21
A nianga tupas no tunotuno nong i kure ira ut na ninge: Devit ga pit iakan ra ninge.
1 Watong, no king i guama tano num dadas.
I manga tamat no uno gungunuama ing u harahut ie wara papaas hasur ira uno ebar.
2 U te bale tar tana no masmasingan tano kaatine,
ma pau mus bat no sinasaring ta ira palabuluno.
3 U te haatne leh ie ma ra haraidaan na bilai na linge,
ma u te bul tiga balaparik na lualua di gil ma ra gol tano uluno.
4 Ga saring ugu bia na lon, ma u ga tar nilon tana,
a nilon hathatika nong pa na pataam.
5 No minamarine no king i manga tamat kanong u la harharahut ie wara bulbul hasur ira uno ebar.
U te hatamat no hinsana ma u te hasigam ie ma no melmel na minarine.
6 Tutun saakit, u te bale tar tana ira haraidaan ing pa na pataam.
Ma i hung ma ra gungunuama kanong u kis tika mei.
7 Kanong warah, no king i so tar no uno nurnuruan tano Watong.
Pa na gunagune kanong no harmarsai ta Nong i Naliu Harsakit pa na pataam.
8 No limaam na palim kawase ira num ebar bakut.
No dadas na kata na limaam na palim kawase ira am suk.
9 Tano pakana bung nu harapuasa,
nu halo diet hoing ra iaah i manga mamahien.
Tano uno nginangar no Watong na kanam diet,
ma no uno iaah na ien diet.
10 Nu gil haliare ira udiet bulumur sukun no ula hanuo,
ma na taie ta nati diet nalamin ta ira tunotuno.
11 A linge bia be diet pingpingit sakena utaam
ma ira udiet lilik kumkumaan,
iesen diet pa na petlaar tiga linge.
12 Kanong warah, nu gil diet be diet na talingaan tapukus
ing nu tulus diet ma no num laplapot.
13 Watong, da raun haut ugu uram naliu saakit kanong augu, u dadas.
Het na inge ma het na pirlat no num baso.