Ga ŋulinyaramirriyunydja waluyu giŋdja yukurrana nhinana *Djudapuyŋuwunydja malawu ga †Djiyuramnha yäku, yurru ŋayi miyalkthunydja märraŋala ‡Wayapku gäthu'mirriŋunha, bala yana ŋayi yukurrana djämanydja mirithirrina yätjnha romdja malanha, bitjarra yana liŋgu bitjarra Wayap ŋunhi yätj wal'ŋu giŋ §Yitjuralpuyŋu yukurrana nhinana. Yurru Garrayyunydja yaka warray bumara dhawar'maraŋala Djudapuyŋunhanydja miṯtjinha, liŋgu ŋayi dhawu'‐nherraṉmina ŋunhala *Daypitkala, ŋunhi yurru waŋgany Daypitkala yarraṯaŋuru bitjanna liŋguna yukurra yurru nhinana yana ŋurruŋuna wal'ŋu Djudapuyŋuwu. Yurru ŋuriŋinydjayi giŋdhu Djiyuramdhunydja yäkuyu yätjnha mirithirrina djäma yukurrana, ga yindina marinydja yukurrana marrtjina ŋulinyaramirriyunydja waluyu, ŋunhi ŋayi yukurrana nhinana giŋ. Ŋayinydja yukurrana nhinana buŋgawa 8 dhuŋgarra ŋupara, bala yana ŋayi rakunydhinana, bala nhanŋu gäthu'mirriŋuna nhanukalanydja dharapullili wapthurruna yäku †Wayatjayana.

Ga ŋayinydja Wayatjayanydja balanyara yana liŋgu bitjan nhanŋu bäpa'mirriŋu yätj yana.