Η Καινή Διαθήκη 1 Thessalonians 1

ΠΡΟΣ ΘΕΣΣΑΛΟΝΙΚΕΙΣ Α΄

Opening considerations

Greeting

1 Παῦλος καὶ Σιλουανὸς καὶ Τιμόθεος τῇ ἐκκλησίᾳ Θεσσαλονικέων ἐν Θεῷ Πατρὶ καὶ Κυρίῳ Ἰησοῦ Χριστῷ· Χάρις ὑμῖν καὶ εἰρήνη ἀπὸ Θεοῦ Πατρὸς ἡμῶν καὶ Κυρίου Ἰησοῦ Χριστοῦ.*

The Thessalonians are praised

2 Εὐχαριστοῦμεν τῷ Θεῷ πάντοτε περὶ πάντων ὑμῶν, μνείαν ὑμῶν† ποιούμενοι ἐπὶ τῶν προσευχῶν ἡμῶν, 3 ἀδιαλείπτως μνημονεύοντες ὑμῶν τοῦ ἔργου τῆς πίστεως καὶ τοῦ κόπου τῆς ἀγάπης καὶ τῆς ὑπομονῆς τῆς ἐλπίδος, τοῦ Κυρίου ἡμῶν Ἰησοῦ Χριστοῦ, ἔμπροσθεν τοῦ Θεοῦ καὶ Πατρὸς ἡμῶν, 4 εἰδότες, ἀδελφοὶ ἠγαπημένοι ὑπὸ‡ Θεοῦ, τὴν ἐκλογὴν ὑμῶν.

They became examples

5 Ὅτι τὸ εὐαγγέλιον ἡμῶν οὐκ ἐγενήθη εἰς ὑμᾶς ἐν λόγῳ μόνον, ἀλλὰ καὶ ἐν δυνάμει καὶ ἐν§ Πνεύματι Ἁγίῳ καὶ ἐν* πληροφορίᾳ πολλῇ (καθὼς οἴδατε οἷοι ἐγενήθημεν ἐν† ὑμῖν δι᾿ ὑμᾶς). 6 Καὶ ὑμεῖς μιμηταὶ ἡμῶν ἐγενήθητε καὶ τοῦ Κυρίου, δεξάμενοι τὸν λόγον ἐν θλίψει πολλῇ μετὰ χαρᾶς Πνεύματος Ἁγίου, 7 ὥστε γενέσθαι ὑμᾶς τύπους‡ πᾶσιν τοῖς πιστεύουσιν ἐν τῇ Μακεδονίᾳ καὶ§ Ἀχαΐᾳ. 8 Ἀφ᾿ ὑμῶν γὰρ ἐξήχηται ὁ λόγος τοῦ Κυρίου, οὐ μόνον ἐν τῇ Μακεδονίᾳ καὶ ἐν τῇ* Ἀχαΐᾳ ἀλλὰ καὶ† ἐν παντὶ τόπῳ—ἡ πίστις ὑμῶν ἡ πρὸς τὸν Θεὸν ἐξελήλυθεν, ὥστε μὴ χρείαν ἡμᾶς ἔχειν‡ λαλεῖν τι.

Their hope

9 Αὐτοὶ γὰρ περὶ ὑμῶν§ ἀπαγγέλλουσιν* ὁποίαν εἴσοδον ἔσχομεν† πρὸς ὑμᾶς, καὶ πῶς ἐπεστρέψατε πρὸς τὸν Θεὸν ἀπὸ τῶν εἰδώλων δουλεύειν Θεῷ ζῶντι καὶ ἀληθινῷ, 10 καὶ ἀναμένειν τὸν Υἱὸν αὐτοῦ ἐκ τῶν οὐρανῶν (ὃν ἤγειρεν ἐκ τῶν‡ νεκρῶν)—Ἰησοῦν, τὸν ῥυόμενον ἡμᾶς ἀπὸ§ τῆς ὀργῆς τῆς ἐρχομένης.

* 1:1 απο θεου πατρος ημων και κυριου ιησου χριστου f35 ℵA,I (85.6%) RP,HF,OC,TR,CP ¦ 1235678 (3.9%) ¦ 123 υμων 5678 (1.3%) ¦ ~ 12356478 (1.2%) ¦ — B (7.5%) NU ¦ two other readings (0.5%) † 1:2 υμων f35 C [95%] RP,HF,OC,TR,CP ¦ — ℵA,B,I [5%] NU ‡ 1:4 υπο f35 B [80%] RP,HF,OC,TR,CP ¦ 1 του ℵA,C [20%] [NU] § 1:5 εν rell ¦ — [20%] CP * 1:5 εν f35 A,C [98%] RP,HF,OC,TR,CP[NU] ¦ — ℵB [2%] † 1:5 εν f35 B [95%] RP,HF,OC,TR,CP[NU] ¦ — ℵA,C,048 [5%] ‡ 1:7 τυπους f35 ℵA,C [95%] RP,HF,OC,TR,CP ¦ τυπον B [5%] NU § 1:7 και f35 [40%] CP ¦ 1 τη [30%] RP,HF,TR ¦ 1 εν τη ℵA,B,C [30%] OC,NU (OC has εν in small print.) * 1:8 εν τη f35 ℵC [80%] RP,HF,OC,CP[NU] ¦ 2 [5%] ¦ — B [15%] TR ¦ A omits whole clause † 1:8 αλλα και f35 [90%] RP,HF,OC,TR,CP ¦ αλλ (ℵ)A,B,C [10%] NU ‡ 1:8 ημας εχειν f35 [85%] RP,HF,OC,TR ¦ ~ 21 ℵA,C [15%] CP,NU ¦ ~ 2 υμας B § 1:9 υμων f35 B [40%] ¦ ημων ℵA,C [60%] RP,HF,OC,TR,CP,NU * 1:9 απαγγελλουσιν rell ¦ απαγγελουσιν [15%] † 1:9 εσχομεν f35 ℵA,B,C [95%] RP,HF,OC,CP,NU ¦ εχομεν [5%] TR ‡ 1:10 των f35 ℵB,I [95%] RP,HF,OC[NU] ¦ — 𝕻46vA,C [5%] TR,CP § 1:10 απο f35 C [96%] RP,HF,OC,TR,CP ¦ εκ ℵA,B [4%] NU