15
ಕ್ರಿಸ್ತಾಚ಼ ಪುನರುಥಾನ್
1 ಬನ್ಹಿ ಬಾವ್ಹಾನು, ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮ್ಚೆ ಯದತ್ ಆನ್ತೊ; ತುಮಿ ತೀ ವ್ಹಯ್ ಮನ್ಹುನ್ ಗಿವ್ಹುನ್, ತ್ಯಾತ್ ಉಬಿಹಾಸಾ.
2 ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮಿ ಘಟ್ ದರುನ್ ರಾಯ್‌ಲ್ಯಾವ ತುಮಾನಾ ರಕ್ಶನ್ ವ್ಹನಾರ್. ನಾಹಿತ ತುಮಚಾ಼ ಇಸ್ವಾಸ್ ಪುಖಟ್ ವ್ಹನಾರ್.
3 ಮೀ ಆಂದಿ ಸಾಂಗ್‌ಲ್ಯಾಲ್ಯಾ ಗುಶ್ಟಿತ್ ಪಾಯ್ಜೆ ಆಸ್‌ಲ್ಯಾಲಿ ಗ್ಯೊಶ್ಟುಸ್ ತುಮಾನಾ ಸಾಂಗ್ಲೆ ತೀ ಕ್ಯಾ ಮನ್‌ಲ್ಯಾವ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಚೆಗತ್ ಪ್ರಭು ಆಮ್ಚಾ ಪಾಪಾಂಚೆಸಾಟಿ ಮೆಲಾ;
4 ಪುರ್ಲಾ; ಧರ್ಮಶಾಸ್ತಾರಾಚೆಗತುಸ್ ತಿನ್ವೆ ದಿಸಿ ಉಟಿವ್ಲಾ.
5 ನಂತರ್ ಪೇತ್ರಾಲಾ ಆನಿ ತ್ಯಚಾ ಬಾರಾ ಜಾ಼ನ್ ಅಪೊಸ್ತಲಾನಾ ದಿಸ್ಲಾ.
6 ನಂತರ್ ಯಂಗ್ದಾಸ್ ಪಾಚೆವ್ನಿ ಖುಬ್ ಲೊಕಾನಾ ದಿಸ್ಲಾ. ಹ್ಯಾತ್ ಖುಬ್ ಜಾ಼ನ್ ಆಜು಼ನ್ ಜೀವ್ನಾ ಕರಿತ್ ಹಾತ, ಫನ್ ತುಡಿಜ಼ನ ಮೆಲ್ಯಾತ.
7 ನಂತರ್ ತ್ಯೊ ಯಾಕೊಬಾಲಾ ಆನಿ ಸಗ್‍ಳ್ಯಾ ಅಪೊಸ್ತಲಾನಾಬಿ ದಿಸ್ಲಾ.
8 ಫನ್ ಸೆವಟಚ಼ ದಿಸ್ ಬರ‍್ಹಾಚೆ ಆಂದಿ ಜ಼ಲಾಮ್‌ಲ್ಯಾಲ್ಯಾ ಬಾಳಾಚೆಗತ್ ಆಸ್‌ಲ್ಯಾಲ್ಯಾ ಮನಾಬಿ ತ್ಯೊ ದಿಸ್ಲಾ.
9 ಮೀತರಿ ಅಪೊಸ್ತಲಾಂಚಾತ್ ಖಾಲಸಾ; ಮೀ ದೇವಾಚೆ ಸಬೆಲಾ ತರಾಸ್ ದಿಲ್ಯಾಲಾ ಮನ್ಹುನ್ ಅಪೊಸ್ತಲ್ ಮನ್ಹುನ್ ಗಿಹ್ಯಾ ಲಾಯಿಕ್ ನಾಹಿ.
