98
ጾሳይ አላምያ ሞድያዋ
ማዝሙርያ
1 መꬍና ጎዳዉ ኦራꬃ የꬃ የጽተ፤
አያዉ ጎፐ፥ እ ማላልስያባ ኦꬄዳ።
አ ኡሸቻ ኩሺነ አ ጌሻ ቄሲ
አዉ ጾኑዋ እሜዳ።
2 መꬍና ጎዳይ ባረ ጾኑዋ ኤርሴዳ፤
እ አሽያዋ ካዉተꬃቶ ቆንጭሴዳ።
3 እ እስራኤልያ ሶ አሳ ሲቅያዋነ
ኡንቱንቶ አማነትያዋ ሀሳዬዳ።
ሳኣ ጋጻ ጋካናዉ ደእያ አሳይ ኡባይ
ኑ ጾሳይ አሽያዋ በኤዳ።
4 ሳኣ ቦላን ደእያ አሳ ኡባይ፥
መꬍና ጎዳዉ ናሸቻን የጽተ፤
ቃላ ꬎቁ ኦꬂደ፥ ናሸቻ ሳባ ሳቢተ።
5 ዲꬃ መꬍና ጎዳዉ ዲጽተ፤
ዲꬃንነ የꬃን ጾሳ ሳቢተ።
6 ጹሩምባነ ሎኩዋ ፑኒደ፥
ናሸቻን መꬍና ጎዳ ኑ ካትያ ስንꬃን ሆምቦጭተ።
7 አባይነ አባ ግዶን ኩሜዳዌ ኡባይ ጉሞ።
ሳአይነ ሳኣ ቦላን ደእያ ኡባይ የጾ።
8 ሻፋቱ እትፐ ባረንቱ ኩሽያ ባቂኖ።
ቄር ደረቱ መꬍና ጎዳ ስንꬃን እትፐ ናሸቻን የጽኖ።
9 አያዉ ጎፐ፥ እ ሳኣ ቦላን ዳናታናዉ ዬ።
እ ሀ ሳኣ ቦላ ጽሎተꬃን፥
አሳ ቦላካ ሱረተꬃን ዳናታና።