110
Xoossay Ta Miyena
Dawita mazmure
Goday ta godaa, “Ta ne morketa ne tohoy
yedhiya bessi oothana gakanaw,
haysan taape ushacha baggan utta” yaagis.
Godaw ne minotetha xam7a Xiyoonepe yedda;
“Ne morketa haara” yaagana.
Ne haariya gallas ne derey dosidi new haaretana;
ne geeshsha ma7uwa ma7ada,
wonta xalqeda ne kumetha wolqan phoolana.
Goday, “Malkexaadeqi kahine gididaysada,
ne merinaw kahine gidana” yaagidi caaqis;
iya caaqoy laametenna.
Goday ne ushachan de7ees;
ba hanquwa gallas kawota tincherethana.
I kawotethata bolla pirdana;
ola denbata aha xalaala oothana;
biitta ubban de7iya kawota dhaysana.
Kawoy oge lanqen de7iya pultuwafe uyidi,
I ba huuphiya dhoqu oothana.