121
Na go sigefɔ wo wi yɛn
Yawe Yɛnŋɛlɛ le
1 Tangala yurugo mbe kari wa Zheruzalɛmu ca.
Mìlan yɛgɛ ki yirige ma wele wa yanwira ti kɛɛ yeri,
na sagawa pi yaa yiri se yeri?
2 Na sagawa pa pi yaa yiri wa Yawe Yɛnŋɛlɛ li yeri,
lo na lì naayeri wo naa tara ti da.
3 Li se ti ma tɔlɔgɔ ki wɔnri.
Ŋa wi yɛn nɔɔ go singi wi se wɔnlɔ.
4 Ye wele, Izirayɛli woolo pe go sigefɔ wila wɔnlɔ mbe tigi,
wila si wɔnlɔ.
5 Yawe Yɛnŋɛlɛ lo li yɛn nɔɔ go singi,
Yawe Yɛnŋɛlɛ li yɛn yinmɛ ma go na nɔɔ go singi, ma pye le ma tanla.
6 Yɔnlɔ na, yɔnlɔ ki sɔɔn ya,
yesogo ki se sɔɔn jɔlɔ yembinɛ.
7 Yawe Yɛnŋɛlɛ li yaa lɔɔn go singi kapege ki ni fuun ki na,
li yaa lɔɔn yinwege ki go singi.
8 Ma karisaga naa ma sɔngɔrɔsaga, Yawe Yɛnŋɛlɛ li yaa lɔɔn go singi,
mbege lɛ yiŋgɔ fɔ sanga pyew!