11
1 ಮೀ ಕ್ರಿಸ್ತಾಶಾರ್ಕಾ ಚಾ಼ಲತ್ಯೊ ತಸಸ್ ತುಮಿ ಮನಾ ಬಗುನ್ ಚಾ಼ಲಾ.
ಆರಾದನೆತ್ ಡುಯಿ ಜಾ಼ಕಾಚೆ ಗುಶ್ಟಿತ್
2 ತುಮಿ ಸಗ್‍ಳ್ಯಾತ್ ಮನಾ ಯಾದ್ ಕರುನ್ ಮಿ ತುಮಾನಾ ಸಾಂಗುನ್ ದಿಲ್ಯಾಲ್ಯಾ ಗುಸ್ಟಿಂಚೆಗತ್ ಚಾ಼ಲ್ತಾಸಾ ಮನ್ಹುನ್ ತುಮಾನಾ ವವ್ಯಾಳ್ತೊ.
3 ಫನ್ ತುಮಾನಾ ಯೆಕ್ ಗ್ಯೊಸ್ಟ್ ಸಮಜು಼ನ್ ರಾಹ್ಯಾವ್ಹಯಿ ಮನ್ಹುನ್ ಮಾಜ಼ ಮನ್. ತಿ ಕ್ಯಾ ಮಂಜೆ ಪರ್ತೆಕ್ ಪುರುಶಾಲಾ ಕ್ರಿಸ್ತ ಡುಯಿಜಾ಼ಲ್ಯಾ. ಸ್ತ್ರಿಲಾ ಪುರುಶ್ ಡುಯಿ ಜಾ಼ಲ್ಯಾ. ಕ್ರಿಸ್ತಾಲಾ ದೇವ್ ಡುಯಿಜಾಲ್ಯಾ.
4 ಡುಯಿ ಜಾ಼ಖುನ್ಗಿಹುನ್ ಮಾಗ್ನವ್ಹವುನಿ, ಪ್ರವಾದನೆ ವ್ಹವುನಿ ಕರ್‌ತ್ಯಾಲಾ ಪುರುಶ್ ಆಪ್‍ಲ್ಯಾ ಕ್ರಿಸ್ತಾಲಾ ಅವಮಾನ್ ಕರ‍್ತೊ.
5 ಡುಯಿವ ಪದೊರ್ ಗಿಯಾಚೆ ಆಂದಿ ಮಾಗ್ನ ನಾಹಿತ ಪ್ರವಾದನೆ ಕರ್ತ್ಯಾಲಿ ಬಾಯಿಲ್ ಮಾನುಸ್ ಆಪ್‍ಲ್ಯಾ ಘ್ವಾಲಾ ಆವಮಾನ್ ಕರ‍್ತಿ. ಬಾಯಿಲ್ ಮಾನ್ಸಾನಿ ಪದೊರ್ ನಸ್ತಾನಾ ರಾಹ್ಯಾಚ಼ ಡುಯಿ ಬುಳುಸುನ್ ಗಿಯಾಚ಼ ಯಾಕುಸ್.
6 ಬಾಯಿಲ್ ಮಾನ್ಸಾನಿ ಪದೊರ್ ಗೆತ್ಲಾನಾಹಿತ ತಿನಿ ಕ್ಯಾಸ್ ಕಾಡುನ್ಟಾಕಾಯಾ ವ್ಹಯಿತ ತ್ಯವ್ಡಸ್. ಫನ್ ಕ್ಯಾಸ್ ಕಾತ್ರಾಚ಼ ವ್ಹವುನಿ ಡುಯಿ ಬುಳಿಕರುನ್ ಗಿಯಾಚಿ ವ್ಹವುನಿ ಬಾಯಿಲ್ ಮಾನ್ಸಾಲಾ ಲಾಜ಼್ ವಾಟಿಜಾ಼ಲ್ಯಾ ತಿನಿ ಪದೊರ್ ಗೆವ್ಹಾವ.
7 ಪುರುಶ್ ದೇವಾಚ಼ ಪ್ರತಿರುಪ್ ಆನಿ ಮರ‍್ಯಾದ್ ಜಾ಼ಲ್ಯಾ ಮನ್ಹುನ್ ಡುಯಿ ಜಾ಼ಖುನ್ ಗಿಹುನಾಹಿ. ಬಾಯಿಲ್ ಮಾನುಸ್ತರಿ ಪುರುಶಾಚಿ ಮರ‍್ಯಾದ್ ಜಾ಼ಲೆ.
