6
ኡንአ ዎደ ዎሳ
ዛማረታ ሀላቃስ ፃፈትዳ ዳዊታ ማዝሙረ
ሆስፑን ሻያን የፀትያ ማዝሙረ
አቤት ጎዳዉ፥ ነ ይሉዋን ታና ሴሮፓ፤
ነ ሸንያን ታና ሀንቆፋ።
አቤት ጎዳዉ፥ ታኒ ዳቡራንቾ ግድዳ ግሾ ታና ማራ፤
አቤት ጎዳዉ፥ ታ ዎዛናይ አርጋጭዳ ግሾ ታና ምንꬃ።
ታ ሸምፕያ ዳሮ ኡንኤታሱ፤
ታና ማዳናዉ አዉደ ጋካናዉ ጋምአይ?
አቤት ጎዳዉ፥ ኔኒ ስማዳ ታና አሻ፤
ነ ኬሀተꬃ ዳሩዋን ታና ከሳ ኤካ።
ሀይቅዳ አሳ ግዶፈ ነና ሀሳየይ ባዋ፤
ዱፎን ግድድ ነና ጋላተይ ኦኔ?
ታኒ ኦለን ዳቡራስ፤
ቃማ ኩመꬅ ዬካሸ ታ ሂፃ እርፅሳስ፤
ታ አርሳ አፉꬃን ዎቅሳስ።
ታ ሞርከታ ጋሶን ታ አይፈይ ሙልጫትስ፤
ታኒ አፉፅዳ ግሾ ደሞና እፅስ።
ጎዳይ ታ ዬሁዋ ስእዳ ግሾ፥
ህንተኖ፥ ኢታ ኦይሳቶ ታፐ ሃክተ።
ጎዳይ ታ ዋሱዋ ስእስ፤
ታ ዎሳ ኤክስ።
10 ታ ሞርከት ኡባይ ዬላትዶሶና፤ ዳጋምዶሶና፤
ቆፖና ጉየ ስሚድ ካዉይዶሶና።