65
ዳዊቲ ዛማሬታ ካቦስ ዬጺዳ ማዛሙሬ
1 ኣቤት ጾሳዉ!
ጺዮኔን ኔስ ጋላታይ ቤሴስ፤
ኑኒ ኔስ ኣዲኔቲዳይሳ
ጋꬃና።
2 ኣቤት ዎሳ ሲዪዛይሶ!
ኣሳይ ኡባይ ኔኮ ያና።
3 ኑ ናጋራይ ኑና ሚቲዴስ፤
ኔኒ ጊዲኮ ኑ ባላ
ኣቶ ጋ ዉርሳዳሳ።
4 ኔኒ ዶሪዳዴይኔ
ኔናራ ዳና ማላ
ኔ ዱቡሻኮ ሺሻ
ኤኪዳዴይ ኣንጄቲዳዴ፤
ኔ ጌሻሶዛፔኔ
ኔ ዱንካኔ ኣንጆዛፔ
ኑ ካላና።
5 ኣቤት ኑና ኣሺዛ ጾሳዉ
ኔ ጺሎ ኦሶን ማላሊሲዛ ሚሽ
ኑስ ኦꬃ፤
ሳኣ ጋጻፔ ጋጻ ጋካናስ፥
ሃሆ ኣባታፔካ
ሄ ፒንꬃን ዲዛ
ኣሳ ኡባስ ሂዶታይ ኔና።
6 ኔኒ ኔ ዎልቃ ጊጼታዳሳ፤
ዙማታካ ኔ ሚንꬃ ኤሳዳሳ።
7 ኔኒ ኣባ ጊሪሳኔ
ዳምባላ ጉንꬃ
ሲርጲ ኦꬃሳ፤
ቃሴ ዴሬይ
ዴንዲዛ ዴንꬃ ኢርጺሳሳ።
8 ሄሳꬆ ኔኒ ኦꬂዳ
ማላታ ጊሻስ፥
ሳኣ ጋጻ ጋካናስ
ዴኢዛ ኣሳይ
ኡባይ ኔስ፥
«ሆላ!» ጌስ።
ኣርሼይ ሞኪዛሶፔ
ዉሊዛሶ ጋካናስ
ዲዛ ኣሳ ኡባ ኡፋይሳን
ኢሊሊ ጊሳዳሳ።
9 ኔኒ ቢታ ናጋዳ ሃꬅ ኡሻሳ፤
ሂስታዳ ዳሮ ዱሬሳሳ፤
ኣሳስ ካꬃይ ሞካና ማላ
ጾሳ ሻፋይ
ሃꬃን ኩሚዴስ፤
ሄሳꬆ ኦꬃዳ
ኔኒ ጊጊሳዳሳ።
10 ጎሻ ጋዴታስ ጊዲዛ
ኢራ ኢማሳ፤
ጳሼታ ሊቂሳሳ፤
ቢታካ ፑሴ ኢራን ሹጊሳሳ፤
ጫሬቻቲ ዶሊ
ዲጫና ማላ ኣንጃሳ።
11 ላይꬃ ካሎ ላይꬅ ኦꬃሳ፤
ኔኒ ኣꬊዳሶ ኡባይ
ካꬅ ጻላ ጊዴስ።
12 ሜሄ ሄሚዛሶሆን
ጪሊላ ማታይ ኩሚዴስ፤
ዙምቡላቲ ኡፋይሳን ኩሚዳ።
13 ዴምባታን ዉዴ ሜሄይ ኩሚዴስ፤
ሾባታን ካꬂ ኩሚዴስ፤
ኡባቲካ ኡፋይሳን
ኢሊሊሼ ዬጼቴስ።