8 ಪುರುಶ್ ಬಾಯಿಲ್ ಮಾನ್ಸಾಪ್ನಿ ಉತ್ಪನ್ ಜಾ಼ಲ್ಹಾನಾಹಿ. ಬಾಯಿಲ್ ಮಾನುಸ್ ಪುರಾಶಾಪ್ನಿ ಉತ್ಪನ್ ಜಾ಼ಲಿ.
9 ಆನಿ ಪುರುಶ್ ಬಾಯಿಲ್ ಮಾನ್ಸಾಸಾಟಿ ಸ್ರಸ್ಟಿ ಕೆಲಾನಾಹಿ, ಫನ್ ಬಾಯಿಲ್ಮಾನುಸ್ ಪುರಶಾಸಾಟಿಸ್ ಸ್ರಸ್ಟಿಕೆಲೆ.
10 ಆಸ ಆಸ್ತಾನಾ ದುತಾಂಚಿಸ್ ಲಾಗುನ್ ಬಾಯಿಲ್ ಮಾನ್ಸಾನಿ ಪುರಶಾಚಾ ಹುಕುಮ್ ದ್ಯಾವ್‍ತ್ಯಾಲಾ ಪದೊರ್ ಡುಯಿವ ಗಿಯಾವ್ಹಯಿ.
11 ತರಿಬಿ ಪ್ರಭುಚೆ ಗುಸ್ಟಿತ್ ಪುರುಶ್ ನಸ್ತಾನಾ ಬಾಯಿಲ್ ಮಾನುಸ್, ಬಾಯಿಲ್ ಮಾನುಸ್ ನಸ್ತಾನಾ ಪುರುಶ್ ನಾಹಿ.
12 ಬಾಯಿಲ್ ಮಾನುಸ್ ಪುರುಶಾಪ್ನಿ ಉತ್ಪನ್ ಜಾ಼ಲಿ. ತಸಸ್ ಪುರುಶ್ ಬಾಯಿಲ್ ಮಾನ್ಸಾಪ್ನಿ ಜ಼ಲ್ಮ ಯತೊ. ಫನ್ ದೇವಾನಿಸ್ ಸಗ್ಳ ಉತ್ಪನ್ ಕೆಲ್ಯಾಲ.
13 ತುಮ್ಚಾತ್ ತುಮಿಸ್ ಯವ್‍ಜು಼ನ್ ತುಮ್ಚಿ ತುಮಿಸ್ ಪಾರಕ್ ಕರಾ. ಬಾಯಿಲ್ ಮಾನ್ಸಾನಿ ಡುಯಿವ ಪದೊರ್ ಗಿಯಾಚೆಆಂದಿ ದೇವಾಪ ಮಾಗ್ನ ಕರಾಚ಼ ಬರ ಕ್ಯಾ?
14 ಪುರುಶಾನಿ ಕ್ಯಾಸ್ ಲಾಮ್ ವಾಡಿವ್ಲಕಿ ತೆ ತ್ಯಲಾ ಅವಮಾನ್ ಜಾಲ್ಯಾ,
15 ಬಾಯಿಲ್ ಮಾನ್ಸಾನಿ ಲಾಮ್ ಕ್ಯಾಸ್ ವಾಡಿವ್ಲತ ತೆ ತಿಲಾ ಮರ‍್ಯಾದ್ ಆಂತ್ಯಾತ ಮನ್ಹುನ್ ಸಜ಼್ ತುಮಾನಾ ಸಮಾಜ಼್ತ ನವ್ಹ?
16 ಕಚಾನಿತರಿ ಹ್ಯಚೆಯಸಿ ವಾದ್ ಕರಾಚಾ಼ ಆಸ್ಲಾತ ಆಸ್ಲಿ ಚಾಳಿ ತುಮ್ಚಿಪ ನಾಹಿ ಆನಿ ದೆವಾಚೆ ಸಬೆತ್ನಿಬಿ ನಾಹಿ ಮನ್ಹುನ್ ಸಮ್‍ಜು಼ನ್ ಗೆವ್ಹಾ.
ಪ್ರಬುಚಾ ಜೆವ್‍ನಾಚ಼ ಸಿಕಿವ್ನ
(ಮತ್ತಾಯ್ 26:26-29; ಮಾರ್ಕ್ 14:22-25; ಲುಕ್ 22:14-20)
17 ಮಿ ತುಮಾನಾ ಹುಕುಮ್ ದೆತಾನಾ ತುಮಾನಾ ವವ್ಯಾಳಿತ್ ನಾಹಿ. ಕಾಮಂಜೆ ತುಮಿ ಸಗ್ಳಿ ಯಕಿಕ್ಡ ಜ಼ಮುನ್ ಯತ್ಯಾಲಿ ನಾಸ್ ಕರಾಯಾ ಬರ‍್ಯಾಲಾ ನವ್ಹ.
