11
የሩሳላመን ደእያ አሳ
1 አሳ ካለይሳት የሩሳላመን ደእዶሶና። ሀንኮ አሳይ ታማፈ እሶይ ጌሻ ካታማን የሩሳላመን ደአና መላ ሳማ የግድ ዶርዶሶና። ሽን ሀራ ኡዱፉን ኩሸ አሳይ ባንታ ካታማን ካታማን ደእዶሶና።
2 ባ ሸነን የሩሳላመን ደአናዉ ዶስዳ አሳ ኡባ አሳይ አንጅዶሶና።
3 ሀራ ካታማታን ደእያ እስራኤለ አሳይ፥ ካህነት፥ ሌወት፥ ፆሳ ኬꬃ ኦሳንቾት፥ ሶሎሞነ አይለታ ሼሻት ኡባይ ባንታ ካታማን ካታማን ደእያ ጋድያ ኦይክድ ደእዶሶና። ሀይሳፈ ካልድ ፃፈትዳይሳት፥ የሩሳላመን ደአናዉ ይዳ ቢታ ሹማታ፤
4 ይሁዳ ኮቻፈ ይዳ አሳይ ፓረሳ ያራ ግድዳ አታያነ ሴላ ያራ ግድዳ ማእሰያ። አታይ ኦዝያና ናአ፤ ኦዝያን ዛካርያሳ ናአ፤ ዛካርያስ አማረ ናአ፤ አማረይ ሳፋፃ ናአ፤ ሳፋፅ ማላልኤላ ናአ።
5 ማእሰይ ባሮካ ናአ፤ ባሮክ ኮልሆዛ ናአ፤ ኮልሆዝ ኦዛ ናአ፤ ኦዝ አዳያ ናአ፤ አዳይ ዮያርባ ናአ፤ ዮያርብ ዛካርያሳ ናአ። ሀይሳቲ ሴላ ኮቻታ።
6 ፓረሳ ያራፐ ዎልቃማ ግድዳ 468 አሳት የሩሳላመን ደእዶሶና።
7-8 ብንያመ ኮቻፈ ይዳ አሳይ ሳላ፥ ጋባያነ ሳላያ። ሳሉ ማሱላማ ናአ፤ ማሱላም ዮኤዳ ናአ፤ ዮኤድ ፓዳያ ናአ፤ ፓዳየይ ቆላያ ናአ፤ ቆላይ ማእሰያ ናአ፤ ማእሰይ እትኤላ ናአ፤ እትኤል የሻያ ናአ። ብንያመ ዛርያፐ 928 አሳይ የሩሳላመን ደእዶሶና።
9 ዝክራ ናአይ እዩኤል ኤንታ ሀላቃ፤ ቃስ ሀሳኑአ ናአይ ይሁድ ካታማን ናምአንꬆ ሀላቃ።
10 ካህነታፐ ይዳ አሳይ ዮያርባ ናኣ ያዳያ፥ ያክና ናኣ፤
11 ሳራያ፤ ሳራይ ክልቅያ ናአ፤ ክልቀይ ማሱላማ ናአ፤ ማሱላም ሳዶቃ ናአ፤ ሳዶቅ ማራዮታ ናአ፤ ማራዮት ፆሳ ኬꬃ ሀላቃ ግድዳ አህፁባ ናአ።
12 ኤንታራ እስፈ ፆሳ ኬꬃን ኦꬅያ ኦሳንቾት ኩመꬅ 822. አዳይ ይሮሃማ ናአ፤ ይሮሃም ፓላላ ናአ፥ ፓላል አሞፀ ናአ፤ አሞፀይ ዛካርያሳ ናአ፤ ዛካርያስ ፓስኮራ ናአ፤ ፓስኮራ ማልክያ ናአ።
13 አዳያራ እስፈ ደእያ አሳይነ ኤንታ ሶ አሳ ሀላቃት ኩመꬅ 242. አማሳሳይ አዛርኤላ ናአ፤ አዛርኤል አህዛያ ናአ፤ አህዛይ ማሽልሞታ ናአ፤ ማሽልሞት እመራ ናአ።
14 አማሳያራ እስፈ ደእያ ኦላንቾት ኩምꬅ 128. ሀግዶልማ ናአይ ዛብድኤል ካህነታ አይሰይሳ።
15 ሌወታፐ ይዳ አሳይ ሻማያ፤ ሻማየይ ሀሹባ ናአ፤ ሀሹብ አዝርቃማ ናአ፤ አዝርቃም ሀሳባያ ናአ፤ ሀሻበይ ቡና ናአ።
16 ሌወት ሳባትነ ዮዛባታ ፆሳ ኬꬃፈ ካረራ ኦሰትያ ኦሱዋስ ሀላቃ።
17 ማታን ምካ ናአ፤ ምክ ዛብዳ ናአ፤ ዛብድ ጋላታ ዎሳ ካለꬅያ አሳፋ ናአ፤ አሳፍ እያ ናምአንꬆ ሀላቃ ግድዳ ባቅቡቃ ናአ፤ ባቅቡቅ ሳሙሳ ናአ፤ ሳሙስ ጋላላ ናአ፤ ጋላል የዱቱና ናአ።
18 ሌወታፐ 284 አሳይ ጌሻ ካታማን የሩሳላመን ደእዶሶና።
19 ፐንግያ ናገይሳታፐ፥ አቁባ፥ ታልሞናነ ኤንታራ እስፈ ኦꬅያ ኦሳንቾታ ታይቦይ 172.
