7
Pɑ sɩ́ɩ́ tɑŋlɑɑ kɛ ɩcɑtɛ tɑɑ
1 Wɑɑtʋ wei koluŋɑ tɛmɑ nɑ pɑ́ tʋ́ kɑmpʋnɑɑ, ɩlɛnɑ pɑ́ sɩɩ nɔnɔɔsɩ tɑŋlɑɑ, nɑ yonyoolɑɑ, nɑ Lefii nyǝ́mɑ kɛ pɑ tǝmɑ tɑɑ.
2 Ɩlɛnɑ mɑ́ cɛlɑ Yosɑlɛm ɩcɑtɛ pɑɑsǝnɑʋ kɛ mɑ neu Hɑnɑni nɑ koluŋɑ ɩcɑtɛ yoolɑɑ nyʋɣʋ tʋ Hɑnɑniyɑ. Mɑɑ wɛnɑ-ɩ nɑɑni kɛ́, pǝ́cɔ́ ɩ tǝŋǝɣɩ Ɩsɔ nɑ pǝ́ kǝlɩ lɛlɑɑ.
3 Ḿpʋ́ɣʋ́ mɑ heelɑ-wɛ sɩ: Pǝ wɛɛ sɩ ilim ɩ́ lɩɩ kɛ́ nɑ pǝ́ kpɑ nɑ pǝ́cɔ́ ɩ́ tʋlɩ ɩcɑtɛ nɔnɔɔsɩ. Tɑɑnɑɣɑ, ɩlɛnɑ ɩ́ tǝkɩ-sɩ nɑ pǝ́cɔ́ sɩ tɑŋlɑɑ kʋlɩ pɑ tǝmɑ tɑɑ. Yosɑlɛm ɩcɑtɛ nyǝ́mɑ lɛlɑɑ tɑŋǝɣɩ nɑ lɛlɑɑ pɑɑsǝɣǝnɑ pɑ kutuluŋ kilɑ.
Yutɑ nyǝ́mɑ mpɑ pɑ mǝlɑ Pɑlɛsǝtini tɛtʋ tɑɑ tɔ pɑ hǝlɑ
4 Pɑɑ nɑ Yosɑlɛm ɩcɑtɛ kɑ́ wɑlɑɑ tɔ, tǝ tɑɑ yǝlɑɑ fɛɩ pɑɣɑlɛ. Pǝ́cɔ́ pɑ tɑɑ ŋmɑ́ kutuluŋ lɛlǝŋ.
5 Ḿpʋ́ɣʋ́ mɑ Ɩsɔ heelɑ-m nɑ mɑ́ koti ɩcɑtɛ sɔsɑɑ nɑ hʋʋlɑɑ nɑ yǝlɑɑ lɛlɑɑ sɩ pɑ́ kɑlɑ yǝlɑɑ. Ɩlɛnɑ mɑ́ wiili tɑkǝlɑɣɑ ŋkɑ kɑ tɑɑ mpɑ pɑ lɩɩnɑ Pɑpiloni kɛ kɑncɑɑlɑɣɑ tɔ pɑ hǝlɑ kɑ wɛɛ tɔ, hɑlɩ pɑ kɛɛsɑ kɑ tɑɑ sɩ:
6 Ɩsɛɣɛlɩ lʋlʋŋ nyǝ́mɑ mpɑ Pɑpiloni wulɑʋ Nepukɑnɛsɑɑ kɑ kpɑwɑ tɔ, pɑ tɑɑ pɑɣɑlɛ mǝlǝnɑ Yosɑlɛm nɑ Yutɑ tɛtʋ tɑɑ. Pɑɑ wei ɩ mǝlɑ ɩ mɑɣɑmɑɣɑ ɩ ɩcɑtɛ tɑɑ.
7 Mpɑ pɑ kɔnɑ-wɛ tɔɣɔlɛ Solopɑpɛɛlɩ, nɑ Yesuwɑ, nɑ Nehemiyɑ, nɑ Asɑliyɑ, nɑ Lɑɑmiyɑ, nɑ Nɑhɑmɑnɩ, nɑ Motokɑyi, nɑ Pilisɑŋ, nɑ Misipelɛtɩ, nɑ Pikifɑyi, nɑ Nehum, nɑ Pɑɑnɑ. Pɑ lʋlʋŋ kpekɑ ntɔ nɑ yǝlɑɑ pee nyɔɔŋ.