18 ಕಸ ಮಂಜೆ ಆಂದಿ ತುಮಿ ಸಬಾ ಜ಼ಮುನ್ ಯತಾನಾ ತುಮ್ಚಿಪ ಮೊಡ್ಕಫನ್, ಬೆದ್ಭಾವ್ ಯತ್ಯಾತ ಮನ್ಹುನ್ ಐಕ್‍ಲ್ಯಾ. ಆನಿ ಹ್ಯ ಜ಼ರಾ ಖರ ಮನ್ಹುನ್ ಗೆತೊ.
19 ತುಮ್ಚಾತ್ಲಿ ಥುಡಿಜ಼ನ ಬರಿ ದಿಸುನ್‍ ಯಯಾ ದಿಸ್ರಾ ಇಚಾರ್ ಕರಾಯಾ ವ್ಹಯಿಕ್ಯಾ.
20 ತುಮಿ ಸಗ್ಳಿ ಜ಼ಮುನ್ ಯತಾನಾ ಖಾತ್ಯಾಲ ಜೆವಾನ್ ಪ್ರಭುಚ಼ ಜೆವಾನ್ ನವ್ಹ.
21 ಜೆವಾನ್ ಕಾತಾನಾ ಪರತೆಕ್ ಯೊಕ್ ಆಪ್ನಿ ಆನ್‍ಲ್ಯಾಲ ದಿಸರ‍್ಯಾಚೆ ಆಂದಿ ಖಾತೊ. ಆಸಾ ಯೊಕ್ ಉಪಾಸಿರಾಥೊ ಆನಿಯೊಕ್ ಪಿವುನ್ ಗುಂಗಿತ್ ರಾತೊ.
22 ತುಮಾನಾ ಖಾಯಾ, ಪಿಯಾ ಗರ‍್ಹ ನಾಹಿತ ಕ್ಯಾ? ನಾಹಿತ ದೆವಾಚೆ ಸಬೆಲಾ ಗಾಳ್ ಕರುನ್ ಕಾಯ್ ನಸ್‍ಲ್ಯಾಲ್ಯಾನಾ ಅವಮಾನ್ ಕರತಾಸಾ ಕ್ಯಾ? ಮೀ ತುಮಾನಾ ಕ್ಯಾ ಸಾಂಗು? ಮೀ ತುಮಾನಾ ವವ್ಯಾಳು ಕ್ಯಾ? ಹೆ ಗುಸ್ಟಿಲಾ ವವ್ಯಾಳಿತ್ ನಾಹಿ.
23 ಮಿ ತುಮಾನಾ ಸಾಂಗ್‍ಲ್ಯಾಲ ಶಿಕ್ಷೆನ್ ಪ್ರಭಪ್ನಿ ಆಲ್ಯಾಲ. ತ್ಯ ಕ್ಯಾಮಂಜೆ, ಪ್ರಭು ಯೇಸು ಆಪ್‍ಲ್ಯಾಲಾ ದರುನ್ ದಿಲ್ಯಾಲೆ ರಾತಿತ್ ಬಾಖ್ರಿ ಗಿಹುನ್,
24 ದೇವಾಲಾ ಸ್ತೊತ್ರ ಕರುನ್ ತಿ ಮುಡುನ್, “ಹ್ಯ ತುಮ್ಚಿಸಾಟಿ ಆಸ್‍ಲ್ಯಾಲ ಮಾಜ಼ ಶರೀರ್, ಮಾಜಿ ಯಾದ್ ಕರಾಯಾ ಆಸಕರಾ” ಮನ್ಲಾ.
25 ಖಾವುನ್ ಜಾ಼ಲ್ಯಾ ನಂತರ್ ತ್ಯನಿ ತಸಸ್ ಪಿತ್ಯಾಲ ಐದಾನ್ ಗಿಹುನ್, “ಹ್ಯ ಪಿತ್ಯಾಲ ಐದಾನ್ ಮಾಜಾ ರಕ್ತಾನಿ ಥರಲ್ಯಾಲಾ ನವಾ ಕರಾರ್ ದ್ಯಾವ್ತ. ತುಮಿ ಹ್ಯಾತ್ ಪಿತಾನಾ ಮಾಜಿ ಯಾದ್ ಕರಾಯಾಸಾಟಿ ಪಿವಾ” ಮನ್ಲಾ.
