7
1 Rapannaw ka pathoup awh teh longkhanaw ka cum awh hnukkhu, longkha karingkung hoi la kasakkung lah Levih miphunnaw hah thaw ka poe.
2 Yuemkamcu lah kaawm ni teh Cathut ka taket e ransabawi Hananiah hoi ka nawngha Hanan teh Jerusalem ka uk sak.
3 Jerusalem longkhanaw teh kanî a tâco hoehnahlan vah paawng sak hanh. Tangmin lah karingkungnaw ni longkha kacaklah taren awh naseh. Hahoi khocanaw ni amamouh onae hmuen koehai thoseh, a imnaw koehoi thoseh ramveng awh naseh.
4 Bangkongtetpawiteh, santoungnae koehoi, bout ban nateh, khopui teh akaw eiteh khothung kaawm e taminaw ayounca dawkvah, imnaw sak thai awh hoeh rah.
Santoungnae koehoi bout kabannaw
5 Ka Cathut ni ka lungthung vah, bari e naw hoi lawkcengkungnaw hoi tamimaya a kaw teh, a tâconae patetlah min thut hanelah na dei pouh. Hahoi ahmaloe kabannaw kakhekungnaw min thutnae cauk hah ka hmu. Hot dawkvah hettelah thut e lah ao.
6 San dawk hrawi lah kaawm e, Babilon siangpahrang Nebukhadnezar ni hrawi lah kaawm niteh, san dawk hoi a tâco teh Jerusalem hoi Judah ram e amamouh onae koe bout ka ban ni teh kho ka sak e milunaw teh,
7 Jerusalem koe ka tho e naw teh, Joshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum hoi Baanah. Ahnimanaw hoi cungtalah ka tho e Isarel miphunnaw teh;
8 Parosh ca catounnaw 2, 172
9 Shefatiah ca catounnaw 372
10 Arah ca catounnaw 652
11 Jeshua hoi Joab catoun thung hoi e Pahathmoab ca catounnaw 2, 818
12 Elam ca catounnaw 1, 254
13 Zattu ca catounnaw 845
14 Zakkai ca catounnaw 760
15 Binnui ca catounnaw 648
16 Bebai ca catounnaw 628
17 Azgad ca catounnaw 2322
18 Adonikam ca catounnaw 667
19 Bigvai ca catounnaw 2, 067
20 Adin ca catounnaw 655
21 Hezekiah capa thung hoi e Ater ca catounnaw 98
22 Hashum ca catounnaw 328
23 Bezai ca catounnaw 324
24 Hariph ca catounnaw 112
25 Gibeon ca catounnaw 95
26 Bethlehem hoi Netophah taminaw 188
27 Nathoth ca catounnaw 128
28 Bethazmaveth ca catounnaw 42
29 KiriathJearim, Kephirah hoi Beeroth tami 143
30 Ram hoi Geba ca catounnaw 621
31 Mikmas ca catounnaw 122
32 Bethel hoi Ai tami 123
33 Nebo alouke ca catounnaw 52
34 Elam alouke ca catounnaw 1, 254
35 Harim ca catounnaw 231
36 Jeriko ca catounnaw 345
37 Lod, Hadiel hoi Ono ca catounnaw 721
38 Senoah ca catounnaw 3, 930
39 Vaihmanaw: Jeshua imthungkhu Jedaiah ca catounnaw 973
40 Immer ca catounnaw 1052
41 Pashhur ca catounnaw 1247
42 Harim ca catounnaw 1017
43 Levih ca catounnaw : Hodaviah capa thung hoi e Kadmiel tami Jeshua ca catounnaw 74
44 La kasakkung: Asaph ca catounnaw 148
45 longkha ka ring e naw: Shallum ca catounnaw, Akkub ca catounnaw, Hatita ca catounnaw hoi Shobai ca catounnaw 138
46 Nethin tami: Ziha ca catounnaw, Hasupha ca catounnaw, Tabbaoth ca catounnaw
47 Keros ca catounnaw, sia ca catounnaw, padon ca catounnaw
48 Lebana ca catounnaw, Hagaba ca catounnaw, Salmai catounnaw
49 Hanan ca catounnaw, Giddel ca catounnaw, Gahar ca catounnaw
50 Reaiah ca catoun, Rezin ca catoun, Nekoda ca catoun,
51 Gazzam ca catoun, Uzza ca catoun, Paseah ca catoun
52 Besai ca catoun, Meunim ca catoun, Nefishesim ca catoun,
53 Bakbuk ca catoun, Hakupha ca catoun, Harhur ca catoun,
54 Bazlith ca catoun, Mehida ca catoun, Harsha ca catoun,
55 Barkos ca catoun, Sisera ca catoun, Tamah ca catoun,
56 Neziah ca catoun, Hatipha ca catoun,
57 Solomon koe kaawm e naw; Sotai catoun, Sofereth ca catoun, Perida ca catoun,
58 Jaala ca catoun, Darkon ca catoun, Giddel ca catoun,
59 Shefatiah ca catoun, Hattil ca catoun, Pokhereth Hazzebaim ca catoun, Ammon ca catoun,
60 Nathil taminaw hoi Solomon koe kaawm e abuemlah 392 touh a pha.
61 Telmelah, Telharsha, Kherub, Addoh, Immer ni a moan e naw teh hetnaw doeh. A mintoe, imthungkhu hoi catounnaw hah Isarel miphun katang hoi katang hoeh e hah parui thai awh hoeh toe.
62 Hotnaw teh: Delaiah ca catoun, Tobiah ca catoun Nekoda ca catoun 642
63 Vaihma miphun thung hoi: Habaiah ca catoun Koz ca catoun Gilead tami Barzillai canu yu lah ka lat e Barzillai ca catoun.
64 Ahnimanaw ni milu touknae dawk amamae milu thut e a hmu awh hoeh dawk kakuep hoeh e miphun vaihma thaw tawk mahoeh.
65 Umri hoi Thumim ni hrawi e Profet a tho hoeh roukrak teh ahnimouh ni kathoungpounge rawcanaw cat mahoeh telah kho bawi ni atipouh.
Taminaw ni hnopai poe e naw
66 Tamihupui abuemlah 42, 360 a pha
67 Sannu, sanpanaw 7, 337; la ka sak e napui tongpa 245 touh a pha.
68 Marangnaw 736 touh a pha teh ka kalen phunnaw 245 touh a pha.
69 Kalauknaw 435 lanaw 6, 720 touh a pha.
70 Hahoi kahrawikung tangawn ni thaw tawk nahanelah hnopai a poe awh. Khokung ni hai sui derik 1,000, maroi 50, hoi vaihmanaw e khohna 530 touh a poe.
71 Kahrawikung tangawnnaw ni im sak nahanelah sui darik 20,000 touh hoi ngun khing 2, 200 touh a poe awh.
72 Hahoi alouke taminaw ni poe e naw teh sui derik 20, 222 touh hoi ngun khing 2,000 touh hoi vaihmanaw e khohna 67 touh a pha.
73 Hahoi, vaihma, Levih miphun, longkha ka ring e naw, la kasaknaw, tami tangawn, Nethin miphunnaw hoi Isarelnaw teh amamae kho dawk lengkaleng ao awh. Hahoi thapa yung sari touh a kuep toteh, Isarel catounnaw teh amamae khopui dawk ao awh.