10 ಫನ್ ಮೀ ಆತಾ ಕಸ್ಲಾ ಹಾ ತ್ಯೊ ದೇವಾಚೆ ಕ್ರಪೆನಿಸ್ ಆನಿ ತ್ಯಚಿ ಕ್ರಪಾ ಮಾಜಿಪ ಪುಕಟ್ ಜಾ಼ಲಿನಾಹಿ. ಮೀ ತ್ಯಂಚಿವ್ನಿ ಲ ಖಟ್ಪಟ್ ಕಿಲಿ. ಫನ್ ಕಟ್ಪಟ್ ಕೆಲ್ಯಾಲಾ ಮಿ ನವ್ಹ, ಮಾಜೆ ಸಂಗ್ನಿ ಆಸ್‌ಲ್ಯಾಲಿ ದೇವಾಚಿ ಕ್ರಪಾಸ್.
11 ಮನ್ಹುನ್ ಮೀ ನಾಹಿತ ತ್ಯಂಚಾನಿ ವ್ಹವ್ಹುನಿ, ಆಸಿಸ್ ಬರಿ ಖಬರ್ ಸಾಂಗ್ಲೆ; ತಿಚಿವ ತುಮಿ ಇಸ್ವಾಸ್ ಥೆವ್ಲಾಸಾ.
ಮೆಲ್ಯಾಲಿ ಜಿತ್ತಿ ವ್ಹಯಾಚ಼
12 ಪ್ರಭು ಮೆಲ್ಯಾಲ್ಯಾತ್ನಿ ಉಠ್‌ಲ್ಯಾ ಮನ್ಹುನ್ ಸಾಂಗ್‌ತ್ಯಾಲ್ಯಾತ್, ತುಮ್ಚಾತ್ಲಿ ಥುಡಿ ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಸಾಂಗಾಚ಼ ತರಿ ಕಸ?
13 ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ಪ್ರಭು ಸಾಯಿತ್ ಉಠುನ್ ಆಲಾ ನಾಹಿ.
14 ಪ್ರಭು ಉಠುನ್ ಆಲ್ಯಾ ನಸ್‌ಲ್ಯಾವ ಆಮಚ಼ ಸಾಂಗ್ನ ಫುಕಟ್ ಆನಿ ತುಮ್‍ಚಾ಼ ಇಸ್ವಾಸ್ ಸಾಯಿತ್ ಫುಕಟ್ ಜಾ಼ಲ್ಯಾ.
15 ಯವ್ಡಸ್ ನವ್ಹ ಮೆಲ್ಯಾಲಿ ಉಟುನ್ ಯನಾರ್ ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ದೇವಾನಿ ಪ್ರಭುಲಾ ಉಠಿವ್ಲಾಸ್ ನಾಹಿ; ಉಟಿವಲ್ಯಾ ಮನ್ಹುನ್ ವಳಕ್ ದಿಲ್ಯಾಲ ಆಮಿ ದೇವಾಚೆ ಗುಶ್ಟಿತ್ ಲಬಾಡ್ ವಳಕ್ ಸಾಂಗ್‌ತ್ಯಾಚೆಗತ್ ದಿಸಾವ.
16 ಮೆಲ್ಯಾಲಿ ಉಟುನ್ ಆಲ್ಯಾ ನಸ್‌ಲ್ಯಾವ ಪ್ರಭು ಸಾಯಿತ್ ಉಟುನ್ ಆಲಾನಾಹಿ.
17 ಪ್ರಭು ಉಟುನ್ ಆಲಾ ನಸ್ತಾತ ತುಮಚಾ಼ ಇಸ್ವಾಸ್ ಉಗಸ್ ಜಾ಼ಲ್ಯಾ, ತಸಸ್ ತುಮಿ ಆಜು಼ನ್ ತುಮ್ಚಾ ಪಾಪಾತ್ನಿಸ್ ಹಾಸಾ.
18 ಹ್ಯ ತ್ಯವ್ಡಸ್ ನವ್ಹ ಪ್ರಭುಪ ಮೆಲ್ಯಾಲಿ ಹಾಳ್ ಜಾ಼ಲಿತ ಮನ್ಹುನ್ ಆರ್ಥ.
