2
ಥೆಸಲೊನಿಕಾತ್ ಪೌಲಾಚ಼ ಕಾಮ
1 ಆಮ್ಚೆ ಬನ್ಹಿ ಬಾವ್ಹಾನು, ಆಮಿ ತುಮ್ಚಿಪ ಆಲ್ಯಾಲ ಫುಕಟ್ ಜಾ಼ಲನಾಹಿ ಮನ್ಹುನ್ ತುಮಾನಾ ಸಮಾಜ಼್ಲ.
2 ಆಮಿ ತುಮ್ಚಿಕ್ಡ ಥೆಸಲೊನಿಕಾತ್ ಯಯಾಚೆ ಆಂದಿ ಪಿಲಿಪ್ಪಿತ್ ಆಮಾನಾ ಕಸ ಚಾ಼ಲಿವ್ಲ ಆನಿ ಆಮ್ಚಿ ಕಸಿ ನಿಂದಾ ಕಿಲಿ ತುಮಾನಾ ಠಾವ ಹಾ. ಖುಬ್ ತರಾಸ್ ಆಸ್ಥಾನಾ ಆಮ್ಚಾ ದೇವಾನಿ ಆಮಾನಾ ಧೀರ್ ದಿವುನ್ ತ್ಯಚಿಪ್ನಿ ಆಲ್ಯಾಲಿ ಚಾ಼ಂಗ್ಲಿ ಖಬರ್ ಸಾಂಗಾಯಾ ಧಿರ್ ದಿಲ್ಯಾ
3 ಕಾ ಮಂಝೆ ಆಮಚ಼ ಸಿಕಿವ್ನ ಲಬಾಡ್ ನವ್ಹ, ಬುರ್ಸ ನವ್ಹ, ಮೋಸ್ ನವ್ಹ;
4 ಹ್ಯಚೆ ಬದಲಿ ದೇವಾನಿ ಆಮ್ಚಿ ಪಾರಕ್ ಕರುನ್ ಆಮಿ ಇಸ್ವಾಸಾಚ಼ ಮನ್ಹುನ್ ಬರಿ ಖಬರ್ ಆಮ್ಚಾ ತಾಬ್ಯಾತ್ ದೀಲೆ ಮನ್ಹುನ್ಸ ಯವಜು಼ನ್ ಮಾನ್ಸಾನಾ ಆವ್ಡಾಲಾ ವ್ಹಯಿ ಮನ್ಹುನ್ ನವ್ಹ ಮನಾತ್ಲ ಸಮಜು಼ನ್ ಗೆಥ್ಯಾಲ್ಯಾ ದೇವಾಲಾ ಆವ್ಡಾಯಾ ವ್ಹಯಿ ಮನ್ಹುನ್ ಬೊಲ್ತಾವ್.
5 ತುಮಾನಾ ಸಮಾಜ಼್‌ಲ್ಯಾ ಶಾರ್ಕ ಆಮಿ ತೊಂಡಾ ಮೊರ‍್ಹ ಬೊಲ್‌ತ್ಯಾಲ ಮನ್ಹುನ್ ದಿಸುನ್ ಆಲಾವ್ ನಾಹಿ, ಆನಿ ಪೈಶಾಂಚೆ ಆಶೆನಿ ತುಮಾನಾ ಫಸ್ವಾಯಾ ಆಲಾವ್ ನಾಹಿ; ಹ್ಯಲಾ ದೇವುಸ್‍ ವಳಕ್.
6 ಆಮಿ ತುಮ್ಚಿಪ್ನಿ ನಾಹಿತ ದುಸ್‌ರ‍್ಯಾಪ್ನಿ ಮರ‍್ಯಾದ್ ಗಿಯಾ ಯತ್ನ ಕಿಲಿ ನಾಹಿತ.
7 ಆಮಿ ಕ್ರಿಸ್ತಾಚ಼ ಆಪೋಸ್ತಲ್ ಆಸುನ್ ತುಮ್ಚಿಪ್ನಿ ಮರ‍್ಯಾದ್ ಇಚಾರಾಯಾ ಗಾವತಿ. ಫನ್ ಕಸಿ ಆಯಿ ಆಪ್‌ಲ್ಯಾ ಪೊರಾಲಾ ಸಂಬ್ಯಾಳ್ತಿ ತಸಿಸ್ ತುಮಿ ಸಾಹಿತ್ ಆಮ್ಚಿಪ ಆಸ್ಥಾನಾ ಆಮಿಬಿ ತುಮ್ಚಿ ಸಂಗ ಖುಬ್ ಥಂಡ್ಪನಾನಿ ಚಾ಼ಲ್ಯಾವ್.