8 Pɑlɔsɩ lʋlʋɣʋ tɑɑ kɛ́ yǝlɑɑ iyisi nɑɑlɛ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (2172).
9 Sefɑtiyɑ nyǝŋkʋ tɑɑ kɛ́ ŋmʋnʋɣʋ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (372).
10 Alɑ nyǝŋkʋ tɑɑ kɛ́ nɑsǝtoso nɑ nɩɩlɛ nɑ nɑɑnʋwɑ nɑ nɑɑlɛ (652).
11 Pɑhɑtɩ-Mowɑpʋ nyǝŋkʋ tɑɑ kɛ́ iyisi nɑɑlɛ nɑ nɑsǝnɑɑsɑ nɑ pǝlefɛɩ hiu (2818). Yesuwɑ nɑ Yowɑpɩ pɑ lʋlʋɣʋ nyǝ́mɑ ntɛ́.
12 Ɩlɑm nyǝŋkʋ tɑɑ kɛ́ yǝlɑɑ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
13 Sɑtu nyǝŋkʋ tɑɑ kɛ́ yǝlɑɑ nɑsǝnɑɑsɑ nɑ nɩɩlɛ nɑ kɑkpɑsɩ (845).
14 Sɑkɑyi nyǝŋkʋ tɑɑ kɛ́ yǝlɑɑ nɑsǝtoso nɑ nɩɩnʋwɑ nɑ nɩɩtoso (760).
15 Pinuwi nyǝŋkʋ tɑɑ kɛ́ yǝlɑɑ nɑsǝtoso nɑ pǝlefɛɩ nɩɩlɛ nɑ nɑɑnʋwɑ (648).
16 Pepɑyi nyǝŋkʋ tɑɑ kɛ́ yǝlɑɑ nɑsǝtoso nɑ pǝlefɛɩ hiu nɑ nɑɑnʋwɑ (628).
17 Asǝkɑtɩ nyǝŋkʋ tɑɑ kɛ́ yǝlɑɑ iyisi nɑɑlɛ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑlɛ (2322).
18 Atonikɑm nyǝŋkʋ tɑɑ kɛ́ yǝlɑɑ nɑsǝtoso nɑ nɩɩtoso nɑ nɑɑtosompɔɣɔlɑɣɑ (667).
19 Pikifɑyi nyǝŋkʋ tɑɑ kɛ́ yǝlɑɑ iyisi nɑɑlɛ nɑ nɩɩtoso nɑ nɑɑtosompɔɣɔlɑɣɑ (2067).
20 Atɛŋ nyǝŋkʋ tɑɑ kɛ́ yǝlɑɑ nɑsǝtoso nɑ nɩɩlɛ nɑ nɑɑnʋwɑ nɑ kɑkpɑsɩ (655).
21 Hisikiyɑ lʋlʋɣʋ tʋ Atɛɛ nyǝŋkʋ tɑɑ kɛ́ yǝlɑɑ pǝlefɛɩ nɩɩnʋwɑ.
22 Hɑsum nyǝŋkʋ tɑɑ kɛ́ yǝlɑɑ ŋmʋnʋɣʋ nɑ nɩɩnʋwɑ nɑ pǝlefɛɩ hiu nɑ nɑɑnʋwɑ (328).
23 Pesɑyi nyǝŋkʋ tɑɑ kɛ́ yǝlɑɑ ŋmʋnʋɣʋ nɑ nɩɩnʋwɑ nɑ hiu nɑ liɣiti (324).
24 Hɑlifɩ nyǝŋkʋ tɑɑ kɛ́ yǝlɑɑ nɩɩnʋwɑ nɑ nɑɑnʋwɑ nɑ nɑɑlɛ (112).
25 Kɑpɑwɔŋ ɩcɑtɛ yǝlɑɑ kɛ nɩɩnɑɑsɑ nɑ nɑɑnʋwɑ nɑ kɑkpɑsɩ.
26 Pɛtǝlɛhɛm nɑ Netofɑ pǝ yǝlɑɑ kɛ pǝlefɛɩ nɩɩnʋwɑ nɑ nɩɩnɑɑsɑ nɑ nɑɑnʋwɑ (188).
27 Anɑtɔtɩ nyǝ́mɑ kɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