19 ಪ್ರಭುಪ ಆಮಾನಾ ಆಸ್‌ಲ್ಯಾಲಿ ಆಶಾ ನಿಸ್ತಿ ಹ್ಯಾ ಜಿವ್ನಾ ಸಾಟಿ ತ್ಯವ್ಡಿಸ್ ಆಸ್ಲಿತ ಆಮಿ ಖೊಟ್ಯಾ ನಸಿಬಾಚ಼ ವ್ಹನಾರ್.
20 ಫನ್ ಪ್ರಭು ಮೆಲ್ಯಾಲ್ಯಾತ್ನಿ ಉಠುನ್ ಆಲ್ಯಾಲ್ಯಾತ್. ಪೈಲ ಪಳ್ ಜಾ಼ಲಾ.
21 ಮಾನ್ಸಾಸ್ ಲಾಗುನ್ ಮರಾನ್ ಆಲ ಮನ್ಹುನ್, ಮಾನ್ಸಾಸ್ ಲಾಗುನುಸ್ ಮೆಲ್ಯಾಲ್ಯಾನಾ ಜೀವ್ ಗಾವಲ್ಯಾ.
22 ಆದಾಮಾಸ್ ಲಾಗುನ್ ಸಗ್ಳಿ ಮೆಲ್ಯಾಲಿ ಜಾ಼ಲಿತ ತಸಿಸ್ ಯೇಸು ಕ್ರಿಸ್ತಾಪ್ನಿ ಸಗ್ಳಿ ಜಿವಂತ್ ಉಟ್ಲಿತ.
23 ಫನ್ ಪರ್ತೆಕ್ ಜಾ಼ನ್ ಆಪ್ಲೆ ಪಾಳಿನಿ ಉಟುನ್ ಯನಾರ್. ಪ್ರಭು ಪೈಲ ಫಳ್ ಜಾ಼ಲಾ; ನಂತರ್ ಪ್ರಭುಚಿ ತ್ಯಚಾ ಯನ್ಯಾಲಾ ಜಿಥಿ ವ್ಹವುನ್ ಉಟುನ್ ಯನಾರ್.
24 ನಂತರ್ ತ್ಯೊ ಸಗ್ಳಾ ಅಧಿಕಾರ್, ಸಗಳ್ಯಾ ಆಜ್ಞಾ ಆನಿ ಬಳ್ ನಾಸ್ ಕರುನ್ ಬಾ ದೇವಾಪ ರಾಜೆ ಒಪ್ಸುನ್ ದೆತಾನಾ ಸಮಾಪ್ತಿ ವ್ಹನಾರ್.
25 ಕಾ ಮಂಜೆ ದೇವ್ ಸಗ್‍ಳ್ಯಾ ವಾದಿನಾ ಆಪ್ಲ್ಯಾ ಪಾಯಾಚೆ ಖಾಲ್ ಗಾಲಿ ಪರ‍್ಯಾತ್ ಕ್ರಿಸ್ತಾನಿ ರಾಜ಼್ಬಾರ್ ಕರಾಯಾವ್ಹಯಿ.
26 ನಾಸ್ ವ್ಹನಾರಾ ಸರ್ತಾ ವಾದಿ ಮರಾನ್ ಜಾ಼ಲ್ಯಾ.
27 “ದೇವಾನಿ ಸಗ್ಳ ತ್ಯಚಾ ಪಾಯಾತ್ ಗಾಲುನ್ ತ್ಯಲಾ ದಿಲ್ಯಾ. ” ಫನ್ ಸಗ್ಳ ತ್ಯಲಾ ದಿಲ್ಯಾ” ಮನ್ಹುನ್ ಸಾಂಗ್ತಾನಾ ಸಗ್ಳ ದೆನಾರಾ ತ್ಯಾತ್ ಮಿಳುನ್ ನಾಹಿ ಮನ್ಹುನ್ ಠಾವ ಹಾ.
