4
Tɑcɑɑ kisuɣu kɛ tɔm tʋɣʋ
1 Tɑfiiti yontu nti pɑ yoonɑ sɑŋkʋ nɑ tə́ wɛ Yonyoolɑɑ
nyʋɣʋ tʋ yontunɑɑ tɑɑ tɔɣɔlɔ.
2 Hɑɩ, Ɩsɔ cɔ-m wɑɑtʋ wei mɑ wiikinɑ-ŋ tɔ.
Nyɑɣɑlɛ mɑ tɑmpɑnɑ hɑlʋ.
Nyɑ́ wɑɑsənɑ-m mɑɑ wɛʋ lɑŋwɑkəllɛ tɑɑ tɔ.
Nyənɩ mɑ pətɔɔtəlɛ nɑ ń nɩɩ mɑ kʋsələmʋtʋ.
3 Mpɑ mɛ mə pɛɛkəɣɩ sɩ ɩ́ cɑɣɑnɑ-m nɑ ɩ́ tʋʋ-m mʋsʋŋ tɔ,
pəlee kɛ́ mɩɩ hɛɛsɩ mɑ nyʋɣʋ kʋɣʋ nɑ kɑloolɑɣɑ?
4 Ɩ́ nyɩ sɩ Tɑcɑɑ lɑpɑ-m pɛɛlɛɛ sɔsɔɔnɑ kɛ́.
Ye mɑ yɑɑ-ɩ sɩ ɩ́ wɑɑsɩ-m ɩ nɩɩkɩ.
5 Ɩ́ sele, ɩlɛ ɩ tɑɑ pəntɩ.
Ɩ́ ponɑ ləmɑɣɑsɛɛ kɛ mə təhəntəlɛnɑɑ kɛ ɑhoo nɑ ɩ́ cɑɣɑ tətiɣitiɣi.
6 Ɩ́ pɛtɩ mə təɣɩ Tɑcɑɑ nɑ ɩ́ lɑpɩ-ɩ kɔtɑsɩ nsi sə təŋɑɑ tɔ.
7 Pɑɣɑlɛ wiikinɑ sɩ:
Awe kɑ yele nɑ tə nɩɩ leleŋ?
Tɑcɑɑ nyənɩ tɑ́ tɔɔ nɑ ɩsɛ kʋpɑnɑ.
8 Amɑ n tʋ mɑ tɑɑ kɛ́ lɑŋhʋlʋmlɛ nɑ pə́ kəlɩ
mpɛɣɛ wɑɑtʋ wei pɑ wɛnɑ pɑ tɔɣɔnɑɣɑ
nɑ pɑ sʋlʋm tuutuumɑ tɔ.
9 Mɑ həntəɣɩ kɛ́ nɑ mɑ́ tooki teu.
Mpi tɔ, Tɑcɑɑ tike kentiɣinɑ mɑ təcɑɣɑlɛ.