7
1 Gimbaa oosoy oosetti giigides; penge sanqqati ba dizason dizason gelida; Xoossa Keeththa naagiza zabetas, mazamure yexxizaytassinne Lewe baggatas istta gisha gisha oosoy imettides.
2 Tanikka Yerusalaame katama ayssana mala ta isha Hanaanenne miixa naagiza Hanaaniya doora woththadis; xilloteththaninne Xoossas yashshateththan Hanaaniyay malay deenna.
3 Ta isttas Yerusalaame gimbe pengeti xalqqey kezana gakkanaas doyettontta malanne arshey wulliza wode zabeti baso baanaappe sinththan gimbaa pengeta lo7eththi gordana mala azazadis; qasseka Yerusalaamen diza asaa giddofe naagiza zabeta derey dooridi woththana mala isttafe baggayta issi issi heeras alaafe ooththi woththana malanne hankko attidayta bantta keeththa karen naagana mala yootadis.
Di7eteththafe Simmida Asata Sunth
4 Yerusalaamey aahonne gita katama; gido attiin izin diza asaa qooday guuth gidida gishshas daro keeththati buro keexettibeettenna.
5 Xoossay dereza, deraa ayssizaytanne shuumeta ta shiishshada istta yeleta zarkkey waani waani xaafettidaakko ta xeellana mala tana qofsides; hessa gishshas kase di7eteththafe simmida asata mazgaba demmadis; ta demmida mazgabay hayssafe kaallizayssa;
6 Baabiloone kawo Nabukadanaxoorey di7idi ba dere efida asatappe guye ba katama katama Yerusalaamenne Yuhuda simmida asati hayssafe kaallizayta;
7 Istti simmishin istta kaaleththi ehida asati Zerubaabele, Iyaaso, Nahimiya, Azaariyaasa, Eraa7ime, Nahome, Mardikiyoosa, Balshaane, Misifaare, Biguwaye, Nuhumenne Ba7aana.
8 Di7eteththafe simmida Isra7eele asaa zarkkefe xaafettida zereththata qooday hayssafe kaallizayssa; Paaroose zereththafe 2,172;
9 Shafaaxiya zereththafe 372;
10 Arahe zereththafe 652;
11 Iyaasoppenne Iyo7aabe zereth gidida Pahaate-Mo7aabe zereththati 2,818.
12 Elaame zereththafe 1,254;
13 Zaato zereththafe 845;
14 Zakkaye zereththafe 760;
15 Binuwe zereththafe 648;
16 Bebaye zereththafe 628;
17 Azgaade zereththafe 2,322;
18 Adonqaame zereththafe 667;
19 Biguwaye zereththafe 2,067;
20 Adiine zereththafe 655;
21 Hizqiyaasa geetetti xeygettiza Axare zereththafe 98;
22 Hashume zereththafe 328;
23 Bessaye zereththafe 324;
24 Harpe zereththafe 102;
25 Geba7oone zereththafe 95;
26 Kase istta aawati hayssafe kaalliza katamatan dizayti di7eteththafe simmida; Beeteliheemepenne Naxoofe dere asatappe 188;
27 Anatoote dere asatappe 128;
28 Beeti-Azimoote dere asatappe 42;
29 Qiriyaate-Yi7aarime, Kaafirenne Bi7eroote dere asatappe 743;
30 Eraamappenne Geeba dere asatappe 621;
31 Makimaase dere asatappe 122;
32 Beeteleppenne Aye dere asatappe 123
33 Nebo geetettiza nam7anththo deren diza asatappe 52;
34 Elaame geetettiza nam7anththo deren diza asatappe 1,254;
35 Harime dere asatappe 320;
36 Iyarkko dere asatappe 345,
37 Looda, Hadideninne Oonno dere asatappe 721;
38 Sana7a dere asatappe 3,930.
39 Di7eteththafe simmida qeeseta zereththati hayssafe kaalli dizayta; Iyaaso zereth gidida Yaddaya zereththafe 973,
40 Imere zereththafe 1,052,
41 Pashkure zereththafe 1,247,
42 Harime zereththafe 1,017.
43 Di7eteththafe simmida Lewe zereththati hayssafe kaalli dizayta; Hoddaye zereth gidida Iyaasoppenne Qadim7eele zereththafe 704.