28 ಸಗ್ಳ ತ್ಯಚ಼ ಜಾ಼ಲ್ಯಾ ನಂತರ್ ಲೆಕಾನಿ ಸಗ್ಳ ಆಪ್‌ಲ್ಯಾಲಾ ದಿಲ್ಯಾಲ್ಯಾಲಾ ಆಪ್ನುಸ್ ವಪ್ಸುನ್ ದೆನಾರ್; ಆಸಾ ದೇವುಸ್ ಸಗ್‌ಳ್ಯಾಂಚಿವ ಸಗ್ಳೆ ತರನಿ ರಾಜ಼್ಭಾರ್ ಚಾ಼ಲಿವ್ನಾರ್.
29 ಮೆಲ್ಯಾಲಿ ಜಿತ್ತಿ ನಾಹಿ ಜಾ಼ಲ್ಯಾವ ಮೆಲ್ಯಾಲ್ಯಾಂಚೆ ಸಾಟಿ ಬಾಪ್ತಿಸ್ಮಾ ಗೆನಾರಿ ಕ್ಯಾ ಕರ್ನಾರ್? ಮೆಲ್ಯಾಲಿ ಉಟುನ್ ಯನಾರುಸ್ ನಾಹಿತ ತ್ಯ ಖರ ಜಾ಼ಲ್ಯಾವ ಕಾ ತ್ಯಂಚಿಸಾಟಿ ಬಾಪ್ತಿಸ್ಮಾ ಗೆತ್ಯಾತ.
30 ಆಮಿ ಸಾಯಿತ್ ಕಾ ಪರ್ತೆಕ್ ಯಳಿ ಅಪಾಯಾತ್ ಹಾವ್?
31 ಬನ್ಹಿ ಬಾವ್ಹಾನು ಮಿ ತುಮಾನಾ, ಆಮ್ಚಾ ಪ್ರಭು ಯೇಸು ಕ್ರಿಸ್ತಾಪ ತುಮ್ಚಿಸಾಟಿ ಮನಾ ಆಸ್‍ಲ್ಯಾಲೆ ಮರೆದಿಸ್ ಲಾಗುನ್ ಮೀ ಖಾಯಿಮ್ ಮರ್ತ್ಯೊ ತ್ಯ ಖರ ಮನ್ಹುನ್ ಸಾಂಗ್ತೊ.
32 ಮೀ ಎಫೆಸಾತ್ ಜ಼ನಾವಾರಾ ಸಂಗ ಲಡಾಯಿ ಕೆಲ್ಯಾಲಿ ಖಾಲಿ ಮಾನ್ಸಾಂಚಿಸಾಟಿ ಜಾ಼ಲ್ಯಾವ ಮನಾ ಕ್ಯಾ ಪ್ಯಾಯ್ದಾ? ಮೆಲ್ಯಾಲಿ ಉಠುನ್ ಯನಾರ‍್ನಾಹಿತ ತ, “ಆಮಿ ಖಾವುನ್, ಪಿವುನ್, ಸಕಾಳ್ ಆಮಿ ಮರ್ನಾರ್ ನವ್ಹ. ”
33 ಫಸುನಕೊಸಾ; “ಬುರ್ಸಿ ಸಂಗತ್ ಚಾ಼ಂಗ್ಲಿ ಚಾ಼ಲ್ನುಕ್ ನಾಸಿವ್‍ತ್ಯಾತ. ”
34 ಚಾ಼ಂಗ್ಲಿ ಯವಜ್ನಾ಼ ಕರಾ! ನೀಯತಿಚ಼ ವ್ಹವುನ್ ಜಾ಼ಗ್ರುತ್ ರಾವ್ಹಾ. ಪಾಪ್ ಕರುನಕೊಸಾ. ಥೊಡ್ಯಾನಾ ದೇವಾಚೆ ಗುಶ್ಟಿತ್ ಗಿನ್ಯಾನುಸ್ ನಾಹಿ; ತುಮಾನಾ ಲಾಜ಼್ ಯವುನಿ ಮನ್ಹುನ್ ಹ್ಯ ಸಾಂಗ್ತೊ.
