Η Καινή Διαθήκη ΙΑΚΩΒΟΥ ΕΠΙΣΤΟΛΗ 2

Warning Against Partiality

1 Ἀδελφοί μου, μὴ ἐν *προσωποληψίαις ἔχετε τὴν πίστιν τοῦ Κυρίου ἡμῶν Ἰησοῦ Χριστοῦ τῆς δόξης. 2 ἐὰν γὰρ εἰσέλθῃ εἰς †τὴν συναγωγὴν ὑμῶν ἀνὴρ χρυσοδακτύλιος ἐν ἐσθῆτι λαμπρᾷ, εἰσέλθῃ δὲ καὶ πτωχὸς ἐν ῥυπαρᾷ ἐσθῆτι, 3 ‡καὶ ἐπιβλέψητε ἐπὶ τὸν φοροῦντα τὴν §ἐσθῆτα τὴν λαμπρὰν καὶ εἴπητε *αὐτῷ, Σὺ κάθου ὧδε καλῶς, καὶ τῷ πτωχῷ εἴπητε, Σὺ στῆθι †ἐκεῖ ἢ κάθου ὧδε ὑπὸ τὸ ὑποπόδιόν μου, 4 ‡καὶ οὐ διεκρίθητε ἐν ἑαυτοῖς καὶ ἐγένεσθε κριταὶ διαλογισμῶν πονηρῶν;

5 Ἀκούσατε, ἀδελφοί μου ἀγαπητοί· οὐχ ὁ Θεὸς ἐξελέξατο τοὺς πτωχοὺς §τοῦ κόσμου πλουσίους ἐν πίστει καὶ κληρονόμους τῆς βασιλείας ἧς ἐπηγγείλατο τοῖς ἀγαπῶσιν αὐτόν; 6 ὑμεῖς δὲ ἠτιμάσατε τὸν πτωχόν. οὐχ οἱ πλούσιοι καταδυναστεύουσιν ὑμῶν, καὶ αὐτοὶ ἕλκουσιν ὑμᾶς εἰς κριτήρια; 7 οὐκ αὐτοὶ βλασφημοῦσι τὸ καλὸν ὄνομα τὸ ἐπικληθὲν ἐφ᾽ ὑμᾶς; 8 εἰ μέντοι νόμον τελεῖτε βασιλικὸν κατὰ τὴν γραφήν, Ἀγαπήσεις τὸν πλησίον σου ὡς *ἑαυτόν, καλῶς ποιεῖτε· 9 εἰ δὲ †προσωποληπτεῖτε, ἁμαρτίαν ἐργάζεσθε ἐλεγχόμενοι ὑπὸ τοῦ νόμου ὡς παραβάται. 10 ὅστις γὰρ ὅλον τὸν νόμον ‡τηρήσει, πταίσει δὲ ἐν ἑνί, γέγονε πάντων ἔνοχος. 11 ὁ γὰρ εἰπών, Μὴ §μοιχεύσῃς, εἶπε καί, Μὴ φονεύσῃς· εἰ δὲ οὐ *μοιχεύσεις, φονεύσεις δέ, γέγονας παραβάτης νόμου. 12 οὕτω λαλεῖτε καὶ οὕτω ποιεῖτε ὡς διὰ νόμου ἐλευθερίας μέλλοντες κρίνεσθαι. 13 ἡ γὰρ κρίσις †ἀνέλεος τῷ μὴ ποιήσαντι ‡ἔλεος· κατακαυχᾶται §ἔλεον κρίσεως.

Faith and Works

14 Τί *τὸ ὄφελος, ἀδελφοί μου, ἐὰν πίστιν λέγῃ τις ἔχειν, ἔργα δὲ μὴ †ἔχῃ; μὴ δύναται ἡ πίστις σῶσαι αὐτόν; 15 ἐὰν ‡δὲ ἀδελφὸς ἢ ἀδελφὴ γυμνοὶ ὑπάρχωσι καὶ λειπόμενοι §ὦσι τῆς ἐφημέρου τροφῆς, 16 εἴπῃ δέ τις αὐτοῖς ἐξ ὑμῶν, Ὑπάγετε ἐν εἰρήνῃ, θερμαίνεσθε καὶ χορτάζεσθε, μὴ δῶτε δὲ αὐτοῖς τὰ ἐπιτήδεια τοῦ σώματος, τί *τὸ ὄφελος; 17 οὕτω καὶ ἡ πίστις, ἐὰν μὴ †ἔργα ἔχῃ, νεκρά ἐστι καθ᾽ ἑαυτήν.

