22
40 Bala yana Giŋ Wayaptja rakunydhinana, bala yana nhanŋu gäthu'mirriŋuna dharapullilinydja wapthurruna Wayatjaya yana, ŋayina yurru Giŋ yukurra nhina Yitjuralpuyŋuwunydja.
Ḻakarama yukurra buŋgawawalaŋuwuy maṉḏakalaŋuwuy Djutjapatkalaŋuwuy ga Wayatjayawalaŋuwuy
22:41–53 (Telling about King Jehoshaphat and King Ahaziah)
41-50 Ŋunhala Djudanydja wäŋaŋura mukthurrunaŋga yana yukurrana ŋayi Giŋ Djutjapattja nhinanaŋga walalaŋgu Djudapuyŋuwunydja buŋgawa. Ŋayi yukurranha ŋuli djämanydja ŋamathanha ŋunhi nhä manymak, ga malthuna ŋayi yukurranha ŋuli Godku dhärukku, ga buku‐ŋal'yuna nhanŋuway yana waŋganygu Garraywu, bitjana yana liŋgu bitjana ŋuli nhanŋu bäpa'mirriŋu Watja. Yurru yaka warray ŋayi ḏaw'‐ḏawyurruna ŋunhinydja malanha goŋbuynhanydja waŋarrnha walalanha; mukthurruna yana wiripu‐guḻkuny'tja yolŋu walala yukurrana buku‐ŋal'yurruna ŋuriki wiripu‐guḻku'wunydja waŋarrwu walalaŋgu.
Yo, Djutjapattja nhinana yukurrana giŋdja ŋayi ŋunhala Djurutjalamdja 25 dhuŋgarranydja ŋupara, bala yana ŋayi rakunydhinana, bala nhanŋu gäthu'mirriŋuna Djiyuramnha wapthurruna dharapullilinydja nhanukala, ga ŋayina yukurra yurru nhina Giŋ Djudapuyŋuwunydja.
51-53 Ga ŋulinyaramirriyu liŋgu waluyu Wayatjayanydja Wayapku walkurnha, ŋayinydja giŋdhina walalaŋgu Yitjuralpuyŋuwuna, yurru ŋayinydja wirrkina yätj wal'ŋu djäma, yätjnha mirithirrina wal'ŋu, liŋgu malthuna ŋayi ŋuli yukurranha romgu bäpa'mirriŋuwu nhanukiyingalaŋuwu yana Wayapku, ga Djitjapilwu ŋäṉḏi'mirriŋuwu, ŋunhi maṉḏa yukurranha ŋuli mel‐warryuna Yitjuralpuyŋunha ŋunhimala yätjlili. Yo, Wayatjayanydja buku‐ŋal'yuna ŋuli yukurranha ŋuriki goŋbuywu waŋarrwu Bälwu, bitjana liŋgu bitjan nhanŋu bäpa'mirriŋu, ga Garraynydja nhanŋu wirrkina maḏakarritjthina.