26 ತುಮಿ ಹಿ ಬಾಕ್ರಿ ಖಾವುನ್ ಹ್ಯಾ ಐದಾನಾತ್ ಪಿತಾನಾ ಪರತೆಕ್ ಪಾವ್ಟಿ ಪ್ರಭುಚ಼ ಮರಾನ್ ತ್ಯೊ ಯಯಿಸ್ ಪರ‍್ಯಾತ್ ಸಾಂಗಿತ್ ರಾವ್ಹಾ.
27 ಆಸಾಸ್ತಾನಾ ಕಚಾನಿತರಿ ವಾಯಿಟ್‍ ವ್ಹವುನ್ ಪ್ರಭುಚಿ ಬಾಕ್ರಿ ಖಾಲ್ಯಾವ ನಾಹಿತ ತ್ಯಚಾ ಐದಾನಾತ್ ಪಿಯಾಲ್ಯಾವ ತ್ಯನಿ ಪ್ರಭುಚಾ ಶರೀರಾಲಾ ಆನಿ ಪ್ರಭುಚಾ ರಕ್ತಾಲಾ ದೊಸಿ ಥರ್ನಾರ್.
28 ಪರತೆಕ್ ಮಾನ್ಸಾನಿ ಆಪ್‍ಲ್ಯಾಲಾ ಪರಿಕ್ಷೆ ಕರುನ್ ತಿ ಬಾಖ್ರಿ ಗಿಹುನ್ ಖಾವುನಿ, ತ್ಯಾ ಐದಾನಾತ್ ಪಿವುನಿ.
29 ಕಾ ಮಂಜೆ ಪ್ರಭುಚ಼ ಶರೀರ್ ದೇವಾಲಾ ಸ್ತೊತ್ರ ಕರುನ್ ತಿ ಮುಡುನ್, ಸಮ್‍ಜಾ಼ಚೆ ಆಂದಿ ಖಾತ್ಯಾ, ಪಿತ್ಯಾಲಾ ನ್ಯಾಯಿ ನಿವಡ್ತಾನಾ ಗಾವ್ನಾರ್.
30 ಹ್ಯಾ ಕಾರ್ನಾನಿಸ್ ತುಮ್ಚಿಪ ಖುಬ್‍ಜಾ಼ನ್ ಬಳಮ್ಯೊಡ ಆನಿ ರೊಗಿಸ್ಟ ವ್ಹನಾರ್ ಆನಿ ಖುಬ್‍ಜಾ಼ನ ಮೆಲ್ಯಾತ.
31 ಆಮ್ಚಿ ಆಮಿ ಪರಿಕ್ಷೆ ಕಿಲಿತ ನ್ಯಾಯಿ ತಿರ್ಮಾನಾತ್ ಗಾವ್ನಾರ್ ನಾಹಿ.
32 ಫನ್ ಆಮಿ ಪ್ರಭುಪ್ನಿ ನ್ಯಾಯಿ ತಿರ್ಮಾನಾತ್ ಆಸ್ತಾನಾ ತ್ಯೊ, ಆಮಾನಾ ಲೊಕಾತ್‌ಲ್ಯಾಂಚಿಸಂಗ ಗುನ್ನದಾರ ಆಸ ಥರುನಾಹಿ ಮನ್ಹುನ್ ಆಮಾನಾ ಸಿಸ್ತಿನಿ ರಾಹ್ಯಾ ಆಮಾನಾ ಶಿಕ್ಷೆ ದೆತೊ.
33 ಮನ್ಹುನ್ ಮಾಜೆ ಬನ್ಹಿ ಬಾವ್ಹಾನು, ಹ್ಯ ಜೆವಾನ್ ಖಾಯಾ ಜ಼ಮುನ್ ಯತಾನಾ ಯಕಾಮಕಾಸಾಟಿ ಥಾಂಬಾ.
34 ಖ್ಯಾಂದ್ರಾ ಬುಖ್ಯಾಲಾತ ತ್ಯೊ ಗರ‍್ಹಾತುಸ್ ಖಾವುನಿ ತುಮಿ ಜ಼ಮುನ್ ಆಲ್ಯಾಲಿ ನ್ಯಾಯಿ ತಿರ್ಮಾನಾಲಾ ಕಾರನ್‍ ವ್ಹವುನಾಹಿ. ಆನಿ ರಾಯಲ್ಯಾಲ್ಯಾ ಗುಸ್ಟಿ ಮಿ ಆಲ್ಯಾವ ಸಾಂಗ್ತೊ.