3
1 ತುಮಿ ಕ್ರಿಸ್ತಾ ಸಂಗ ಉಟಿವಲ್ಯಾಲ ಜಾ಼ಲಾ ಆಸ್ಲಾಸಾತ ಸ್ವರ್ಗಾತ್ಲ ಜಿನೊಸ್ ತ್ಯವ್ಡಸ್ ಸೊದಾ, ತಿಥ ಕ್ರಿಸ್ತ ದೇವಾಚೆ ಉಜ಼ವ್ಯಾಂಗ್ನಿ ಬಸ್‌ಲ್ಯಾ.
2 ದರ್ಥಿವ ಆಸ್‌ಲ್ಯಾಲ್ಯಾಚೆ ಗುಶ್ಟಿತ್ ನವ್ಹ, ಸ್ವರ್ಗಾತ್ ಆಸ್‌ಲ್ಯಾಲ್ಯಾಚೆ ಗುಶ್ಟಿತ್ ತುಮ್ಚ಼ ಧ್ಯಾನ್ ಥೆವಾ.
3 ಕಾ ಮಂಜೆ ತುಮಿ ಮರುನ್ ಆನಿಕ್ ತುಮಚಾ಼ ಜೀವ್ನಾ ಕ್ರಿಸ್ತಾ ಸಂಗ ದೇವಾಪ ಆಡಶಾ ಹಾ.
4 ತುಮಾನಾ ಜೀವ್‍ ಜಾ಼ಲ್ಯಾಲಾ ಕ್ರಿಸ್ತ್ ದಿಸ್ತಾನಾ ತುಮಿ ಸಾಯಿತ್ ತ್ಯಚಿ ಸಂಗ ಮೈಮೆತ್ ದಿಸ್ನಾರ್.
ಜು಼ನ್ನಾ ನವಾ ಜೀವ್ನಾ
5 ಮನ್ಹುನ್ ತುಮ್ಚಿಪ ಆಸ್‍ಲ್ಯಾಲ್ಯಾ ಹ್ಯಾಲೊಕಾತ್‍ಲ್ಯಾ ಆಶಾ ಮಂಜೆ, ವ್ಯಭಿಚಾರ್, ಪೊದ್ಡ, ಕಾಮಾಭಿಲಾಶೆ, ಬುರ್ಸಿ ಆಶಾ ಆನಿ ಪಾಶಾನ ಪುಜಾ಼ಲಾ ಶಾರ್ಕ ಆಸ್‌ಲ್ಯಾಲಿ ಬುರ್ಸಿ ಆಶಾ ಆಸ್ಲ ಸಗ್ಳ ಮಾರುನ್ ಟಾಕಾ.
6 ಹ್ಯಂಚಿಸ್ ಲಾಗುನ್ ಸಾಂಗ್‌ಲ್ಯಾಲ ಐಕಿತ್‌ ನಸ್‌ಲ್ಯಾಂಚಿವ ದೇವಾಚಾ಼ ರಾಗ್ ಯತೊ.
7 ಆಂದಿ ತುಮಿ ಸಾಯಿತ್ ತಸ್‌ಲ್ಯಾತ್ ಜೀವ್ನಾ ಕರೀತ್ ತ್ಯ ಚಾ಼ಲ್ವಿತಾಸಾ.
8 ಫನ್ ಆತಾತರಿ ಡಾವ್, ರಾಗ್, ಖೊಟಪನ್, ನಿಂದಾ ಆನಿ ಬುರ್ಸ ಬೊಲ್ನ ಸುಡುನ್ದೆವಾ.
9 ಯಕಾಮಕಾಲಾ ಲಬಾಡ್ ಸಾಂಗುನಕೊಸಾ, ಕಾ ಮಂಜೆ ತುಮಿ ಪೈಲ ಸಭಾವ್ ತ್ಯಚಾ ಕಾಮಾಸಕಟ್ ಕಾಡುನ್ ಟ್ಯಾಕ್‌ಲ್ಯಾಸಾ
10 ಆನಿ ನವಾ ಸಭಾವ್ ಗೆತಲ್ಯಾಸಾ. ಹ್ಯೊ ಸಭಾವ್ ಉತ್ಪನ್ ಕೆಲ್ಯಾಲ್ಯಾಚಾ ಗಿನ್ಯಾನಾನಿ ತ್ಯೊ ನವಾ ವ್ಹಯಿತ್ ಯತೊ.