18 Ἀλλ᾽ ἐρεῖ τις, Σὺ πίστιν ἔχεις, κἀγὼ ἔργα ἔχω. δεῖξόν μοι τὴν πίστιν σου ‡ἐκ τῶν ἔργων §σου, κἀγὼ *δείξω σοι ἐκ τῶν ἔργων μου τὴν πίστιν †μου. 19 σὺ πιστεύεις ὅτι ‡ὁ Θεὸς εἷς ἐστι; καλῶς ποιεῖς· καὶ τὰ δαιμόνια πιστεύουσι—καὶ φρίσσουσι. 20 θέλεις δὲ γνῶναι, ὦ ἄνθρωπε κενέ, ὅτι ἡ πίστις χωρὶς τῶν ἔργων §νεκρά ἐστιν; 21 Ἁβραὰμ ὁ πατὴρ ἡμῶν οὐκ ἐξ ἔργων ἐδικαιώθη ἀνενέγκας Ἰσαὰκ τὸν υἱὸν αὐτοῦ ἐπὶ τὸ θυσιαστήριον; 22 βλέπεις ὅτι ἡ πίστις συνήργει τοῖς ἔργοις αὐτοῦ καὶ ἐκ τῶν ἔργων ἡ πίστις ἐτελειώθη; 23 καὶ ἐπληρώθη ἡ γραφὴ ἡ λέγουσα, Ἐπίστευσε δὲ Ἁβραὰμ τῷ Θεῷ, καὶ ἐλογίσθη αὐτῷ εἰς δικαιοσύνην, καὶ φίλος Θεοῦ ἐκλήθη. 24 ὁρᾶτε *τοίνυν ὅτι ἐξ ἔργων δικαιοῦται ἄνθρωπος καὶ οὐκ ἐκ πίστεως μόνον. 25 ὁμοίως δὲ καὶ Ῥαὰβ ἡ πόρνη οὐκ ἐξ ἔργων ἐδικαιώθη ὑποδεξαμένη τοὺς ἀγγέλους καὶ ἑτέρᾳ ὁδῷ ἐκβαλοῦσα; 26 ὥσπερ †γὰρ τὸ σῶμα χωρὶς πνεύματος νεκρόν ἐστιν, οὕτω καὶ ἡ πίστις χωρὶς ‡τῶν ἔργων νεκρά ἐστι.

* 2:1 προσωποληψιαις ¦ προσωπολημψιαις ᴄᴛ † 2:2 την ¦ — ᴄᴛ ‡ 2:3 και επιβλεψητε ¦ επιβλεψητε δε ɴᴀ ꜱʙʟ ᴡʜ § 2:3 εσθητα την λαμπραν ¦ λαμπραν εσθητα ᴘᴄᴋ * 2:3 αυτω ¦ — ᴄᴛ † 2:3 εκει η καθου ωδε 86.4% ¦ εκει η καθου ᴛʜ 1% ¦ η καθου εκει ɴᴀ ꜱʙʟ ᴡʜ 1% ‡ 2:4 και 70.3% ¦ — ᴘᴄᴋ ꜱʙʟ ᴛʜ ᴡʜ 27.3% § 2:5 του κοσμου 89.6% ¦ του κοσμου τουτου ᴛʀ 6.1% ¦ τω κοσμω ᴄᴛ 2.3% * 2:8 εαυτον ʙ33 ¦ σεαυτον ʙ16 ᴀɴᴛ ᴄᴛ ʜꜰ ᴘᴄᴋ ʀᴘ ᴛʀ † 2:9 προσωποληπτειτε ¦ προσωπολημπτειτε ᴄᴛ ‡ 2:10 τηρησει πταισει ¦ τηρηση πταιση ᴀɴᴛ ᴄᴛ § 2:11 μοιχευσης … φονευσης ʙ37 ¦ μοιχευσεις … φονευσεις ʙ1 ʜꜰ ʀᴘ * 2:11 μοιχευσεις φονευσεις ᴇᴄᴍ† ¦ μοιχευεις φονευεις ᴄᴛ † 2:13 ανελεος ¦ ανηλεος ᴘᴄᴋ ¦ ανιλεως ᴛʀ ‡ 2:13 ελεος ¦ ελεος και ᴛʀ § 2:13 ελεον ¦ ελεος ᴀɴᴛ ᴄᴛ ᴛʀ * 2:14 το ¦ — ꜱʙʟ ᴡʜ † 2:14 εχη ¦ εχει ᴘᴄᴋ ‡ 2:15 δε ¦ — ᴄᴛ § 2:15 ωσι ¦ — ꜱʙʟ ᴛʜ ᴡʜ * 2:16 το ¦ — ꜱʙʟ ᴡʜ † 2:17 εργα εχη ¦ εχη εργα ᴄᴛ ‡ 2:18 εκ 87.7% ¦ χωρις ᴄᴛ ꜱᴄʀ 11.1% § 2:18 σου ¦ — ᴄᴛ * 2:18 δειξω σοι ¦ σοι δειξω ᴄᴛ † 2:18 μου ¦ — ᴄᴛ ‡ 2:19 ο θεος εις εστι 80.6% ¦ θεος εις εστι ᴍꜱꜱ 9.8% ¦ εις θεος εστι ᴡʜ 4.1% ¦ εις εστιν ο θεος ɴᴀ ꜱʙʟ ᴛʜ 1.8% § 2:20 νεκρα 98.2% ¦ αργη ᴄᴛ 1.6% * 2:24 τοινυν 86.9% ¦ — ᴄᴛ 11.7% † 2:26 γαρ ¦ — ᴡʜ ‡ 2:26 των ¦ — ᴄᴛ