10
Be̱b-u̱r Mo̱rdekai
1 Faru̱k Zarake̱s wu̱' na to̱p shik-u̱ tar u̱-me̱ gas-su̱ wa o̱tte̱ u-be̱e̱t, tu̱msu̱ m-ha i o̱ shu̱'u̱t u̱ dak-tu̱ o̱o̱ge̱ u̱-te̱k m-sa e̱ top shik-u̱ tar ko̱'e̱.
2 A-u̱s-ge̱n Faru̱k panu̱g no̱m-u̱t yat-to̱ tu̱ Faru̱k no̱me̱ u̱ da-u̱ wa o̱o̱ge̱ u̱r-faru̱k. Tu̱msu̱ e̱ pu̱n tat-u̱ re̱ u-shu̱ Modekai u̱ka wa shu̱'u̱te̱ remu̱ zu̱ Faru̱k yaag wa m-sek. A-u̱s-ge̱n ne̱ pu̱n no̱m-u̱t to̱ u̱t-be̱e̱t u̱-me̱ u̱t-ran u̱ mo̱ttu̱ no̱mu̱ Faru̱k-tu̱ Midiya u̱ Pasiya ne̱ no̱me̱.
3 Modekai ne̱t-u̱ Yahuda, wa o̱o̱ge̱ wu̱ do̱rne̱ Faru̱k Zarake̱s u̱r-be̱b. U̱-me̱ ne̱t-tu̱ Yahuda-ne̱ u̱n yu̱' wa m-ze̱g. Modekai shu̱'u̱t ne̱t-u̱ yat-wa u̱-me̱ Yahuda-ne̱, rem u̱zu̱ wu̱n no̱ng m-ank u̱ remu̱ ho̱g-du̱ u̱r-zwar du̱ ne̱t-u̱t wu̱n tu̱msu̱ wu̱n nom u̱s-rem u̱ remu̱ shu̱'u̱t-du̱ m-yar u̱ Yahuda-ne̱ be̱e̱t.