9
ಇಸ್ವಾಸಾತ್ ಆಸ್‌ಲ್ಯಾ ಕ್ರಿಸ್ತಾನಾ ಮಜ಼ತ್ ಕರಾಚಿ
1 ಯುದಾಯಾತ್‌ಲ್ಯಾ ದೇವಾಚಾ ಲೊಕಾಂಚಿ ತುಮಿ ಸೆವಾ ಕರಾಚೆ ಗುಸ್ಟಿತ್ ಮೀ ತುಮಾನಾ ಲಿವಾಚಿ ಗರಜ಼್ ನಾಹಿ.
2 ತುಮ್ಚಾ ಮನಾತ್ ಕ್ಯಾ ಹಾ ಮನ್ಹುನ್ ಮನಾ ಠಾವ ಹಾ. ಗೆಲ್ಯಾಲ್ಯಾ ವರ್ಸಾ ದರ‍್ನಿ ಅಖಾಯಾತ್ಲಿ ಮಜ಼ತ್ ಕರಾಯಾ ತಯಾರ್ ಹುತಿತ ಮನ್ಹುನ್ ಮಕೆದೊನ್ಯಾತ್‌ಲ್ಯಾಂಚೆ಼ ಮೊರ್ಹ ತುಮಾನಾ ವವ್ಯಾಳಿತೊ. ಆನಿ ತುಮ್ಚಿ ಹಾವುಸ್ ತ್ಯಂಚಾತ್‌ಲ್ಯಾ ಖುಬ್ ಲೊಕಾನಾ ಹಾಕ್ಟಿತಿ.
3 ಫನ್ ಮೀ ತುಮಾನಾ ವವ್ಯಾಳ್ಯಾಲಿ ಆಧಾರ್‌ನಸ್ತಾನಾ ಮೀ ಸಾಂಗ್‌ಲ್ಯಾ ಶಾರ್ಕ ತುಮಿ ತಯಾರ್ ಆಸಿಲಾ ಮನ್ಹುನ್ ತ್ಯಾ ಬನ್ಹಿ ಬಾವ್ಹಾನಾ ಲಾವುನ್ ದಿಲ್ಯಾತ.
4 ತುಮಿ ತಯಾರ್ ನಸ್ಲಾಸಾತ ಎಕ್ ಯಳಿ ಮಕೆದೊನ್ಯಾತ್ಲ ಕೊನ್ತರಿ ಮಾಜಿ ಸಂಗ ಯವುನ್ ತುಮಿ ತಯಾರ್ ಜಾ಼ಲ್ಯಾನಸ್‌ಲ್ಯಾಲ ಬಗುನ್ ಆಮಾನಾ ತುಮ್ಚಿವ ಆಸ್ಲಾ ಇಸ್ವಾಸ್ ಥೆವ್‍ಲ್ಯಾ ಮನ್ಹುನ್ ಮನಾ ಲಾಜ಼಼್ವಾಟಲ್; ತುಮಾನಾಬಿ ಲಾಜ಼್ವಾಟಲ್ ಮನ್ಹುನ್ ಮೀ ಆಸಾ ಸಾಂಗ್ತೊ.
5 ಆಸ ಆಸ್ತಾನಾ ಹೆ ಭನ್ಹಿ ಭಾಹು ಆಂದಿಸ್ ತುಮ್ಚಿಪ ಯವುನ್ ತುಮಿ ಆಂದಿಸ್ ದಿಲ್ಯಾಲ್ಯಾ ಸಬ್ದಾಚಿ಼ ದಿನ್ಗಿ ಗೊಳಾಕರಾಯಾ ತುಮಾನಾ ಮಜ಼ತ್ ಕರಾಯಾಸಾಟಿ ಹ್ಯಂಚಿಪ ಮಾಗಾಚ಼ ವ್ಹಯಿಜಾ಼ಲ್ಯಾ ಮನ್ಹುನ್ ಮನಾ ದಿಸತ್ಯಾ. ಆಸ ಉಮೆದಿನಿ ದಿಲ್ಯಾಲಿ ದಿನ್ಗಿ ವ್ಹತಿ.
6 ಫನ್ ಥೊಡ ಪೆರ್ನಾರಾ ಥೊಡಸ್ ಕ್ಯಾಪ್ನಾರ್. ಖುಬ್ ಪೆರ್ನಾರಾ ಖುಬ್ ಕ್ಯಾಪ್ನಾರ್. ಹ್ಯ ತುಮಾನಾ ಠಾವ ರಾಹುನಿ.
7 ಪರತೆಕಾನಿ ಆಪ್‌ಲ್ಯಾ ಆಪ್‌ಲ್ಯಾ ಮನಾತ್ ಥರಿವ್‌ಲ್ಯಾ ತಸ ದಿವುನಿ; ದುಖಾನಿ ವ್ಹವುನಿ ಬಳ್‌ಜು಼ರಿನಿ ವ್ಹವುನಿ ಟುರ್ಟುರುನ್ ವ್ಹವುನಿ ಕುನಿಸ್ ದಿವುನಾಹಿ; ಕಾ ಮಂಜೆ ಹೌಸನಿ ದೆನಾರ‍್ಯಾಚಿ ದೇವ್ ಮಾಯಾ ಕರ್ನಾರ್.
