Η Καινή Διαθήκη ΚΑΤΑ ΙΩΑΝΝΗΝ 9

Jesus Heals a Man Born Blind

1 Καὶ παράγων εἶδεν ἄνθρωπον τυφλὸν ἐκ γενετῆς. 2 Καὶ ἠρώτησαν αὐτὸν οἱ μαθηταὶ αὐτοῦ λέγοντες, *Ῥαββί, τίς ἥμαρτεν, οὗτος ἢ οἱ γονεῖς αὐτοῦ, ἵνα τυφλὸς γεννηθῇ; 3 Ἀπεκρίθη †Ἰησοῦς, Οὔτε οὗτος ἥμαρτεν οὔτε οἱ γονεῖς αὐτοῦ· ἀλλ᾽ ἵνα φανερωθῇ τὰ ἔργα τοῦ Θεοῦ ἐν αὐτῷ. 4 ‡Ἐμὲ δεῖ ἐργάζεσθαι τὰ ἔργα τοῦ πέμψαντός με ἕως ἡμέρα ἐστίν· ἔρχεται νύξ, ὅτε οὐδεὶς δύναται ἐργάζεσθαι. 5 Ὅταν ἐν τῷ κόσμῳ ὦ, φῶς εἰμι τοῦ κόσμου. 6 Ταῦτα εἰπών, ἔπτυσε χαμαί, καὶ ἐποίησε πηλὸν ἐκ τοῦ πτύσματος, καὶ §ἐπέχρισε *τὸν πηλὸν ἐπὶ τοὺς ὀφθαλμοὺς τοῦ τυφλοῦ, 7 καὶ εἶπεν αὐτῷ, Ὕπαγε νίψαι εἰς τὴν κολυμβήθραν τοῦ Σιλωάμ—ὃ ἑρμηνεύεται, Ἀπεσταλμένος. Ἀπῆλθεν οὖν καὶ ἐνίψατο, καὶ ἦλθε βλέπων. 8 Οἱ οὖν γείτονες καὶ οἱ θεωροῦντες αὐτὸν τὸ πρότερον ὅτι †τυφλὸς ἦν, ἔλεγον, Οὐχ οὗτός ἐστιν ὁ καθήμενος καὶ προσαιτῶν; 9 Ἄλλοι ἔλεγον ὅτι Οὗτός ἐστιν· ἄλλοι ‡δὲ ὅτι Ὅμοιος αὐτῷ ἐστιν. Ἐκεῖνος ἔλεγεν ὅτι Ἐγώ εἰμι. 10 Ἔλεγον οὖν αὐτῷ, §Πῶς *ἀνεῴχθησάν σου οἱ ὀφθαλμοί; 11 Ἀπεκρίθη ἐκεῖνος †καὶ εἶπεν, Ἄνθρωπος λεγόμενος Ἰησοῦς πηλὸν ἐποίησε, καὶ ἐπέχρισέ μου τοὺς ὀφθαλμούς, καὶ εἶπέ ‡μοι, Ὕπαγε εἰς §τὴν κολυμβήθραν τοῦ Σιλωάμ, καὶ νίψαι. Ἀπελθὼν *δὲ καὶ νιψάμενος, ἀνέβλεψα. 12 †Εἶπον οὖν αὐτῷ, Ποῦ ἐστιν ἐκεῖνος; Λέγει, Οὐκ οἶδα.

The Pharisees Investigate the Healing

13 Ἄγουσιν αὐτὸν πρὸς τοὺς Φαρισαίους, τόν ποτε τυφλόν. 14 Ἦν δὲ σάββατον ‡ὅτε τὸν πηλὸν ἐποίησεν ὁ Ἰησοῦς, καὶ ἀνέῳξεν αὐτοῦ τοὺς ὀφθαλμούς. 15 Πάλιν οὖν ἠρώτων αὐτὸν καὶ οἱ Φαρισαῖοι, πῶς ἀνέβλεψεν. Ὁ δὲ εἶπεν αὐτοῖς, Πηλὸν ἐπέθηκέ §μου ἐπὶ τοὺς ὀφθαλμούς, καὶ ἐνιψάμην, καὶ βλέπω. 16 Ἔλεγον οὖν ἐκ τῶν Φαρισαίων τινές, *Οὗτος ὁ ἄνθρωπος οὐκ ἔστι παρὰ τοῦ Θεοῦ, ὅτι τὸ σάββατον οὐ τηρεῖ. †Ἄλλοι ἔλεγον, Πῶς δύναται ἄνθρωπος ἁμαρτωλὸς τοιαῦτα σημεῖα ποιεῖν; Καὶ σχίσμα ἦν ἐν αὐτοῖς. 17 ‡Λέγουσι τῷ τυφλῷ πάλιν, §Σὺ τί λέγεις περὶ αὐτοῦ, ὅτι *ἤνοιξέ σου τοὺς ὀφθαλμούς; Ὁ δὲ εἶπεν ὅτι Προφήτης ἐστίν.

18 Οὐκ ἐπίστευσαν οὖν οἱ Ἰουδαῖοι περὶ αὐτοῦ, ὅτι †τυφλὸς ἦν καὶ ἀνέβλεψεν, ἕως ὅτου ἐφώνησαν τοὺς γονεῖς αὐτοῦ τοῦ ἀναβλέψαντος, 19 καὶ ἠρώτησαν αὐτοὺς λέγοντες, Οