2
Judgment
Διὸ ἀναπολόγητος εἶ, ἄνθρωπε, πᾶς κρίνων, ἐν γὰρ κρίνεις τὸν ἕτερον, σεαυτὸν κατακρίνεις, τὰ γὰρ αὐτὰ πράσσεις, κρίνων. Οἴδαμεν δὲ ὅτι τὸ κρῖμα τοῦ Θεοῦ ἐστιν κατὰ ἀλήθειαν ἐπὶ τοὺς τὰ τοιαῦτα πράσσοντας. Λογίζῃ δὲ τοῦτο, ἄνθρωπε, κρίνων τοὺς τὰ τοιαῦτα πράσσοντας καὶ ποιῶν αὐτά, ὅτι σὺ ἐκφεύξῃ* τὸ κρῖμα τοῦ Θεοῦ; τοῦ πλούτου τῆς χρηστότητος αὐτοῦ καὶ τῆς ἀνοχῆς καὶ τῆς μακροθυμίας καταφρονεῖς, ἀγνοῶν ὅτι τὸ χρηστὸν τοῦ Θεοῦ εἰς μετάνοιάν σε ἄγει; Κατὰ δὲ τὴν σκληρότητά σου καὶ ἀμετανόητον καρδίαν θησαυρίζεις σεαυτῷ ὀργὴν ἐν ἡμέρᾳ ὀργῆς καὶ ἀποκαλύψεως καὶ δικαιοκρισίας τοῦ Θεοῦ, ὃς ἀποδώσει ἑκάστῳ κατὰ τὰ ἔργα αὐτοῦ· τοῖς μέν, καθ᾿ ὑπομονὴν ἔργου ἀγαθοῦ, δόξαν καὶ τιμὴν καὶ ἀφθαρσίαν ζητοῦσινζωὴν αἰώνιον· τοῖς δέ, ἐξ ἐριθείας, καὶ ἀπειθοῦσιν μὲν§ τῇ ἀληθείᾳ (πειθομένοις δὲ τῇ ἀδικίᾳ)—θυμὸς καὶ ὀργή,* θλῖψις καὶ στενοχωρία, ἐπὶ πᾶσαν ψυχὴν ἀνθρώπου τοῦ κατεργαζομένου τὸ κακόν, Ἰουδαίου τε (πρῶτον) καὶ Ἕλληνος· 10 δόξα δὲ καὶ τιμὴ καὶ εἰρήνη παντὶ τῷ ἐργαζομένῳ τὸ ἀγαθόν, Ἰουδαίῳ τε (πρῶτον) καὶ Ἕλληνι.
11 Οὐ γάρ ἐστιν προσωποληψία παρὰ τῷ Θεῷ. 12 Ὅσοι γὰρ ἀνόμως ἥμαρτον, ἀνόμως καὶ ἀπολοῦνται· καὶ ὅσοι ἐν νόμῳ ἥμαρτον, διὰ νόμου κριθήσονται. 13 Οὐ γὰρ οἱ ἀκροαταὶ τοῦ νόμου δίκαιοι παρὰ τῷ§ Θεῷ, ἀλλ᾿ οἱ ποιηταὶ τοῦ* νόμου δικαιωθήσονται 14 (ὅταν γὰρ ἔθνη τὰ μὴ νόμον ἔχοντα φύσει τὰ τοῦ νόμου ποιῇ, οὗτοι, νόμον μὴ ἔχοντες, ἑαυτοῖς εἰσιν νόμος· 15 οἵτινες ἐνδείκνυνται τὸ ἔργον τοῦ νόμου γραπτὸν ἐν ταῖς καρδίαις αὐτῶν, συμμαρτυρούσης αὐτῶν τῆς συνειδήσεως, καὶ μεταξὺ ἀλλήλων τῶν λογισμῶν κατηγορούντων καὶ ἀπολογουμένων) 16 ἐν ἡμέρᾳ ὅτε κρινεῖ Θεὸς τὰ κρυπτὰ τῶν ἀνθρώπων, κατὰ τὸ εὐαγγέλιόν μου, διὰ Ἰησοῦ Χριστοῦ.