28 Pɛtɩ-Asǝmɑfɛtɩ nyǝ́mɑ kɛ nɩɩlɛ nɑ nɑɑlɛ.
29 Kiliyɑtɩ-Yeyɑlim nɑ Kefilɑ nɑ Pelɔtɩ nyǝ́mɑ kɛ nɑsǝtoso nɑ nɩɩnʋwɑ nɑ nɩɩlɛ nɑ tooso (743).
30 Lɑmɑ nɑ Kepɑ nyǝ́mɑ kɛ nɑsǝtoso nɑ hiu nɑ kʋlʋm (621).
31 Mikimɑsɩ nyǝ́mɑ kɛ nɩɩnʋwɑ nɑ hiu nɑ nɑɑlɛ (122).
32 Petɛɛlɩ nɑ Ayi pǝ nyǝ́mɑ kɛ nɩɩnʋwɑ nɑ hiu nɑ tooso (123).
33 Nepo ɩcɑtɛ lɛntɛ nyǝ́mɑ kɛ nɩɩlɛ nɑ nɑɑnʋwɑ nɑ nɑɑlɛ.
34 Ɩlɑm lɛlʋ lʋlʋɣʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
35 Hɑlim lʋlʋɣʋ nyǝ́mɑ kɛ ŋmʋnʋɣʋ nɑ nɩɩnʋwɑ nɑ hiu (320).
36 Yeliko ɩcɑtɛ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩlɛ nɑ kɑkpɑsɩ (345).
37 Lotɩ nɑ Hɑtitɩ nɑ Ono pǝ ɑcɑlɛɛ nyǝ́mɑ kɛ nɑsǝtoso nɑ nɩɩnʋwɑ nɑ hiu nɑ kʋlʋm (721).
38 Senɑɑ ɩcɑtɛ nyǝ́mɑ kɛ iyisi tooso nɑ nɑsǝnɑɑsɑ nɑ nɩɩnʋwɑ nɑ hiu nɑ nɑɑnʋwɑ (3930).
39 Kɔtǝlɑɑ kpekɑ ntɔ. Yesuwɑ lʋlʋɣʋ nyǝ́mɑ tɑɑ lɛlʋ Yetɑyɑ yǝlɑɑ wɛ nɑsǝnɑɑsɑ nɑ nɩɩnʋwɑ nɑ nɩɩtoso nɑ nɑɑnʋwɑ nɑ tooso (973).
40 Ɩmɛɛ lʋlʋɣʋ nyǝ́mɑ wɛ iyɑɣɑ nɑ nɩɩlɛ nɑ nɑɑnʋwɑ nɑ nɑɑlɛ (1052).
41 Pɑsehuu lʋlʋɣʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑtosompɔɣɔlɑɣɑ (1247).
42 Hɑlim lʋlʋɣʋ nyǝ́mɑ kɛ iyɑɣɑ nɑ nɑɑnʋwɑ nɑ nɑɑtosompɔɣɔlɑɣɑ (1017).
43 Lefii nyǝ́mɑ kpekɑ ntɔ. Hɑtefɑ lʋlʋɣʋ nyǝ́mɑ Yesuwɑ nɑ Kɑtǝmǝyɛlɩ pɑ lʋlʋɣʋ nyǝ́mɑ wɛ nɩɩtoso nɑ nɑɑnʋwɑ nɑ liɣiti.
44 Ɩsɔ tǝsɛɛlɛ yonyoolɑɑ kpekɑ ntɔ. Asɑfɩ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ nɩɩlɛ nɑ nɑɑnʋwɑ (148).
45 Nɔnɔɔsɩ tɑŋlɑɑ kpekɑ ntɔ. Sɑlum, nɑ Atɛɛ, nɑ Tɑlǝmɔŋ, nɑ Akupi, nɑ Hɑtitɑ, nɑ Sopɑyi, pɑ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ nɩɩlɛ (138).
46 Ɩsɔ tǝsɛɛlɛ tǝmlɛ lɑtɑɑ sǝkpemɑ lʋlʋɣʋ nyǝ́mɑ ntɛ́ Sihɑ, nɑ Hɑsufɑ, nɑ Tɑpɑwɔtɩ.
