101
ካቲ ጾሳዉ ገልያ ቃላ ጫቁዋ
ዳዊታ ማዛሙርያ
1 ታን አገና ሲቁዋባነ ጽሎ ፕርዳባ የጻና፤
አቤት መꬍና ጎዳዉ፥ ታን ነዉ የጻና።
2 ታን ሱረ ኦግያባ ቆፓና።
ኔን ታኮ አዉደ ያን?
ታን ታ ጎልያን ሱረተꬃን ሀመታና።
3 ታን ታ አይፍያን ፖኮባ ጼልከ።
ጾሳፐ ዎራ ስሜዳ አሳቱዋ ኦሱዋ እጻይ፤
ኡንቱንቱ ሙለካ ታናና ግድክኖ።
4 ዎዛና ጌላተꬃይ ታፐ ሃኮ፤
ኢታተꬃ ታን ኤርከ።
5 ጌማን ባረ ሾሩዋ ዝግርያዋ፥
ታን ስርጵ ኦꬃና።
ኦቶረትያነ አይያ አሳ ታን ዳንዳይከ።
6 ኡንቱንቱ ታናና ደአና ማላ፥
ቢታ ቦላ ደእያ አማነትያዋንታ፥
ታን ኬካ አይፍያን ጼላይ።
ሱረተꬃን ሀመትያ አሳይ ታዉ ኪተታና።
7 ጭምያዌ ታ ጎልያን ደኤና፤
ዎርዱዋ ሃሳይያዌ ታ ስንꬃን ጋምኤና።
8 ቢታን ደእያ ኢታ አሳ ኡባ፥
ታን ጋላስ ጋላስ ꬋይሳና፤
ኢታ ኦꬅያዋንታ ኡባ፥
ታን መꬍና ጎዳ ካታማፐ ꬎቆላና።