8 ಕಾ ಮಂಜೆ ತುಮಿ ಆಮಾನಾ ಖುಬ್ ಮಾಯೆಚ಼ ಮನ್ಹುನ್ ಆಮಿ ತುಮ್ಚಿಪ ಮಾಯೆನಿ ದೇವಾಚಿ ಬರಿ ಖಬರ್ ಸಾಂಗಾಯಾ ತ್ಯವ್ಡಿಸ್ ನವ್ಹ ತುಮ್ಚಿ ಸಾಟಿ ಜೀವ್ನಾಬಿ ವ್ಯಾಟ್ಲಾ. ತುಮಿ ಆಮನಾ ಖುಬ್ ಮಾಯೆಚಿ ಜಾ಼ಲ್ಯಾಸಾ.
9 ಖರ‍್ಯಾನಿಸ್ ಬನ್ಹಿ ಬಾವ್ಹಾನು ಆಮಿ ತುಮ್ಚಿಪ ಕುನಾಲಾ ವಜ಼ ವ್ಹವು ನಾಹಿ ಮನ್ಹುನ್ ರ‍್ಯಾತ್ ದೀಸ್ ರಾಬುನ್ ಜೀವ್ನಾ ಚಾ಼ಲ್ವಿತ್ ದೇವಾಚಿ ಬರಿ ಖಬರ್ ತುಮಾನಾ ಸಾಂಗ್ಲಿ; ತ್ಯೊ ಆಮಚಾ಼ ತರಾಸ್ ಯತ್ನ ತುಮ್ಚೆ ಯದತ್ ಹಾ.
10 ಇಸ್ವಾಸ್ ಥೆವ್ನಾರ‍್ಯಾನು ತುಮ್ಚೆ ಗುಶ್ಟಿತ್ ಆಮಿ ಕ್ಯವ್ಡ ನಿಶ್ಚಳ್ ವ್ಹವುನ್ ನೀಯತಿಚ಼ ವ್ಹವುನ್ ಚು಼ಕ್ ನಸ್‌ಲ್ಯಾಲ ವ್ಹವುನ್ ಚಾ಼ಲ್ಯಾವ್ ಮನ್ಹುನ್ ತುಮಿಸ್ ವಳಕ್ ಜಾಲ್ಯಾಸಾ, ಆನಿ ದೇವ್ಬಿ ಹ್ಯಲಾ ವಳಕ್ ಜಾ಼ಲ್ಯಾ.
11 ತುಮಾನಾ ಠಾವ ಹಾ ಕಸಾ ಯೊಕ್ ಬಾ ಆಪ್‌ಲ್ಯಾ ಪ್ಯೊರ್‌ಗ್ಯಾ ಸಂಗ ಚಾ಼ಲ್ತೊ ಆಮಿ ಸಾಹಿತ್ ಪರತೇಕಾ ಸಂಗ್ನಿ ಚಾ಼ಲ್ಲಾವ್.
12 ಆಮಿ ತುಮಾನಾ ಉಮೇದ್ ದಿಲಿ ಆನಿ ಸಾಂತ್ವನ್ ದಿಲಿ ಆನಿ ಆಮಿ ಇನಂತಿ ಕರಿತ್ ಹುತ್ತಾವ್ ತುಮಚಾ಼ ಜೀವ್ನಾ ದೇವಾಲಾ ಆವ್ಡಸಾರಾ ಚಾ಼ಲ್ವಾಯಾ ವ್ಹಯಿ. ತ್ಯನಿ ತುಮಾನಾ ಆಪಲ್ಯಾ ರಾಜೆತ್ ಆನಿ ಮೈಮೆತ್ ವಾಟದಾರ್ ವ್ಹಯಾ ಹಾಕಟ್‌ಲ್ಯಾ.
13 ಆಮಿ ತುಮ್ಚಿಸಾಟಿ ದೇವಾಲಾ ಖಾಯಿಮ್ ವವ್ಯಾಳಾಯಾಸಾಟಿ ಆನಿ ಯಾಕ್ ಕಾರನ್ ಹಾ ಆಮಿ ದೇವಾಚಿ ಬರಿ ಖಬರ್ ತುಮ್ಚಿಪ ಆನ್ಲಿ ತವಾ ತುಮಿ ತೀ ಐಕುನ್ ಗಿತ್ಲಿಸಾ ತೇ ದೇವಾಚ಼ ಸಬಾತ್ ಮನ್ಹುನ್ ವ್ಹಯ್ ಮನ್ಲಾಸಾ ತ್ಯ ಮಾನ್ಸಾಂಚ಼ ಸಬಾತ್ ನವ್ಹತ ತೆ ಖರ‍್ಯಾನಿಸ್ ದೇವಾಚಿ ಖಬರ್ ಹ್ಯಸ್ ತುಮಚಾ಼ ಇಸ್ವಾಸ್ ಘಟ್ ಕರ್ತ.