ಜಿತ್ತ ವ್ಹವುನ್ ಆಲ್ಯಾಲ ಶರೀರ್
35 “ಮೆಲ್ಯಾಲಿ ಪರ್ತುನ್ ಜೀತಿ ಕರಾಯಾ ಕಸ ವ್ಹನಾರ್? ಕಸ್‌ಲ್ಯಾ ಶರೀರಾನಿ ಯತ್ಯಾತ? ಮನ್ಹುನ್ ಕೊನ್ ತರಿ ಇಚಾರಿಲ್.
36 ಬುದ್ದಿ ನಸ್‌ಲ್ಯಾಲ್ಯಾ ಖುಳ್ಯಾ; ತು ಪೆರ್ಲ್ಯಾಲ ಬಿ ಮೆಲ ನಾಹಿತ, ತ್ಯ ಇರ್ಡಲ್ ಕ್ಯಾ? ನಾಹಿ.
37 ಬಗ್; ಯೆಕ್ ವೆಳಿ ಗವ್ಹಾಚಾ಼ ದಾನಾ ವ್ಹವ್ಹುನಿ ದುಸ್ರ ಕಸ್ಲತ್ಯ ಬಿ ವ್ಹವ್ಹುನಿ ಪೆರ್ತಾನಾ ನಿಸ್ಥ ದಾನ ಸುಡುನ್ ಮೊರ್ಹ ಇರಾಡತ್ಯಾಲ ಡಾಳ ಪಿರಿತ್ ನಾಹಿತ.
38 ಫನ್ ದೇವಾನಿ ಆಪ್ಲ್ಯಾ ಮನಾಚೆಗತ್ ತ್ಯಲಾ ಶರೀರ್ ದೆತೊ. ಯಕಾ ಯಕಾ ಬ್ಯಾಲಾಬಿ ತ್ಯಚಿಜೊ಼ಗ ಶರೀರ್ ದೆತೊ.
39 ಸಗ್ಳಿ ಆಂಗ ಯೆಕುಸ್ ತರಚಿ ನವ್ಹತ; ಮಾನ್ಸಾಚ಼ ಶರೀರ್ ದುಸ್ರ, ಜ಼ನಾವಾರಾಚ ಶರೀರ್ ದುಸ್ರ, ಪಾಕ್ರಾಂಚ಼ ಶರೀರ್ ದುಸ್ರ, ಮಾಶಾಂಚ಼ ದುಸ್ರ.
40 ಯವ್ಡಸ್ ನವ್ಹ ಸ್ವರ್ಗಾಚಿ ಶರೀರ್ ಹಾತ, ಹ್ಯಾ ಲೊಕಾಚಿ ಶರೀರ್ ಹಾತ, ಫನ್ ಸ್ವರ್ಗಾಚಾ ಶರೀರಾಂಚಿ ಮೈಮಾ ದುಸ್ರಿ, ಹ್ಯಾ ಲೊಕಾಚಾ ಶರೀರಾಂಚಿ ಮೈಮಾ ದುಸ್ರಿ.
41 ದಿಸಾಚಾ಼ ಉಜಿಡ್ ಯೆಕ್ ತರನಿ ಜಾ಼ಲಾತ, ಚಾ಼ಂದಾಚಾ಼ ಉಜಿಡ್ ಆನಿ ಯೆಕ್ ತರನಿ, ತಸಸ್ ಚಾನ್ಯಾತ್ನಿಬಿ ಫರಕ್ ಹಾ ಆನಿ ಚಾನ್ಯಾತ್ನಿಬಿ ಉಜಿಡ್ ದುಸ್ರಾ ದುಸ್ರಾಸ್ ಹಾ.
42 ಮೆಲ್ಯಾಲಿ ತಸಿಸ್ ಜಿತ್ತಿ ವ್ಹನಾರ್. ಪುರ್ಲ್ಯಾಲಾ ಪುಸುನ್ ಜಾ಼ನಾರ. ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್.