8 ದೇವ್ ಸಗ್ಳೆ ತರಚಾ಼ ದಾನ್ ತುಮಾನಾ ಪುಕಟ್ ದೆನಾರಾ ಜಾ಼ಲ್ಯಾ ಮನ್ಹುನ್, ತುಮಿ ಕವಾಬಿ ಸಗ್ಳೆ ಗುಸ್ಟಿತ್ನಿ ಸಂಪನ್ ವ್ಹವುನ್ ಸಗ್ಳೆ ಮಜ಼ತಿಚಿ ಕಾಮ ಪುಕಟ್ ಕರಾಯಾ ವ್ಹಯಿಸಾ.
9 ಪವಿತ್ರ ಪುತಿಕಾತ್ ಆಸ ಲಿವ್‌ಲ್ಯಾ ತ್ಯೊ ಗರಿಬಾನಾ ಉದಾರ್ ದೆನಾರ್;
ತ್ಯಚಿ಼ ನೀಯತ್ ಶಾಸ್ವತ್ ರಾನಾರ್.
10 ಪೆರ್ನಾರ‍್ಯಾಲಾ ಬೀ, ಖಾನಾರ‍್ಯಾಲಾ ಜೆವಾನ್ ದೆನಾರಾ ತುಮಾನಾಬಿ ಪೆರಾಯಾ ಬೀ ದಿವುನ್ ತ್ಯ ಖುಬ್ ಕರುನ್ ತುಮಚಾ ಚಾ಼ಂಗಲ್ಯಾ ಕಾಮಾನಿ ವ್ಹನಾರ ಫಳ ವಾಡಿವ್ನಾರ್.
11 ಆಸಸ್ ತುಮಿ ಸಗ್ಳೆ ಗುಸ್ಟಿತ್ನಿ ಸಾವ್ಕಾರ್ ವ್ಹವುನ್ ಉದಾರ್ ದಿಯಾ ವ್ಹನಾರ್ ನಾಹಿತ ತುಮಚ಼ ಉದಾರ್ ದೆನ ಆಮ್ಚಾ ಹಾತಾತ್ನಿ ಆನಿ ಯಕಾಲಾ ಗಾವ್ಲತ ತ್ಯ ದೇವಾಲಾ ಉಪ್ಕಾರ ಸ್ತುತಿ ಉತ್ಪನ್ ಕರ್ತ.
12 ಕಸ ಮಂಜೆ ತುಮಿ ಕರ್ತ್ಯಾಲ ಹ್ಯ ಚಾ಼ಂಗ್ಲ ಕಾಮ್ ದೇವಾಚಾ ಪೊರಾಚಾ಼ ತರಾಸ್ ಕ್ಯಾಡ್ನಾರ್ ನಾಹಿತ ಖುಬ್ ತರನಿ ದೇವಾಲಾ ಉಪ್ಕಾರ್ ಸ್ತುತಿ ಉತ್ಪನ್ ಕರಾಯಾ ಹ್ಯಲಾ ಕಾರನ್ ವ್ಹನಾರ್.
13 ತುಮಿ ಕರ್ನಾರಿ ಹ್ಯೀ ಮಜ಼ತ್ ಆನಿ ತುಮಚ಼ ಚಾ಼ಂಗ್ಲ ಮನ್ ಖುಬ್ ಜ಼ನಾಂಚಾನಿ ಬಕ್ತಾನಾ, ತುಮಿ ಕೆಲ್ಯಾಲ್ಯಾ ಕಾಮಾ ಶಾರ್ಕ, ಕ್ರಿಸ್ತಾಚೆ ಬರೆ ಖಬ್ರಿ ಶಾರ್ಕ ಚಾ಼ಲ್ತಾಸಾ ಮನ್ಹುನ್, ತ್ಯನಾಬಿ ಆನಿ ಸಗ್‌ಳ್ಯಾನಾಬಿ ತುಮಿ ಉದಾರ್ ದೆತ್ಯಾಲ್ಯಾತ್ಬಿ ತಿ ದೇವಾಲಾ ಮರ‍್ಯಾದ್ ಆನ್ನಾರ್.
14 ತಸಸ್ ತುಮ್ಚಿಸಾಟಿ ಖುಬ್ ಮನಾನಿ ಮಾಗ್ನ ಕರ್ತ್ಯಾತ ಮನ್ಹುನ್ ದೇವಾಚಿ ಖುಬ್ ಕ್ರುಪಾ ತುಮಾನಾ ಗಾವ್ಲೆ ಮನ್ಹುನ್ ತಿ ತುಮಾನಾ ಬಗಾಯಾ ಮನ್ ಕರ್ತ್ಯಾತ.
15 ಸಾಂಗಾಯಾ ವ್ಹಯಿತ್ನಾಹಿ ಆಸಲ್ಯಾ ದಾನಾಸ್ ಲಾಗುನ್ ದೇವಾಲಾ ಸ್ತುತಿವ್ಹವುನಿ.