36
Esau ts'u haindene
1 Ndi 'i Esau ts'u haindene ghun, Edom huyulhni.
2 Esau ts'ekoo Canaan whut'enne but'oh 'enne du'at eni hubilhchoot. Adah 'en Elon ootse', Hitt whut'en-un 'unt'oh, Aholibamah, Anah ootse' Zebeon, Hiv whut'en-un 'en ootse',
3 'ink'ez Basemath, Ishmael ootse', Nabajoth bulhtus.
4 'Et Adah, Eliphaz yulhtsi, Esau ghu yulhtsi 'ink'ez Basemath, Reuel sulhtsi.
5 'Ink'ez Aholibamah, Jeush sulhtsi, Jalam 'ink'ez Korah cha, 'en Esau ooye'ke, Canaan yun k'ut whut'i whe.
6 'Et Esau du'atke, duye'ke, dutse'ke 'enne mbene la yuyoh whut'ine, ts'iyawh musdoos cha 'ink'ez khuna-i, ndai la yut'i-i oogha ininde-i Canaan okhi yilhchoot 'ink'ez dulhutsin Jacob yughu whenya.
7 Ndai la huyut'i-i sdabe 'onus lhai suli', 'aw lhzih huhoot'e' ait'oh 'ink'ez nyo yun t'ehonuszun-un huwhut'i-un 'et cha 'aw nahult'oh hik'uhuna-i 'uhoolh'en ait'oh, khuna-i lhai huti k'et.
8 'Inka Esau 'en Mt Seir 'et whut'i, Esau 'en Edom 'unt'oh.
9 'Ink'ez ndi 'i Esau ts'u haindene Edom whut'enne bubá, Mount Seir huwhut'i.
10 Ndi 'i Esau ooye'ke buboozi',
Eliphaz, Adah ooyaz Esau oo'at 'ink'ez Reuel, Basemath, Esau oo'at cha.
11 'Ink'ez Eliphaz ooye'ke,
'enne Teman, Omar, Zepho, Gatam 'ink'ez Kenaz.
12 'Et Timna 'en Eliphaz oo'at 'en yugha nyus 'unt'oh, 'en Esau ooye', 'ink'ez 'en Amelek yughu sulhtsi, 'enne Adah, Esau oo'at buzkeh.
13 Ndunne 'enne Reuel ooye'ke:
Nehath, Zerah, Shammah 'ink'ez Mizzah. 'Enne Basemath Esau oo'at buzkeh.
14 Ndunne 'enne Aholibamah ooye'ke, Esau oo'at, Anah ootse', Zibeon ootse'.
'En Esau, Jeush, Jalam 'ink'ez Korah 'en yughu bulhtsi.
15 Ndunne 'enne Esau ooye'ke moodih hubuhilh'i,
Eliphaz ooye'ke, Esau 'udechoo ooye' inle',
'en dayi Teman, dayi Omar, dayi Zepho 'ink'ez dayi Kenaz,
16 dayi Korah, dayi Gatam 'ink'ez dayi Amalek.
'Enne Eliphaz oodayi hinli, Edom yun k'ut.
'Enne Adah oots'u hainzutne 'uhint'oh.
17 Ndunne 'enne Reuel ooye'ke, Esau ooye':
dayi Nahath, dayi Zerah, dayi Shammah ink'ez dayi Mizzah. 'Enne Reuel oodayi Edom yun k'ut ndunne 'enne Basemath Esau oo'at buzkeh.
18 Ndunne 'enne Aholibamah Esau oo'at buzkeh:
dayi Jeush, dayi Jalam 'ink'ez dayi Korah 'enne Aholibamah ts'u hahande Esau oo'at, Anah ootse'.
19 Ndunne 'enne Esau ooye'ke Edom 'unt'oh, 'ink'ez ndunne 'enne budayi hanle'.
Seir ooye'ke
20 Ndunne 'enne Seir, Hor whut'i-un ooye'ke 'enne ndi yun k'ut huwhut'i: Lotan, Shobal, Zibeon 'ink'ez Anah,
21 Dishon, Ezar 'ink'ez Dishan. 'Enne Hor whut'enne budayi, Seir ooye'ke Edom yun k'ut.
22 'Ink'ez Lotan ooye'ke:
'enne Hori 'ink'ez Heman, Lotan bulhtus 'en Timna huyulhni.
23 Ndunne 'enne Shobal ooye'ke:
Alvan, Manahath, Ebal, Shepho 'ink'ez Onam.
24 Ndune 'enne Zibeon ooye'ke:
Aiah 'ink'ez Anah bulh, ndun Anah 'en 'uja chunt'oh duba donkey nulhyeh whe too k'et nahoon'ai.
25 Ndunne Anah buzkeh:
Dishon 'ink'ez Aholibamah, Anah ootse'.
26 Ndunne 'enne Dishon ooye'ke:
Hemdan, Eshban, Ithran 'ink'ez Cheran.
27 Ndunne 'enne Ezer ooye'ke:
Bilhan, Zaavan 'ink'ez Akan.
28 Ndune 'enne Dishan ooye'ke:
Uz 'ink'ez Aran.
29 Ndune 'enne Hor whut'enne whudayi:
dayi Lotan, dayi Shobal, dayi Zibeon, dayi Anah,
30 dayi Dishon, dayi Ezer, 'ink'ez Dishan, 'enne Hor whut'enne whudayi hinli, Seir yun k'ut 'et.
Edom budayicho
31 'Et ndunne 'enne lerwene Edom yun k'ut 'et hudalts'i', 'aw Israel buzkeh whutsoda'ne bulerwe hooloh.
32 Bela, Beor ooye' Edom 'et whulerwe inle', 'et nyo keyoh whuti 'et Dinhabah huwhutni.
33 'Ink'ez Bela dazsai whe Jobab, Zerah, Bozrah whut'en-un ooye', 'en lerwe inle' yuk'edanya.
34 'Et Jobab dazsai whe Teman whut'enne bulerwe Husham huyulhni, 'en yuk'edanya.
35 'Et Hasham dazsai whe Hadad, Bedad ooye' 'en la Midian neninya whe whelhonigan Moab yun k'ut, ha'nuyeh-un, whe hubuch'a' nilhde, 'en yuk'edanya nyo 'et keyoh Avith huwhutni.
36 'Et Hadad dazsai whe Samlah, Masrekah whut'en-un, 'en yuk'edanya.
37 'Ink'ez Samlah dazsai whe Saul, Rehoboth-'Ukoh-Taba whut'en-un, 'en yuk'edanya.
38 'Et Saul dazsai whe Baal-Hanaan, Achbor ooye' 'en yuk'edanya.
39 'Et Baal-Hanaan, 'Achbar ooye', dazsai whe Hadar 'en yuk'edanya. Nyo 'et keyoh 'et Pau huwhutni. Oo'at boozi' 'i Mehetabal, Matred ootse' 'en Mezahab ootse' 'unt'oh.
40 Ndi 'i Esau oodayine buboozi' nts'en'a lah didohne 'ink'ez huwhut'ine buboozi':
dayi Timnah, dayi Alvah, dayi Jetheth.
41 dayi Aholibamah, dayi Elah, dayi Pinon,
42 dayi Kenaz, dayi Teman, dayi Mibzar,
43 dayi Magdiel, 'ink'ez Iram.
'Enne Edom whudayi 'ink'ez nyo yun k'ut huwhut'ine 'ink'ez buch'e' cha, Esau 'en Edom whut'enne bubá 'unt'oh.