47 Nɑ Kelɔsɩ, nɑ Siyɑ, nɑ Pɑtɔŋ.
48 Nɑ Lepɑnɑ, nɑ Hɑkɑpɑ, nɑ Sɑlǝmɑyi.
49 Nɑ Hɑnɑŋ, nɑ Kitɛlɩ, nɑ Kɑhɑɑ.
50 Nɑ Leyɑyɑ, nɑ Lesɛŋ, nɑ Nekotɑ.
51 Nɑ Kɑsɑm, nɑ Usɑ, nɑ Pɑseyɑ.
52 Nɑ Pesɑyi, nɑ Meunim, nɑ Nefusesim.
53 Nɑ Pɑkǝpuki, nɑ Hɑkufɑ, nɑ Hɑluu.
54 Nɑ Pɑɑsilitɩ, nɑ Mehitɑ, nɑ Hɑɑsɑ.
55 Nɑ Pɑɑkɔsi, nɑ Siselɑ, nɑ Temɑ.
56 Nɑ Nesiyɑ, nɑ Hɑtifɑ.
57 Sɑlʋmɔŋ tǝmlɛ nyǝ́mɑ lʋlʋŋ kpekɑ ntɛ́ Sotɑyi, nɑ Sofelɛtɩ, nɑ Pelitɑ.
58 Nɑ Yɑɑlɑ, nɑ Tɑɑkɔŋ, nɑ Kitɛlɩ.
59 Nɑ Sefɑtiyɑ, nɑ Hɑtilɩ, nɑ Pokɛlɛtɩ-Hɑsepɑyim, nɑ Amɔŋ.
60 Ɩsɔ tǝsɛɛlɛ tɑɑ tǝmlɛ lɑtɑɑ nɑ Sɑlʋmɔŋ tǝmlɛ nyǝ́mɑ pɑ kpɛntɑ ŋmʋnʋɣʋ nɑ nɩɩnʋwɑ nɑ nɩɩnɑɑsɑ nɑ nɑɑnʋwɑ nɑ nɑɑlɛ (392).
61 Mpɑ pɑ lɩɩnɑ Pɑpiloni ɑcɑlɛɛ Tɛɛlɩ-Melɑ, nɑ Tɛɛlɩ-Hɑɑsɑ, nɑ Kelupɩ-Atɔŋ, nɑ Ɩmɛɛ tɔ, pɑ tɑ pǝsɩ nɑ pɑ́ kɛɛsɩ pɑ cɔsɔnɑɑ lʋlʋŋ loosi sɩ pǝ́ hʋ́lɩ́ tɑmpɑnɑ sɩ pɑ kɛ́ Ɩsɛɣɛlɩ nyǝ́mɑ.
62 Pɑ tǝnɑ pɑ kpɛntɑ nɑsǝtoso nɑ nɩɩlɛ nɑ nɑɑlɛ (642). Pɑ lʋlʋŋ nyǝ́mɑ ntɛ́ Telɑyɑ, nɑ Topiyɑ, nɑ Nekotɑ.
63 Kɔtǝlɑɑ lɛlɑɑ kɑ wɛ kɛ́ ɩsɩɩ mpɑ pɑ tɑ pǝsɩ nɑ pɑ́ hʋ́lɩ́ sɩ pɑ kɛ́ Ɩsɛɣɛlɩ nyǝ́mɑ tɔ. Mpɛɣɛlɛ Hopɑyɑ, nɑ Hɑkɔɔsɩ, nɑ Pɑɑsilɑyi. Mpi pǝ tɔɔ pɑ yɑɑkɑɣɑ kɑntǝkɑɣɑ nyǝŋ ɩnɛɣɛ mpʋ tɔɣɔlɛ sɩ ɩ kpɑɣɑ Pɑɑsilɑyi pɛɛlɑɑ tɑɑ lɛlʋ.
64 Pɑɑ pɛɛkɑ mpɛ ɩnɩ pɑ hǝlɑ kɛ kɔtǝlɑɑ nyǝnɑ tɑɑ kɛ́ pɑ tɑ nɑ́. Ɩlɛnɑ pɑ́ nyǝnɩ-wɛɣɛ ɑsilimɑ nyǝ́mɑ. Pǝ tɔɔ kɛ́ pɑ kisinɑ-wɛ sɩ pɑ́ tɑɑ lɑ kɔtǝlɑɑ tǝmlɛ.
65 Ḿpʋ́ɣʋ́ kʋfǝnɛɛ mɑɣɑmɑɣɑ kisinɑ-wɛ sɩ pɑ́ tɑɑ tɔɣɔ Ɩsɔ kʋhɑʋ. Hɑlǝnɑ kɔtʋlʋ nɔɣɔlʋ ɩ́ mɑɣɑsɩ wɑlɑ pee tɑkɑ nnɑ pɑ nɑɑnɑ Ɩsɔ luɣu nyǝntʋ tɔ nɑ pǝ́cɔ́.