11 ಹ್ಯಾ ಗಿನ್ಯಾನಾತ್ ಗ್ರೀಕ್ ಆನಿ ಯೆಹುದ್ಯಿ ಮನ್ಹುನ್ ಬೇದ್ ಭಾವ್ ನಾಹಿ, ಮುಂಜಿ ಕರುನ್ ಗೆತಲ್ಯಾಲಾ ಆನಿ ಮುಂಜಿ ಕರುನ್ ಗೆತಲ್ಯಾ ನಸ್‌ಲ್ಯಾಲಾ ಮನ್ಯಾಚಾ಼ ಬೇದ್ಬಾವ್ ನಾಹಿ, ವಳ್ಕಿಚಾ಼, ನವಳ್ಕಿಚಾ಼ ಮನ್ಯಾಚಾ಼ ಬೇದ್ಬಾವ್ ನಾಹಿ, ಗುಲಾಮ್, ಸ್ವತಂತ್ರಿ ಮನ್ಯಾಚಾ಼ ಬೇದ್ಬಾವ್ ನಾಹಿ, ತ್ಯಚೆ ಬದ್ಲಿಸ್ ಕ್ರಿಸ್ತುಸ್ ಸಗ್ಳ ಆನಿ ಸರ್ವ್ಯಾತ್ ರಾನ್ಹಾರಾ ಜಾ಼ಲ್ಯಾ.
12 ಆಸ ಆಸ್ತಾನಾ ದೇವಾನಿ ನಿವಡ್‌ಲ್ಯಾಲಿ ವ್ಹವುನ್, ಪವಿತ್ರ ಆನಿ ಮಾಯೆಚಿ ಜಾ಼ಲ್ಯಾಸಾ ಮನ್ಹುನ್ ಕರ್ನಾ, ದಯಾ, ಥಂಡ್ಫನ್, ಬಾರಿಕ್ ಫನ್, ಆನಿ ಖುಬ್ ಶಾಂತಿ ಮನ್ಯಾಚ಼ ಚಾ಼ಂಗಲ್ಯಾ ಗುನಾಂಚಾನಿ ಬರ‍್ಹುನ್ ರಾವ್ಹಾ.
13 ಯಕಾಮಕಾಲಾ ಸುಸ್ವುನ್ ಕುನಾಲಾತರಿ ಆನಿ ಯಕಾವ ಫಿರ‍್ಯಾತ್ ದಿಯಾ ಕಾರನ್ ಆಸ್ಲತರಿ, ಫಿರ‍್ಯಾತ್ ದಿಯಾಚೆ ಆಂದಿ ಮಾಪ್ ಕರಾ, ಪ್ರಭುನಿ ತುಮಾನಾ ಮಾಪ್ ಕೆಲ್ಯಾತಸ ತುಮಿ ಮಾಪ್ ಕರಾ.
14 ಹ್ಯ ಸಗ್ಳ ಯಕ್ ಕರುನ್ ಪುರ್ನ ಕರ್ತ್ಯಾಲೆ ಮಾಯೆನಿ ತುಮಾನಾಸ್ ತುಮಿ ಬರ‍್ಹುನ್ ಗೆವ್ಹಾ.
15 ಕ್ರಿಸ್ತಾಚ಼ ಥಂಡ್ಪನ್ ತುಮ್ಚಾ ಮನಾವ ಹುಕುಮ್ ಚಾ಼ಲ್ವುನಿ. ಹ್ಯನಿಸ್ ಥಂಡ್ಪನಾತ್ ಯಾಕ್ ಶರೀರ್ ವ್ಹವುನ್ ರಾಹ್ಯಾ ತುಮಾನಾ ಹಾಕಟ್‌ಲ್ಯಾ ಆನಿ ಯವ್ಡಸ್ ನವ್ಹ ಕ್ರತಜ್ಞತೆನಿ ರಾವ್ಹಾ.
16 ಕ್ರಿಸ್ತಾಚಾ ವಾಕ್ಯಾ ತುಮ್ಚಿಪ ಖುಬ್ ರಾಹುಂತಾ. ಸಗ್‌ಳ್ಯಾ ಗಿನ್ಯಾನಾನಿ ಯಕಾಮಕಾಲಾ ಸಿಕ್ವಿತ್ ಬುದ್ದಿ ಸಾಂಗಾ. ಕೀರ್ತನಾನಿ, ಸ್ತುತಿಚಾ ಸಬ್ದಾಂಚಾನಿ ಆನಿ ಆತ್ಮಿಕ್ ಗಿತಾಂಚಾನಿ ಆನಿ ತುಮ್ಚಾ ಮನಾತ್ ದೇವಾಲಾ ಕ್ರತಜ್ಞತೆನಿ ಗಿತ್ ಮನ್ಹಾ.