To Jews
Law
17 Ἴδε,§ σὺ Ἰουδαῖος ἐπονομάζῃ, καὶ ἐπαναπαύῃ τῷ* νόμῳ, καὶ καυχᾶσαι ἐν Θεῷ, 18 καὶ γινώσκεις τὸ Θέλημα, καὶ δοκιμάζεις τὰ διαφέροντα, κατηχούμενος ἐκ τοῦ νόμου· 19 πέποιθάς τε σεαυτὸν ὁδηγὸν εἶναι τυφλῶν, φῶς τῶν ἐν σκότει, 20 παιδευτὴν ἀφρόνων, διδάσκαλον νηπίων, ἔχοντα τὴν μόρφωσιν τῆς γνώσεως καὶ τῆς ἀληθείας ἐν τῷ νόμῳ. 21  οὖν διδάσκων ἕτερον, σεαυτὸν οὐ διδάσκεις; κηρύσσων μὴ κλέπτειν, κλέπτεις; 22  λέγων μὴ μοιχεύειν, μοιχεύεις; βδελυσσόμενος τὰ εἴδωλα, ἱεροσυλεῖς; 23 Ὃς ἐν νόμῳ καυχᾶσαι, διὰ τῆς παραβάσεως τοῦ νόμου τὸν Θεὸν ἀτιμάζεις; 24 «Τὸ γὰρ ὄνομα τοῦ Θεοῦ δι᾿ ὑμᾶς βλασφημεῖται ἐν τοῖς ἔθνεσινκαθὼς γέγραπται.
Circumcision
25 Περιτομὴ μὲν γὰρ ὠφελεῖ ἐὰν νόμον πράσσῃς, ἐὰν δὲ παραβάτης νόμου ᾖς, περιτομή σου ἀκροβυστία γέγονεν. 26 Ἐὰν οὖν ἀκροβυστία τὰ δικαιώματα τοῦ νόμου φυλάσσῃ,§ οὐχὶ* ἀκροβυστία αὐτοῦ εἰς περιτομὴν λογισθήσεται; 27 Καὶ κρινεῖ ἐκ φύσεως ἀκροβυστία τὸν νόμον τελοῦσα, σὲ τὸν διὰ γράμματος καὶ περιτομῆς παραβάτην νόμου; 28 Οὐ γὰρ ἐν τῷ φανερῷ Ἰουδαῖός ἐστιν, οὐδὲ ἐν τῷ φανερῷ ἐν σαρκὶ περιτομή· 29 ἀλλ᾿ ἐν τῷ κρυπτῷ Ἰουδαῖος, καὶ περιτομὴ καρδίαςἐν πνεύματι, οὐ γράμματιοὗ ἔπαινος οὐκ ἐξ ἀνθρώπων ἀλλ᾿ ἐκ τοῦ Θεοῦ.
* 2:3 εκφευξη rell ¦ εκφευξει [15%] 2:5 και f35 [93.5%] OC,RP,HF,CP ¦ — ℵA,B [1.5%] TR,NU ¦ της [5%] [OC is in small print] 2:7 ζητουσιν rell ¦ επιζητουσι [2%] CP § 2:8 μεν f35 A [99%] OC,RP,HF,TR,CP ¦ — ℵB [1%] NU * 2:8 θυμος και οργη f35 [97.5%] OC,RP,HF,TR,CP ¦ ~ 321 ℵ(A)B [2.5%] NU 2:11 προσωποληψια rell ¦ προσωπολημψια ℵA,B [1%] NU ¦ three other spellings 2:13 του f35 [97%] OC,RP,HF,TR,CP ¦ — ℵA,B [3%] NU § 2:13 τω f35 ℵA [98%] OC,RP,HF,TR,CP[NU] ¦ — B [2%] * 2:13 του f35 [95%] OC,RP,HF,TR,CP ¦ — ℵA,B [5%] NU 2:14 ποιη f35 [68.5%] OC,RP,HF,TR,CP ¦ ποιει [25%] ¦ ποιωσιν ℵA,B [1.5%] NU ¦ ποιουσιν [5%] 2:16 ιησου χριστου f35 A [99%] OC,RP,HF,TR,CP ¦ ~ 21 ℵB [1%] NU § 2:17 ιδε f35 [85%] OC,RP,HF,TR ¦ ει δε ℵA,B [12%] CP,NU ¦ η δε [3%] * 2:17 τω f35 [98%] OC,RP,HF,TR,CP ¦ — ℵA,B [2%] NU 2:17 καυχασαι rell ¦ καυχαση CP ¦ καυχασε [7%] 2:25 πρασσης rell ¦ πρασσεις [10%] ¦ four other spellings § 2:26 φυλασση rell ¦ φυλασσει [10%] ¦ two other spellings * 2:26 ουχι f35 [97%] OC,RP,HF,TR,CP ¦ ουχ ℵB [2%] NU ¦ — A ¦ two other spellings and two long omissions [1%] 2:29 του rell ¦ — [2%] CP