125
Israe ye ruaegoc kecbeso
Hombannu kekenggac yegec.
1 Ngicngac KEBU negenserima kecdimbe, nenang Siong tiki isoc. Wiac mongngo meu goroc goroc mi amma nasoya nasoya nangkefude.
2 Tikingo Yerusareng yerecgema tackendae, ifi isocngoc KEBUNGO ngicngacfora yerecyunuma yofinenggac nga nasoya nasoya ifi kefude.
3 Ngicngac dindingac yeni maringina sinema angammeme mangana ambauac. Ngic Anutu ngadehema mangana megecdeac ayemmeande, Anutungo yeni kpae heiyemmeu ngictau yasunginango ngic dindingac yeneac bangec naric mi garenggeude.
4 O KEBU, ngicngac gombunga nga herenginau ikoc nga hamangec mong mi fede, geng yeni faka gombunga ayemmena.
5 Ngicngac goa ine efaima sing mangana noboc noboc modacgec KEBUNGO yarengic meicyunuma yeni ifingoc yenigoc meicyunuu kenggec kpemeting ayemmeude.
Ruaengo Israe areng yenearu febeso.