14 ಆಮ್ಚಾ ಬನ್ಹಿ ಬಾವ್ಹಾನು ಕ್ರಿಸ್ತಾಲಾ ಸಮನ್ ಆಸ್‌ಲ್ಯಾಲ ಯುದಾಯಾತ್‌ಲ್ಯಾ ಮೇಳ್ಯಾತ್ಲಿ ಲೊಕ ಯಹುದ್ಯಾಂಚಾಪ್ನಿ ತರಾಸ್ ಗೇನಾರ್ ಆಸಸ್ ತುಮಿ ತುಮ್ಚಾ ಲೊಕಾಂಚಿಪ್ನಿ ತರಾಸ್ ಗೇತ್ಲಾಸಾ.
15 ತ್ಯಂಚಾನಿ ಪ್ರಭು ಜಾ಼ಲ್ಯಾಲ್ಯಾ ಯೇಸುಲಾ ಆನಿ ಪ್ರವಾದಿನಾ ಮ್ಯಾರ್ಲ, ಆಮಾನಾ ತರಾಸ್ ದಿಲಾ; ಆನಿ ತೇ ದೇವಾಲಾ ವವ್ಯಾಳ್‌ತ್ಯಾಲ ನವ್ತ, ಆನಿ ತೇ ಸಗ್‍ಳ್ಯಾ ಲೊಕಾನಾ ವಾದಿ ಜಾ಼ಲ್ಯಾತ;
16 ಯಹೂದಿ ನಸ್‌ಲ್ಯಾಲ್ಯಾ ದಿಸರ‍್ಯಾ ಲೊಕಾನಾ ರಕ್ಷನ್ ವ್ಹಯಾ ಬರಿ ಖಬರ್ ಸಾಂಗ್‌ತ್ಯಾಲ ಥಾಂಬಿವ್ಲ; ಆಸಿ ತ್ಯಂಚಿ ಪಾಪಾಂಚಿ ಕಾಮ ಬರ‍್ಹುನ್ ಉತು ಆಲ್ಯಾತ. ಮಂಗ್ ದೇವಾಚಾ಼ ರಾಗ್ ತ್ಯಂಚಿವ ಆಲ್ಯಾ.
ಆನಿ ಯಂಗ್ದಾ ತ್ಯನಾ ಮಿಳಾಚ಼ ಪೌಲಾಚ಼ ಮನ್
17 ಮಾಜಾ ಬನ್ಹಿ ಬಾವ್ಹಾನು ಆಮಿ ಥೊಡ್ಯಾ ಯಳಾಲಾ ತುಮ್ಚಿಪ್ನಿ ದುರ್ ಜಾ಼ಲ್ಥಾವ್ ಯವಜ಼್‌ನ್ಯಾನಿ ನವ್ಹ ಶರಿರಾನಿ ಆಮಿ ತುಮಾನಾ ಆನಿ ಯಂಗ್ದಾ ಮಿಳಾಯಾ ಕ್ಯವ್ಡಿ ಯತ್ನ ಕಿಲಿತ.
18 ಕಾ ಮಂಝೆ ತುಮ್ಚಿಪ ಯಯಾ ಆಮಾನಾ ಮನ್ ಹುತ್ತ; ಪೌಲ್‌ ಮಂತ್ಯಾಲಾ ಮಿ ಖುಬ್ ಖೆಪಾ ಯನಾರಾ ಹುತೊ; ಖರ ಸೈತಾನಾನಿ ಆಮಾನಾ ಥಾಂಬಿವ್ಲ.
19 ಸರ್ತ್ಯಾ ಯಳಾಲಾ ತುಮಿ ದುಸ್‌ರ‍್ಯಾವ್ನಿ ಕಮ್ಮಿ ನಾಹಿಸಾ ಆಮಚಾ಼ ಪ್ರಭು ಜಾ಼ಲ್ಯಾಲಾ ಕ್ರಿಸ್ತ ಯೇಸು ಯತಾನಾ ತುಮಿ ಆಮ್ಚಿ ಆಶಾ ಆಮಚಾ಼ ಆನಂದ್ ಆನಿ ಆಮಿ ಸನ್ಮಾನ್ ಕರಾಯಾ ಕಾರನ್ ತುಮಿ ಹಾಸಾ.
20 ತುಮಿ ಆಮಚಾ಼ ಸನ್ಮಾನ್ ಆನಿ ಆನಂದ್ ಜಾ಼ಲ್ಯಾಸಾ.