Haneeddabaa Odiyaa Koyro Mas'aafaa
Geluwaa
Haneeddabaa Odiyaa mas'aafatuu, Saammeela mas'aafatuwaaninne Kaatetuwaa mas'aafatuwan s'aafetteedda taariketuwaa dumma ogiyaan omooduwaan de'iyaawanttoo laa"entsiide odiino. Haneeddabaa odiyaa mas'aafatuwan Israa'eeliyaa kaatetuwaa kawutetsaa taarikii laa"u huup'e huup'e shaakuwaan shaakettiide odetteedda.
1. Israa'eelanne Yihudaa kawutetsatuu bayzuwaan kunddeeddawantta giddooppene, S'oossay bare asaw geleedda k'aalaa ubbaa naageeddawaanne Yihudaan de'iyaawanttu baggana bare asaw bare halchcheedda halchchuwaa poleeddawaa bessanaassa. Hawe tuma gidiyaawaa erissanaw, ha mas'aafaa s'aafeeddawee Daawitenne Solomone ootseedda wolk'k'aama wolk'k'aama oosatuwaa, Yoosaafees'e, Hizk'k'iyaasinne Iyoosiyaase asaa de'uwaa ooras's'iseedda ooras's'isuwaanne S'oossaw minniide ammanetteeda asaa hanotaa loytsiide s'eelleedda.
2. Yerusaalamen de'iyaa Geeshsha Golliyaan S'oossaw goynniyaa goynay waaniide doometteeddentto odanaassa. K'ay he wode goynnuwaa wogaa kaaletsiyaawanttu k'eesetuwaa gidiyaa diraw, unttunttu kaaletsiyaa oosuwaa keetsay waaniide doometteeddenttonne k'onc'c'issanaassa. Geeshsha Golliyaa kees's'eeddawe Solomona gidooppenne, Geeshsha Golliyaanne goynnuwaa wogaa koyro esseeddawe Daawita gidiyaawaa odanaassa.
Shemppatuwaa Ubbatoo Imetteedda K'antsa K'ofatuwaa
Addaamappe Kaatiyaa Saa'oola Gakkanaw 1:1—9:44
Saa'oolanne Aa Naanatuwaa Hayk'k'uwaa 10:1-14
Daawite Kaatetussaanne Yerusaalame Oyk'k'ussaa 11:1-9
Waariyaanna De'iyaa Daawita Wotaadaratuwaa 11:10—12:40
K'aalaa C'aak'k'uwaa Taabootay Yerusaalame Buussaa 13:1—16:43
Geeshsha Golliyaa Kees's'iyaawe Solomona Gidussaa 17:1-27
Daawita Olaa S'oonuwaa 18:1—20:8
Daawite Asaa Paydina Yeedda S'oossaa Hank'k'uwaa 21:1-30
Geeshsha Golliyaa Kees's'anaw Haneedda Giiguwaa 22:1—29:20
Solomone Kaatetussaa 29:21-25
Daawita Hayk'k'uwaa 29:26-30
Addaamappe Kaatiyaa Saa'oola Gakkanaw
1
(1:1—9:44)
Addaamappe Biide Abrahaama Gakkanaw De'iyaa Yeletaa
(Dom. 5:1-32; 10:1-32; 11:10-26)
1 Addaame Seeta yeleedda; Seete Heenoosa yeleedda; Heenoosi K'aynaana yeleedda;
2 K'aynaani Malaali'eela yeleedda; Malaali'eeli Yaareedda yeleedda;
3 Yaareed Heenooka yeleedda; Heenooki Maatusaala yeleedda; Maatusaali Laameeka yeleedda;
4 Laameeki Noha yeleedda. Nohe Seema, Kaamanne Yaafeeta yeleedda.
5 Yaafeeta attuma naanay Goomera, Maagooga, Maadaaya, Yaawaana, Tubaala, Meshekanne Tiiraasa.
6 Goomera attuma naanay Ashkkanaaza, Riifaatanne Togarmma.
7 Yaawaana attuma naanay Eliisha, Tarsseesa, Kitiimanne Rooda.
8 Kaama attuma naanay Kuusha, Mis'irayma, Puus'anne Kanaana.
9 Kuusha attuma naanay Saaba, Hawiila, Saabita, Raa'imanne Sabttaka. Raa'ima attuma naanay Saabanne Dadaana.
10 K'ay Kuushi Naamiruuda yeleedda. Naamiruudi sa'aan wolk'k'aama olanchchaa gideedda.
11 Mis'iraymi Ludeta, Anaameta, Lahaabeta, Nafttuuheta,
12 Patiroosata, Kaasiluhetanne Piliss's'eema zeretsaa yeleedda Kafttooreta yeleedda.
13 Kanaane bayira na'aa Sidoonanne Aa teefa Heeta yeleedda;
14 k'ay Kanaane Yaabuusatuwa, Amooretuwaa, Gerggeesetuwaa,
15 Hiiwetuwaa, Ark'k'eta, Siinata,
16 Ariwaadeta, S'amaaretanne Hamaatata yeleedda.
17 Seema attuma naanay Elaama, Asoora, Arifaakisaada, Luuda, Araama, Uus'a, Huula, Geteeranne Mesheka.
18 Arifaakisaadi Shelaaha yeleedda; Shelaahi Eboora yeleedda.
19 Eboori laa"u naanaa yeleedda; ittuu yeletteedda wode sa'ay shaaketteedda diraw, Aa suntsay Peeleega geetetteedda; Aa ishaa suntsay Yok'is'aana.
