8
Biiniyaama Yeletaa
1 Biiniyaama na'ay bayiray Belaa'a; teefay Ashibeela; heezzentsuu Ahiraaha;
2 oyddentsuu Noha; ichcheshentsu Raafa.
3 Belaa'a attuma naanay Adaara, Geera, Abihuuda,
4 Abishuu'a, Naa'imaana, Ahooha,
5 Geera, Shafufaamanne Huraama.
6-7 Ehuuda attuma naanay Naa'imaana, Akiiyanne Geera. Unttunttu Gebaa'an de'eedda barenttu aawotuwaa soy asaa kaappatuwaa. Hewaappe guyyiyaan, unttunttu Manahaata gadiyaa omoodetti beeddino. Unttunttu kaappuu Geeri Uuzanne Ahihuuda aawuwaa.
8 Shaharaami bare machatuwaa Hushiimonne Baa'iro yeddeeddawaappe guyyiyaan, Moo'aabe gadiyaan attuma naanaa yeleedda.
9 Shaharaami bare machati Hodeeshin Yobaaba, S'iibiyaa, Meesha, Malkkaama,
10 Ya'uus'a, Saakiyaanne Mirmma yeleedda. Aa naanay ubbay soy asaa kaappatuwaa gideeddino.
11 I bare machati Hushiimin, Ahis'uubanne Elppa'aala yeleedda.
12 Elppa'aala attuma naanay Ebeera, Misha'aamanne Shemeda. Shemedi Oonanne Looda katamatuwaanne unttunttu heeraan de'iyaa mootsatuwaa kees's'eedda.
13 K'ay Shaharaami Barii'anne Shemaa'a yeleedda. Unttunttu Ayaaloona kataman de'iyaa barenttu soy asaa kaappatuwaa. Unttunttu Gaate kataman de'iyaa asaa yedersseeddino.
14 K'aykka Shaharaami Ahiyaa, Shaashak'a, Yiremoota yeleedda.
15 Zabaade, Araadi, Edeeri,
16 Mikaa'eeli, Yishppinne Yoohi Barii'a attuma naanaa.
17 Zabaade, Mashulaami, Hizk'k'i, Hebeeri,
18 Yishimaraayi, Yuzilii'inne Yobaabi Elppa'aala attuma naanaa.
19 Yaak'iimi, Ziikiri, Zabddi,
20 Eli'enaayi, S'ilttaayi, Eli'eeli,
21 Adaayi, Baraayinne Shiimiraati Shim"a attuma naanaa.
22 Yishp'p'aani, Ebeeri, Eli'eeli,
23 Abddooni, Ziikiri, Hanaani,
24 Hanaaniyaa, Elaami, Anttootii,
25 Yifidaaynne Panu'eeli Shaashak'a attuma naanaa.
26 Shaamisharaayi, Shahaari, Ataalii,
27 Yaa'ireeshii, Eelaasinne Ziikiri Yirohaama attuma naanaa.
28 Hawanttu barenttu yeletaan Yerusaalamen utteedda barenttu soy asaa kaappatuwaa.
Kaatiyaa Saa'oola Yeletaa
(9:35-44)
29 Gabaa'oona aawuu Yi'i'eeli Gabaa'oona kataman de'eedda. Aa machchatti suntsay Maa'iko.
30 Aa na'ay bayiray Abddoona; Aa attuma naanay haratuu S'uura, K'iisa, Ba'aala, Nadaaba,
31 Gadoora, Ahiyaa, Zekeranne
32 Mik'iloota. Mik'ilooti Shim"a yeleedda. Hawanttu k'ay Yerusaalamen de'iyaa barenttu dabbattuu matan de'eeddino.
33 Neeri K'iisa yeleedda; K'iisi Saa'oola yeleedda. Saa'ooli Yoonataana, Malkkishuu'a, Abinaadaabanne Eshiba'aala yeleedda.
34 Yoonataana na'ay Mariiba'aala; Mariiba'aali Mikiyaasa yeleedda.
35 Mikiyaasa attuma naanay Pittoona, Meleka, Taree'anne Akaaza.
36 Akaazi Yaho'aada yeleedda. Yaho'aad Alemeeta, Azimaaweetuwaanne Zimira yeleedda. Zimiri Moos'a yeleedda;
37 Moos'i Biini'a yeleedda; Biini'i Raafa yeleedda; Raafi El"aasa yeleedda; El"aasi As'eela yeleedda.
38 As'eelaw usuppun attuma naanay de'iino. Unttunttu suntsay Azirik'aama, Bookera, Isimaa'eela, Sha'aariyaa, Obaadiyaanne Hanaana; hawanttu ubbay As'eela naanaa.
39 As'eela ishaa Esheek'aw heezzu naanay de'iino. Aa na'ay bayiray Ulaama; teefay Yi'uusha; heezzentsuu Elifelees'a.
40 Ulaama naanay wolk'k'aamanne s'ala asatuwaa; unttunttu wonddaafiyaa asatuwaa. Ulaamaw s'eetanne ishatamuwaa gidiyaa naanaynne naanaa naanay de'iino.
Hawanttu ubbatuu Biiniyaama zeretsaa.