20 አትዳ ካህነት፥ ሌወትነ እስራኤለ አሳ ኡባይ ባንታ ላታ ቢታን ይሁዳ ካታማታን ደእዶሶና።
21 ሽን ፆሳ ኬꬃ ኦሳንቾት የሩሳላመ ካታማን ደእያ ኦፌላ ደርያ ቦላ ደእዶሶና። ስሀነ ግሽፓ ጌተትያ ናምኡ አሳት ኤንታ ሀላቃታ።
22 የሩሳላመን ደእያ ሌወታ ሀላቃይ ኦዛ። ኦዝ ባና ናአ፤ ባን ሀሳባያ ናአ፤ ሀሻበይ ማታና ናአ፤ ማታን ምካ ናአ። ኦዝ ፆሳ ኬꬃ ዛማረታ ሀላቃ ግድዳ አሳፋ ናአ።
23 ዛማረት ጋላስ ጋላስ የፃና ማዝሙርያ ካዎይ ኤንታ ኪቴስ።
24 ይሁዳ ናኣ ዛራሀ ያራፐ የለትዳ ማሰዛቤላ ናኣ ፓታሀ እስራኤለ አሳስ ዶና ግድድ፥ ካዋ ማታን ደኤስ።
25 ይሁዳ አሳፐ ጉꬃት ጎሻ ጋደታንነ ጉታታን፥ ቅርያት-አርባንነ እያ ጉታታን፥ ድቦናንነ እያ ጉታታን፥ ያቃብፅኤላንነ እያ ጉታታን ደእዶሶና።
26 ቃስ እያሱን፥ ሞላዳን፥ ቤት-ጳለፃን፥
27 ሀፃር-ሹኣላንነ እያ ጉታታን፥ በርሳበንነ እያ ጉታታን፥
28 ፅቅላጋን፥ ማኮናንነ ኤንታ ጉታታን፥
29 ኤንርሞናን፥ ፆርአንነ ያርሙታን፥
30 ዛኖሀን፥ አዱላማንነ ኤንታ ጉታታን፥ ላክሶንነ እያ ሄራን ደእያ ጎሻ ጋድያን፥ አዜቃንነ እያ ጉታታን ደእዶሶና። ሄሳዳ ሀንድ ይሁዳ አሳይ በርሳበፐ ብድ ህኖማ ዛንጋራ ጋካናዉ ደእያ በሳን ደእዶሶና።
31 ብንያመ ኮቻት ግብአን፥ ምክማሳን፥ አያን፥ ቤተለንነ ኤንታ ጉታታን፥
32 አናቶታን፥ ኖባን፥ አናንያን፥
33 ሀፆራን፥ ራማን፥ ግታማን፥
34 ሀድዳን፥ ፃቦእማን፥ ናባላፃን
35 ሎዳን፥ ኦኖንነ ኩሸ ሂላታ ዛንጋራ ጌተትያ በሳን ደእዶሶና።
36 ይሁዳን ደእዳ ሌወታፐ ባጋት ብንያመ አሳራ ዳናዳ ኦሰትዶሶና።