20 Yok'is'aani Almmodaada, Sheleefa, Has'armmaaweta, Yeraaha,
21 Hadoraama, Uzaala, Diik'ila,
22 Eebaala, Abimaa'eela, Saaba,
23 Ofiira, Hawiilanne Yobaaba yeleedda. Hawanttu ubbatuu Yok'is'aana zeretsaa.
24 Seemappe biide, Abrahaama gakkanaw de'iyaa yeletay hawaappe kaalliide s'aafetteeddawaa: Seema, Arifaakisaada, Shelaaha,
25 Eboora, Peeleega, Raa'a,
26 Saruuga, Naakoora, Taaranne
27 Abrahaama geetettiide s'eesettiyaa Abraama.
Isimaa'eela Yeletaa
(Dom. 25:12-16)
28 Abrahaama attuma naanay Yisaak'anne Isimaa'eela.
29 Unttunttu yeletay hawaappe kaalliide s'aafetteedda.
Isimaa'eela bayiray Nabaayoota; hewaappe simmina K'eedaare, Adibi'eeli, Mibssaami,
30 Mishimaa'i, Duumi, Maasi, Hadaadi, Teemi,
31 Yis'uri, Naafiishinne K'eedimi yeletteeddino. Hawanttu Isimaa'eela naanaa.
32 Abrahaama k'oomatuu K'as'uri attuma naanay Ziimiraana, Yok'ishaana, Madaana, Midiyaama, Yishibaak'anne Shuha. Yok'ishaana attuma naanay Saabanne Dadaana.
33 Midiyaama attuma naanay Eefa, Efeera, Hanooka, Abiidaa'anne Elddaa'a. Hawanttu ubbatuu K'as'uri zeretsaa.
Eesaa Yeletaa
(Dom. 36:1-19)
34 Abrahaame Yisaak'a yeleedda. Yisaak'a attuma naanay Eesaanne Israa'eeliyaa.
35 Eesaa attuma naanay Elifaaza, Ra'u'eela, Yi'uusha, Yaa'ilaamanne K'oraaha.
36 Elifaaza attuma naanay Temaana, Omaara, S'afa, Ga'itaama, K'anaaza, Timinaa'anne Amaaleek'a.
37 Ra'u'eela attuma naanay Nahaata, Zaraaha, Shammanne Miizaa.
Eedooman Koyro De'eedda Asatuwaa
(Dom. 36:20-30)
38 Eedooman koyro de'eedda Se'iira attuma naanay Los'aana, Shobaala, S'ibaa'oona, Aana, Dishoona, Es'eeranne Dishaana.
39 Los'aana attuma naanay Hooranne Homaama; Los'aana michchata Timinaa'o.
40 Shobaala attuma naanay Aaliwaana, Manahaata, Eebaala, Shefanne Oonaama. S'ibaa'oona attuma naanay Aayanne Aana.
41 Aana na'ay Dishoona. Dishoona attuma naanay Hemddaana, Eshibaana, Yitiraananne Karaana.
42 Es'eera attuma naanay Bilihaana, Za'iwaananne Ak'ana. Dishaana attuma naanay Uus'anne Araana.
Eedooma Kaatetuwaa
(Dom. 36:31-43)
43 Israa'eelan ayaa kaatii kawutanappe kase Eedooma biittan kaateteedda kaatetuu hawaappe kaalliide s'aafetteeddawantta.
Ba'oora na'ay Belaa'i kaateteedda; Aa katamaa suntsay Dinaaba.
44 Belaa'i hayk'k'ina, Boos'irappe yeedda Zaraaha na'ay Yobaabi Aa kotan kaateteedda.
45 Yobaabi hayk'k'ina, Temaana gadiyaappe yeedda Hushaami Aa kotan kaateteedda.
46 Hushaami hayk'k'ina, Moo'aabe gadiyaan Midiyaamatuwaa s'ooneedda Badaada na'aa Hadaadi Aa kotan kaateteedda; Aa katamaa suntsay Awiita.
47 Hadaadi hayk'k'ina, Maasireek'appe yeedda Saamili Aa kotan kaateteedda.
48 Saamili hayk'k'ina, shaafaa matan de'iyaa Rahobootappe yeedda Shaa'uli Aa kotan kaateteedda.
49 Shaa'uli hayk'k'ina, Akiboora na'ay Ba'aalihanaani Aa kotan kaateteedda.
50 Ba'aalihanaani hayk'k'ina, Hadaadi Aa kotan kaateteedda; Aa katamaa suntsay Paa'a. Aa machata Mezaahaaba naatti Maas'ireedi naatto Mahes'aabi'eelo.
51 Hewaappe guyyiyaan, Hadaadi hayk'k'eedda. Eedooma zaratuwaa kaappatuu hawantta: Timinaa'a, Aliwa, Yeteeta,
52 Oholiibaama, Eelah, Piinoona,
53 K'anaaza, Temaana, Mibs's'aara,
54 Maagidi'eelanne Iraama. Hawanttu Eedooma kaappatuwaa.