43 ಅಪಮಾನಾತ್ ಪುರ್ಲ್ಯಾಲಾ, ಮೈಮೆನಿ ಜಿತ್ತಾ ವ್ಹನಾರ್; ಬಳ್ ನಸ್ತಾನಾ ಪುರ್ಲ್ಯಾಲಾ, ಬಳ್ ಗಿವ್ಹುನ್ ಜಿತ್ತಾ ವ್ಹನಾರ್;
44 ಪುರ್ಲ್ಯಾಲ ಲೊಕಿಕ್ ಶರೀರ್ ವ್ಹವುನ್ ಪುರ್ಲ, ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್ ಆತ್ಮಿಕ್ ಶರೀರ್. ಲೊಕಿಕ್ ಶರೀರ್ ರಾಹ್ಯಾಚ಼ ಜಾ಼ಲ್ಯಾವ ಆತ್ಮಿಕ್ ಶರೀರಾತ್ನಿ ಉಠುನ್ ಯನಾರ್.
45 “ಪೈಲಾ ಮಾನುಸ್ ಜಾ಼ಲ್ಯಾಲಾ ಆದಾಮ್ ಜೀವ್ ಆಸ್‌ಲ್ಯಾಲಾ ಮಾನುಸ್” ಸೆವಟಚ಼ಾ ಆದಾಮ್ ತರಿ ಜೀವ್ ದೆನಾರಾ ಆತ್ಮ ಜಾ಼ಲಾ. ಮನ್ಹುನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾನವ್ಹ.
46 ಆತ್ಮಿಕ್ ಜಾ಼ಲ್ಯಾಲ ಆಂದಿ ಆಲ್ಯಾಲ ನವ್ಹ, ಲೊಕಿಕ್ ಜಾ಼ಲ್ಯಾಲ ಆಂದಿಚ಼; ನಂತರ್ ಆತ್ಮಿಕ್ ಜಾ಼ಲ್ಯಾಲ.
47 ಆಂದಿಚಾ ಮಾನಸಾಲಾ ಮಾತಿನಿ ಕೆಲಾ; ತ್ಯೊ ಧರ್ತಿಚಾ಼ ದೊನ್ವಾ ಮಾನುಸ್ ಸ್ವರ್ಗಾತ್ನಿ ಆಲ್ಯಾಲಾ.
48 ಕೊನ್ ದರ್ಥಿಚಾ಼ ಹಾ ತ್ಯಲಾ ಮಾತಿನಿ ಜ಼ಲಾಮಲ್ಯಾಲಾ ಕಸ್ಲಾ ಮಾತಿಲಾಸ್ ಸಂಮಂದ್ ಆಸ್ನಾರಿ ತಸಲಿಸ್ ವ್ಹತ್ಯಾತ; ಕೊನ್ ಸ್ವರ್ಗಾತ್ನಿ ಆಲ್ಯಾಲಾ ಹಾ ತ್ಯೊ ಸ್ವರ್ಗಾಚಾ಼.
49 ಆಮಿ ಮಾತಿನಿ ಜ಼ಲಾಮ್‍ಲ್ಯಾಲ್ಯಾಚ಼ ರುಪ್ ಗೆತಲ್ಯಾ ಶಾರ್ಕ ಸ್ವರ್ಗಾತ್ನಿ ಆಲ್ಯಾಲ್ಯಾಚ಼ ರುಪ್ ಗೆನಾರ್.
50 ಮಾಯೆಚಾ ಬನ್ಹಿ ಬಾವ್ಹಾನಿ, ಮೀ ಸಾಂಗಚ಼ ಕ್ಯಾ ಮಂಜೆ, ರಗಾತ್ ಮಾಸ್ ದೇವಾಚಾ ರಾಜಾತ್ ಜಾ಼ನಾರ್ ನಾಹಿ; ತಸಸ್, ಪುಸುನ್ ಜಾ಼ನಾರ‍್ಯಾಲಾ ನಾಸ್ ವ್ಹವುನ್ ಜಾ಼ತ್ಯಾಲ ನಾಸ್ ವ್ಹಯಿ ನಸ್‌ಲ್ಯಾಲ್ಯಾತ್ ಮಿಸ್ಳತ್ ನಾಹಿ.