17 ತುಮಿ ಬುಲಿಚಾ಼ಲಿನಿ ವ್ಹವುನಿ ಕ್ಯಾ ಕೆಲಸಾತರಿ ತ್ಯ ಸಗ್ಳ ಪ್ರಭು ಯೇಸುಚಾ ನಾವಾನಿ ಕರಾ ಆನಿ ದೇವಾಲಾ ತ್ಯಚಿಸ್ ಲಾಗುನ್ ಕ್ರತಜ್ಞತಾಸ್ತುತಿ ಕರಾ.
ನವ್ಯಾ ಜೀವ್ನಾತ್ ಸ್ವತಾಚಾ಼ ಸಂಬಂದ್
18 ಬ್ಯಾಯ್ಕಾನು, ತುಮಿ ಪ್ರಭುಪ ಹಾಸಾ ತಸಿ ತುಮ್ಚಾ ದನ್ಗಾರಾಂಚಾ ಸಾಂಗ್‍ನ್ಯಾತ್ ರಾವ್ಹಾ.
19 ದನ್ಗಾರಾನು, ತುಮ್ಚೆ ದನ್ಗರಿಚಿ ಮಾಯಾಕರಾ, ತ್ಯಚಿಸಂಗ ಜೊ಼ರಾನಿ ದಬ್ಯಾವು ನಕೊಸಾ.
20 ಮುಲಾನು, ಸಗ್‌ಳ್ಯಾ ಗುಶ್ಟಿತ್ನಿ ಆಯಿ ಬಾನಿ ಸಾಂಗ್‌ಲ್ಯಾಲ ಐಕಾ, ಕಾಮಂಜೆ ಹ್ಯ ಪ್ರಭುಲಾ ಆವಾಡಲ್ಯಾಲ ಹಾ.
21 ಬಾಸಾನು, ತುಮ್ಚಾ ಮುಲಾನಾ ಡಾಸ್ಳುನ್ ತ್ಯಂಚ಼ ಮನ್ ದುಕ್ವುನಕೊಸಾ.
22 ಚಾ಼ಕ್ರಾನು, ಹೇ ದುನೆತ್‌ಲ್ಯಾ ತುಮ್ಚಾ ದನ್ಯಾಂಚಾನಿ ಸಾಂಗ್‌ಲ್ಯಾಲ ಕರಾ, ಮಾನ್ಸಾನಾ ಆವ್ಡಶಾರ್ಕ ದನ್ಹಿ ಬಗ್‌ತ್ಯಾಲಾ ಆಸ್ಥಾನಾ ತ್ಯವ್ಡಸ್ ಕಾಮ್ ಕರಾಚೆ ಆಂದಿ, ಪ್ರಭುಲಾ ಭಿಹುನ್ ಚಾ಼ಂಗಲ್ಯಾ ಮನಾನಿ ಕಾಮ್ ಕರಾ.
23 ತುಮಿ ಕಸ್ಲ ಕಾಮ್ ಕೆಲಾಸಾ ತರಿ ಮಾನ್ಸಾಸಾಟಿ ಮನ್ಹುನ್ ಕರಾಚೆ ಆಂದಿ ಪ್ರಭುಸಾಟಿ ಮನ್ಹುನ್ ಮನಾನಿ ಕರಾ.
24 ಪ್ರಭುಪ್ನಿ ತುಮಾನಾ ಗಾವಾಚ಼ ಪ್ರತಿಫಳ್ ತುಮಿ ಗೆನಾರ್ ಮನ್ಹುನ್ ಸಮಜು಼ನ್ ಪ್ರಭು ಕ್ರಿಸ್ತಾಚಿ ಸೇವಾ ಕರ್ನಾರಿ ವ್ಹವಾ.
25 ಅನ್ನೆವ್ ಕರ್ನಾರಾ ಆಪ್ನು ಕೆಲ್ಯಾಲ್ಯಾ ಅನ್ನೆವಾ ಶಾರ್ಕಿ ಸಿಕ್ಷಾ ಗೆನಾರ್ ಆನಿ ತ್ಯಚಾ಼ ಸಂಶೆವುಸ್ ನಾಹಿ.