136
ጋላታ ማዝሙርያ
1 መꬍና ጎዳ ጋላትተ! አያዉ ጎፐ፥ እ ኬካ፤
አገና አ ሲቁ መꬍናዋ።
2 ጾሳቱዋ ጾሳ ጋላትተ!
አገና አ ሲቁ መꬍናዋ።
3 ጎዳቱዋ ጎዳ ጋላትተ!
አገና አ ሲቁ መꬍናዋ።
4 አ ጻላላይ ዎልቃማ ማላልስያባ ኦꬄ፤
አገና አ ሲቁ መꬍናዋ።
5 ባረ አꬌዳ ኤራን እ ሳሎቱዋ መꬌዳ፤
አገና አ ሲቁ መꬍናዋ።
6 ቢታ ሃꬃ ቦላን ምጬዳ፤
አገና አ ሲቁ መꬍናዋ።
7 ዎልቃማ ፖኦቱዋ መꬌዳ፤
አገና አ ሲቁ መꬍናዋ።
8 አዋይ ጋላስ ሞዳናዳን ኦꬄዳ፤
አገና አ ሲቁ መꬍናዋ።
9 አግናይነ ጾልንተቱ
ቃማ ሞዳናዳን ኦꬄዳ፤
አገና አ ሲቁ መꬍናዋ።
10 እ ግብጼ ቢታን ባይራቱዋ ዎꬌዳ፤
አገና አ ሲቁ መꬍናዋ።
11 እስራኤልያ አሳ፥
ግብጼፐ ካለꬂደ ከሴዳ፤
አገና አ ሲቁ መꬍናዋ።
12 ባረ ምኖ ኩሽያን፥
ባረ ዎልቃማ ቀስያን ሀዋ ኦꬄዳ፤
አገና አ ሲቁ መꬍናዋ።
13 ዞኦ አባ ሻክ የጌዳ፤
አገና አ ሲቁ መꬍናዋ።
14 እስራኤልያ አሳ፥
ሄ አባ ግዱዋና ፕንꬄዳ፤
አገና አ ሲቁ መꬍናዋ።
15 ግብጼ ካትያነ አ ኦላንቻቱዋ
ዞኦ አባን ሙክሴዳ፤
አገና አ ሲቁ መꬍናዋ።
16 እ ባረ አሳ ካለꬂደ፥
ባዙዋና አꬄዳ፤
አገና አ ሲቁ መꬍናዋ።
17 ዎልቃማ ካተቱዋ ሾጬዳ፤
አገና አ ሲቁ መꬍናዋ።
18 ኤረቴዳ ካተቱዋ ዎꬌዳ፤
አገና አ ሲቁ መꬍናዋ።
19 አሞረቱዋ ካትያ ስሆና ዎꬌዳ፤
አገና አ ሲቁ መꬍናዋ።
20 ቃይ ባሳነ ካትያ ኦጋ ዎꬌዳ፤
አገና አ ሲቁ መꬍናዋ።
21 ያቲደ ኡንቱንቱ ቢታ ባረ አሳ ላትሴዳ፤
አገና አ ሲቁ መꬍናዋ።
22 ባረ ቆማ እስራኤልያ ላትሴዳ፤
አገና አ ሲቁ መꬍናዋ።
23 እ ኑን ካዉሼዳ ዎደካ ኑና ቆፔዳ፤
አገና አ ሲቁ መꬍናዋ።
24 ኑና ኑ ሞርከቱዋፐ አሼዳ፤
አገና አ ሲቁ መꬍናዋ።
25 መታ ኡባዉ ቁማ እሜ፤
አገና አ ሲቁ መꬍናዋ።
26 ሳሉዋ ጾሳ ጋላትተ!
አገና አ ሲቁ መꬍናዋ።