Η Καινή Διαθήκη 1 Thessalonians 4

Holiness pleases God

1 Τὸ* λοιπὸν οὖν,† ἀδελφοί, ἐρωτῶμεν ὑμᾶς καὶ παρακαλοῦμεν ἐν Κυρίῳ Ἰησοῦ·‡ καθὼς παρελάβετε παρ᾿ ἡμῶν τὸ πῶς δεῖ ὑμᾶς περιπατεῖν καὶ ἀρέσκειν Θεῷ,§ ἵνα περισσεύητε μᾶλλον 2 —οἴδατε γὰρ τίνας παραγγελίας ἐδώκαμεν ὑμῖν διὰ τοῦ Κυρίου Ἰησοῦ.

Sanctified sex

3 Τοῦτο γάρ ἐστιν θέλημα τοῦ* Θεοῦ, ὁ ἁγιασμὸς ὑμῶν· ἀπέχεσθαι ὑμᾶς ἀπὸ τῆς πορνείας· 4 εἰδέναι ἕκαστον ὑμῶν τὸ ἑαυτοῦ σκεῦος κτᾶσθαι ἐν ἁγιασμῷ καὶ τιμῇ, 5 μὴ ἐν πάθει ἐπιθυμίας (καθάπερ καὶ τὰ ἔθνη τὰ μὴ εἰδότα τὸν Θεόν)· 6 τὸ μὴ ὑπερβαίνειν καὶ πλεονεκτεῖν ἐν τῷ πράγματι τὸν ἀδελφὸν αὐτοῦ, διότι ἔκδικος ὁ † Κύριος περὶ πάντων τούτων, καθὼς καὶ προείπομεν‡ ὑμῖν§ καὶ διεμαρτυράμεθα.* 7 Οὐ γὰρ ἐκάλεσεν ἡμᾶς† ὁ Θεὸς ἐπὶ ἀκαθαρσίᾳ, ἀλλ᾿ ἐν ἁγιασμῷ. 8 Τοιγαροῦν, ὁ ἀθετῶν οὐκ ἄνθρωπον ἀθετεῖ ἀλλὰ τὸν Θεόν, τὸν καὶ‡ δόντα§ τὸ Πνεῦμα αὐτοῦ τὸ Ἅγιον εἰς ὑμᾶς.*

An impressive life style

9 Περὶ δὲ τῆς φιλαδελφίας οὐ χρείαν ἔχετε† γράφειν ὑμῖν, αὐτοὶ γὰρ‡ θεοδίδακτοί ἐστε εἰς τὸ ἀγαπᾶν ἀλλήλους, 10 καὶ γὰρ ποιεῖτε αὐτὸ εἰς πάντας τοὺς ἀδελφοὺς τοὺς§ ἐν ὅλῃ τῇ Μακεδονίᾳ. Παρακαλοῦμεν δὲ ὑμᾶς, ἀδελφοί, περισσεύειν μᾶλλον, 11 καὶ φιλοτιμεῖσθαι ἡσυχάζειν καὶ πράσσειν τὰ ἴδια, καὶ ἐργάζεσθαι ταῖς ἰδίαις* χερσὶν ὑμῶν (καθὼς ὑμῖν παρηγγείλαμεν), 12 ἵνα περιπατῆτε† εὐσχημόνως πρὸς τοὺς ἔξω, καὶ μηδενὸς χρείαν ἔχητε.

Christ’s second coming

The Rapture

13 Οὐ θέλομεν‡ δὲ ὑμᾶς ἀγνοεῖν, ἀδελφοί, περὶ τῶν κεκοιμημένων,§ ἵνα μὴ λυπῆσθε καθὼς καὶ οἱ λοιποί, οἱ μὴ ἔχοντες ἐλπίδα. 14 Εἰ γὰρ πιστεύομεν ὅτι Ἰησοῦς ἀπέθανεν καὶ ἀνέστη, οὕτως καὶ ὁ Θεὸς τοὺς κοιμηθέντας διὰ τοῦ Ἰησοῦ ἄξει σὺν αὐτῷ. 15 Τοῦτο γὰρ ὑμῖν λέγομεν ἐν λόγῳ Κυρίου, ὅτι ἡμεῖς οἱ ζῶντες, οἱ περιλειπόμενοι εἰς τὴν παρουσίαν τοῦ Κυρίου, οὐ μὴ φθάσωμεν τοὺς κοιμηθέντας· 16 ὅτι αὐτὸς ὁ Κύριος—ἐν κελεύσματι, ἐν φωνῇ ἀρχαγγέλου καὶ ἐν σάλπιγγι Θεοῦ—καταβήσεται ἀπ᾿ οὐρανοῦ, καὶ οἱ νεκροὶ ἐν Χριστῷ ἀναστήσονται πρῶτον· 17 ἔπειτα ἡμεῖς οἱ ζῶντες, οἱ περιλειπόμενοι, ἅμα σὺν αὐτοῖς ἁρπαγησόμεθα ἐν νεφέλαις εἰς ἀπάντησιν τοῦ Κυρίου εἰς ἀέρα. Καὶ οὕτως πάντοτε σὺν Κυρίῳ ἐσόμεθα. 18 Ὥστε παρακαλεῖτε ἀλλήλους ἐν τοῖς λόγοις τούτοις.

* 4:1 το f35 [50%] OC,TR,CP ¦ — ℵA,B [50%] RP,HF,NU † 4:1 ουν rell ¦ — B [20%] ‡ 4:1 ιησου f35 ℵA [94%] RP,HF,OC,TR,CP ¦ 1 ινα B [6%] NU § 4:1 θεω f35 [90%] RP,HF,OC,TR,CP ¦ 1 καθως και περιπατειτε ℵA,B [10%] NU * 4:3 του rell ¦ — [10%] † 4:6 ο f35 [98%] RP,HF,OC,TR,CP ¦ — ℵA,B [2%] NU ‡ 4:6 προειπομεν f35 [75%] RP,OC,CP ¦ προειπαμεν ℵA,B [25%] HF,TR,NU § 4:6 υμιν rell ¦ ημιν CP * 4:6 διεμαρτυραμεθα rell ¦ διεμαρτυρομεθα [40%] † 4:7 ημας f35 ℵA,B [90%] RP,HF,OC,TR,CP,NU ¦ υμας [10%] ‡ 4:8 και f35 ℵ [85%] RP,HF,OC,TR,CP[NU] ¦ — A,B,I [15%] § 4:8 δοντα f35 A [97%] RP,HF,OC,TR,CP ¦ διδοντα ℵB,I [3%] NU * 4:8 υμας f35 ℵB [96%] RP,HF,OC,NU ¦ ημας A [4%] TR,CP † 4:9 εχετε f35 ℵA [90%] RP,HF,OC,TR,CP,NU ¦ εχομεν [10%] ¦ ειχομεν B,I ‡ 4:9 γαρ f35 [30%] ¦ 1 υμεις ℵA,B [70%] RP,HF,OC,TR,CP,NU § 4:10 τους f35 B [97%] RP,HF,OC,TR,CP[NU] ¦ — ℵA [3%] * 4:11 ιδιαις f35 ℵA [93%] RP,HF,OC,TR,CP[NU] ¦ — B [7%] † 4:12 περιπατητε rell ¦ περιπατειτε [10%] CP ‡ 4:13 θελομεν f35 ℵA,B [95%] RP,HF,OC,CP,NU ¦ θελω [5%] TR § 4:13 κεκοιμημενων f35 [97%] RP,HF,OC,TR,CP ¦ κοιμωμενων ℵA,B [3%] NU