44 Di7eteththafe simmida mazamure yexxizayti hayssafe kaalli dizayta; Aasaafe zereththatappe 148.
45 Di7eteththafe simmida Xoossa Keeththa penge naagiza zabeta zereththati hayssafe kaalli dizayta; Xalmoone, Axare, Shaloome, Aqube, Haxixenne Shobbaye zereththatappe 138.
46 Di7eteththafe simmida Xoossa Keeththa oosanchchata zereththati hayssafe kaalli dizayta; Xiha, Hasupha, Xaba7oote,
47 Qiroose, Si7a, Padoone,
48 Lebana, Hagabe, Shammilaye,
49 Hanaane, Giddele, Gahare,
50 Era7aye, Eraasoone, Neqoda,
51 Gaazaame, Ooza, Fasahe,
52 Bessaye, Ma7uune, Nafashisime,
53 Baqibuqe, Haqufa, Harihure,
54 Baxilte, Mahida, Harsha,
55 Barqoosa, Sisaara, Temahe,
56 Nexiha, Haxifa.
57 Di7eteththafe simmida Solomoone oosanchchata zereththati hayssafe kaalli dizayta; Sooxaye, Sofereete, Perida,
58 Ya7ila, Darqoone, Giddele,
59 Shafaaxiya, Haxila, Pokereete-Haxebaamenne Amoone.
60 Di7eteththafe simmida Xoossa Keeththa oosanchchata qoodaynne Solomoone oosanchchata qooday issi bolla 392.
61-62 Teli-Meela, Teli-Harsha, Kirube, Adoonenne Imere geetettiza gaxare katamatappe simmidayti Dallaya, Xoobbiyanne Neqoda zereththata qooday issi bolla 642; gido attiin heyti ubbay Isra7eele zereth gididayssa erisanaas dandayza miishshi deenna.
63-64 Hayssafe kaalli diza qeeseta zereththati kase ba aawata zereththa zarkke shaakki erisanaas dandaybeettenna; isttika Habaye, Haqoxe, Barzile; qeeseta bagga gidida Barzileyes kase aaway Gala7aade deren yelettida Barzile zereththafe issi maccassayo ekkida gishshas ba machchey aawa qommo sunththan xeygettana dandaydes. Kase ba aawata yeleta zarkke shaakki erisanaas dandayontta aggida gishshas geeyontta asa mala qoodettidi qeeseteththan ooththanaas dandaybeettenna.
65 Hessa gishshas Yuhuda dere ayssizaadey urimeninne tumimen Xoossas ooththiza qeesey dendana gakkanaas Xoossas shiiqiza yarshofe, kaththaafe oonikka maanaas dandayonttayssa isttas yootides.
66 Di7eteththafe simmida asaa kumeththaa qooday issi bolla 42,360
67 qasseka istta oosanchchata, maccassatanne attumasata qooday 7,337 qasse mazamure yexxiza maccassatinne attumasata qooday issi bolla 245
68 Parati 736, baquloti 245
69 gaamellati 435, hareti 6,720.
70 Issi issi keeththa aawati Xoossa Keeththa oosos imota shiishshida; istta giddofe dereza ayssizayssi geeddaran 8 kilonne bagga gidiza worqqa, 50 guuqa saane, 530 qeeseta may7o immides.
71 Keeththa aawatikka geeddaran 168 kilo gidiza worqqanne 1,250 kilo gidiza bira immida.
72 Attida asati 168 kilo gidiza worqqa 1,100 kilo gidiza biranne 67 qeeseta may7otakka immida.
73 Qeeseti, Leweti, Xoossa Keeththa gibbe naagiza zabeti, mazamure yexxizayti deraappe dariza baggaynne Xoossa Keeththan ooththizayti ubbay issi bolla Isra7eele dere asay ba kataman kataman geli de7ides.