនៃមាឞូដ៝ង់។
4 គ៝ប់ញជ្វាល់ឆ៝ម់បុតអ្យាអ៝ន់មាមៃតីតុស ជេងក៝នគ៝ប់នហេលនានេៈងាន់តានាវញឆីងមាឞ្រាសក្រីសយេឆូ អីឞ៝ន់លែៈគែសនទ្រែល។ ទាន់កោរាញឞ្រាសអីឞឹឞ៝ន់ នទ្រែលមាឞ្រាសក្រីសយេឆូ អីនើមរាក្លាយ្សឞ៝ន់អ៝ន់នាវអ្វែស នាវដាប់មពាន់មាមៃ។
ការអ៝ន់តីតុស ជានតាគោលទាកក្រែត
5 នោកគ៝ប់លោសឞើសគោលទាកក្រែត គ៝ប់ដាៈមៃហោមគុតានៃ គៃមាអ៝ន់មៃជាននទើអីអេហ៝ៈជេសអ្វែសអោស។ កើតគ៝ប់លែៈជេសមឞើសមាមៃនើស អ៝ន់មៃកើយ្សផូងកោរាញផូងញឆីងមាឞ្រាសយេឆូក្រីស អាប់ប៝ន។
6 អ៝ន់មៃកើយ្សឞូនុយ្សអីមោគែសអោសនាវមានទុយ្ស ឞូនុយ្សអីគែសទូហ្វេអូរហ៝ៈ អ៝សក៝នពាង់ញឆីងមាឞ្រាសយេឆូ ដ៝ង់ អ៝សក៝នពាង់មោគែសនាវឞូងើយនតោនអ្យើសមហឹក មោអោសឞូនុយ្សទាង់ឞោក។
7 ឞូនុយ្សជេងនើមកោរាញម៝ត់អ្វាញ់ផូងញឆីងមាឞ្រាសយេឆូក្រីស ពាង់ជានការមាកោរាញឞ្រាស។ នទ្រីអ៝ន់ពាង់ជេងឞូនុយ្សមោគែសអោសនាវមានទុយ្ស ឞូនុយ្សមោមឺចឞូ មោគើញនូយ្ស មោញេតនទ្រាញ់ត៝ត់ញុល មោតឹមល៝ក់តឹមជាញ មោអោសកើញអីរព្រាក់។
8 យើនមាអ៝ន់ពាង់ឞ្លាវរ៝មឞូនាច់តាជៃពាង់នើម រ៝ង់មាជាននទើអ្វែសហ៝ៈ ឞ្លាវម៝ត់ញជ្រាង់ឆាក់អ៝ន់គុទីកែស គុរេសឆ៝ង់ គែសនូយ្សនហ៝ម់រ៝ង់មាកោរាញឞ្រាសងាន់ គែសនូយ្សនហ៝ម់ជ៝ក់។
9 នាវកោរាញឞ្រាសអីឞូលែៈនតុមនតីជេសមាឞ៝ន់ទីងាន់។ អ៝ន់ពាង់ញអោតន៝ប់នាវអីនៃ គៃមាពាង់ឞ្លាវនតុមនតីមាឞូនុយ្សអេងមានាវនតុមនតីងាន់ នអ៝ប់មាទើយព្លើងអើសមាផូងអីតឹមរាទ៝ង់ដាសនាវអីនៃដ៝ង់។
ទើយដាសផូងនតុមនតីតីស
10 តាគោលទាកក្រែត គែសឞូនុយ្សញឆីងមាឞ្រាសក្រីស អ៝ក់ងាន់ទាង់ក៝មោអោសអ្យាត់នាវកោរាញឞ្រាស មឞើសងើយអ៝ក់នទើមោអោសគែសនាវខ្លៃ នទ្រែលមាមរោសឞូ។ តាផូងអីឆ្រាអែល អីញឆីងមាឞ្រាសក្រីសយេឆូ គែសឞូនុយ្សអ៝ក់កើតនៃដ៝ង់។
11 អ្យាត់មាឞ្វៃខាន់ពាង់ឞាសនតុមនតី យ៝រលាសខាន់ពាង់អ៝ន់ទឹងលែៈតារានាក់វ៝ល់អាបាៈឞាសញឆីងមានាវនតីអីទី។ ខាន់ពាង់នតីនទើអីមោទីគៃមាគែសព្រាក់ទើម នទើអីនៃអ្យើសងាន់។
12 កាល់អែនើស គែសទូហ្វេឞូនុយ្សតាផូងគោលទាកក្រែត ជេងឞូនុយ្សគែសនាវមឹនគឹតឞ្លាវងាន់តាខាន់ពាង់នើម លាសកើតនអា៖
«ទឹងលែៈផូងគោលទាកក្រែត ជេងឞូនុយ្សមរោសនឹង ជេងតឹមឞានមាមពោលមពោមពា(ឆ្យុម)ជាញ ខាន់ពាង់ប្លាវហោងាន់ ញេតឆាទុតហៃ!»
13 នាវងើយអីនៃទីងាន់ លាសនទ្រីអ៝ន់មៃលាសខាន់ពាង់ទាង់ងាន់ គៃមាអ៝ន់ខាន់ពាង់គែសនាវញឆីងទីតាឞ្រាសយេឆូក្រីស នទ្រែលមាន៝ប់ងាន់។
14 លើយហោមអោសអ៝ន់ខាន់ពាង់អ្យាត់នាវនតីតាៈឞើសនអើនអីមោងាន់តាផូងអីឆ្រាអែល ។ លើយហោមអោសអ៝ន់ខាន់ពាង់អ្យាត់មានាវឞូនុយ្សអីតឹមរាលាច់មានាវងាន់នៃដាៈ។
15 ឞូនុយ្សអីគែសនូយ្សនហ៝ម់ក្ល៝សទឹងលែៈនទើជេងក្ល៝សទាទេ។ យើនមាឞូនុយ្សអីគែសនូយ្សនហ៝ម់បឹបើច មោអុចអោសញឆីង ទឹងលែៈនទើមោអោសក្ល៝ស យ៝រលាសនាវមឹនខាន់ពាង់នើមបឹបើចងាន់ តានូយ្សនហ៝ម់ខាន់ពាង់នើមមោហោមគឹតនាល់នទើអ្វែសនទើអ្យើស។
16 ខាន់ពាង់មឞើសមាឞូឆាក់ខាន់ពាង់នើមគឹតនាល់កោរាញឞ្រាស យើនមានទើខាន់ពាង់ជានមោតឹមទីមានាវកោរាញឞ្រាសអុច។ ខាន់ពាង់ជេងឞូនុយ្សបឹបើច មោអ្យាត់នាវកោរាញឞ្រាស មោឞ្លាវអោសជាននទើអ្វែស។