66 Ɩsɛɣɛlɩ nyǝ́mɑ tǝnɑ mpɑ pɑ lɩɩnɑ Pɑpiloni tɔ pɑ kpɛntɑ iyisi nɩɩlɛ nɑ nɑɑlɛ nɑ ŋmʋnʋɣʋ nɑ nɩɩnʋwɑ nɑ nɩɩtoso (42360).
67 Pɑ tɑɑ kɑ wɛ tǝmlɛ nyǝ́mɑ ɑpɑlɑɑ nɑ ɑlɑɑ kɛ iyisi nɑɑtosompɔɣɔlɑɣɑ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (7337). Nɑ yonyoolɑɑ ɑpɑlʋ nyǝ́mɑ nɑ ɑlʋ nyǝ́mɑ kɛ ŋmʋnʋɣʋ nɑ nɩɩlɛ nɑ kɑkpɑsɩ (245).
68 Nɑ yooyoonɑɑ nɑsǝlɛ nɑ hiu nɑ nɑɑnʋwɑ nɑ kɑkpɑsɩ (235), nɑ kpɑŋɑsɩ kɛ iyisi nɑɑtoso nɑ nɑsǝtoso nɑ nɩɩnʋwɑ nɑ hiu (6720).
69 Lʋlʋŋ nyɔɔŋ nyǝ́mɑ tɑɑ lɛlɑɑ hɑwɑ kʋcɔɔŋ sɩ pɑ́ tɑɣɑnɩ ŋmɑʋ kɛ Ɩsɔ tǝsɛɛlɛ. Nɑ tɛtʋ kʋfǝnɛɛ nɑ́ɑ́ hɑ wʋlɑ nyǝɣǝtʋ iyɑɣɑ (1000), nɑ poosiisi nsi pɑ ŋmɩɩsǝɣǝnɑ cɑlǝm tɔɣɔ nɩɩlɛ nɑ nɑɑnʋwɑ, nɑ kɔtǝlɑɑ cɑpɑnɑɑ kɛ nɑsǝlɛ nɑ nɩɩnʋwɑ nɑ hiu nɑ nɑɑnʋwɑ (530), sɩ pɑ́ lɑnɑ Ɩsɔ tǝsɛɛlɛ tǝmlɛ.
70 Lʋlʋŋ nyɔɔŋ nyǝ́mɑ lɑpɑ kʋcɔɔŋ wei tɔ ɩ kpɛntɑ wʋlɑ nyǝɣǝtʋ kɛ iyisi hiu (20000), nɑ liɣitee nyǝɣǝtʋ kɛ kiloonɑɑ iyɑɣɑ nɑ nɩɩnʋwɑ (1100).
71 Ɩlɛnɑ Ɩsɛɣɛlɩ nyǝ́mɑ lɛlɑɑ hɑ wʋlɑ nyǝɣǝtʋ iyisi hiu (20000). Liɣitee nyǝɣǝtʋ kɛ kiloonɑɑ iyɑɣɑ (1000). Kɔtǝlɑɑ cɑpɑnɑɑ kɛ nɩɩtoso nɑ nɑɑtosompɔɣɔlɑɣɑ.
72 Ḿpʋ́ɣʋ́ kɔtǝlɑɑ, nɑ Lefii nyǝ́mɑ, nɑ nɔnɔɔsɩ tɑŋlɑɑ, nɑ yonyoolɑɑ, nɑ yǝlɑɑ ɩsɩɩ Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ nɑ Ɩsɛɣɛlɩ nyǝ́mɑ lɛlɑɑ tǝnɑ, pɑ cɑɣɑ pɑɑ wei kɛ́ ɩ ɩcɑtɛ tɑɑ.
Ɩsǝtǝlɑsɩ kɑlǝɣɩ kiiu tɑkǝlɑɣɑ kɛ sɑmɑɑ tɑɑ
Wɑɑtʋ wei pǝ tɑlɑ ɩsɔtʋ nɑɑtosompɔɣɔlɑɣɑ nyǝŋ, ɩlɛnɑ pɑɑ Ɩsɛɣɛlɩ tʋ wei ɩ́ lɩɩnɑ ɩ ɩcɑtɛ tɑɑ nɑ ɩ́ kɔɔ.