123
A ninge utano hinahaan uram Ierusalem.
1 Iau raun ira matagu ukatiga ho ugu,
ukaia ho ugu ing no num kinkinis na harkurai i kis aram ra mawe.
2 Hoing ira mata diet ira tultulai diet la nesnes tar no limana no udiet tamat wara gaiena harharahut,
ma hoing ira matana no tultulai na hahin i la nesnes tar no limana no uno tamat wara gaiena harharahut mah,
huo mah ira mata dahat na nanaas taar uram tano Watong no udahat God,
tuk na haminas no uno harmarsai taar ta dahat.
3 Marse mehet, Watong, marse mehet,
kanong di te manga ubal mehet ma ira sakana kukutur.
4 Ira watong ing taie ta tinirih ta ira udiet nilon, diet te manga ubal ira numehet nilon ma ira nianga na hinasakit,
ma ira ut na latlaat diet te manga ubal mehet ma ira udiet sakana kukutur.