51 ಬಗಾ! ಆಜು಼ನ್ ಪರೆತ್ ಚು಼ರುನ್ ಆಸ್‌ಲ್ಯಾಲ್ಯಾ ಗುಶ್ಟಿ ಮೀ ತುಮಾನಾ ಸಾಂಗ್ತೊ, ಆಮಿ ಸಗ್ಳಿ ಮರ್ನಾರ್ ನಾಹಿ, ಬದಾಲ್ನಾರ್.
52 ಸರ್ತೆ ತುತ್ತುರಿಚಾ಼ ಆವಾಜ಼್ ಯತಾನಾ, ಚಾ಼ಟಕ್ಯಾನ್, ಪಾಪ್ನಿ ಹಲಾಚೆ ಆಂದಿ ಆಮಿ ಸಗ್ಳಿ ಬದಾಲ್ನಾರ್. ವ್ಹಯ್, ತುತ್ತೂರಿ ಐಕುಯವುನ್ ಶಾಶ್ವತ್ ಜಿವಾಸಾಟಿ ಮೆಲ್ಯಾಲಿ ಪರ್ತುನ್ ಉಟ್ನಾರ್, ಆಮಿ ಬದಾಲ್ನಾರ್.
53 ನಾಸ್ ವ್ಹತ್ಯಾಲ ಹ್ಯ ಶರೀರ್ ನಾಸ್ ವ್ಹಯಿ ನಸ್‌ಲ್ಯಾಲ ಶರೀರ್ ವ್ಹನಾರ್, ಮರ್ನಾತ್ ಆಸ್‌ಲ್ಯಾಲ ಹ್ಯ ಶರೀರ್ ಮರಾಚೆ ಆಂದಿ ರಾಹ್ಯಾ ವ್ಹಯಿಜಾ಼ಲ್ಯಾ.
54 ಹಾಳ್ ವ್ಹನಾರ ಹ್ಯ ಶರೀರ್ ಹಾಳ್ ವ್ಹಯಾಚೆ ಆಂದಿ ರಾನ್ಹಾರ್ ತವಾಮರ್ನಾಚಾ ಹಾತಾತ್ ಆಸಲ್ಯಾಲ ಹ್ಯ ಶರಿರ್ ಶಾಶ್ವತ್ ರಾಯಲ್ಯಾವ ಲಿವಲ್ಯಲ ಸಬ್ದ ಗಡ್ನಾರ್.
55 “ಎ! ಮರ್ನಾ ತುಜಿ ಜೀತ್ ಕುಠ? ಎ! ಮರ್ನಾ ತುಜ಼ ಇಸಾಚ಼ ನೆಜ಼ ಕುಠ ಹಾ?
56 ಮರನಾಚಾ ಇಸಾಚ಼ ನಿಜ಼ ಪಾಪುಸ್; ಪಾಪಾಲಾ ಧರ್ಮಶಾಸ್ತಾರಾನಿ ಬಳ್ ಗಾವ್ತ.
57 ಫನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಜೀತ್ ದೆನಾರ‍್ಯಾ ದೇವಾಲಾ ಖಾಯಿಮ್ ಮೈಮಾ ವ್ಹವುನಿ.
58 ಮನ್ಹುನ್, ಬನ್ಹಿ ಬಾವ್ಹಾನು, ಘಟ್ ಮನಾನಿ ರಾವ್ಹಾ ಚಿಂತಾ ನಸ್ತಾನಾ ರಾವ್ಹಾ. ಕಾ ಮಂಜೆ ತುಮಿ ಪ್ರಭುಚೆ ಸೇವೆತ್ ಗೆತ್ಯಾಲಾ ತರಾಸ್ ಉಗಸ್ ವ್ಹಯಿತ್ ನಾಹಿ. ತ್ಯ ಸಮಜು಼ನ್ ಪ್ರಭುಚ಼ ಕಾಮ್ ಖಾಯಿಮ್ ಹಾವ್ಸನಿ ಆನಿ ಖಾಯಿಮ್ ಮನ್ ತೆವುನ್ ಕರ್ನಾರಿ ವ್ಹವಾ.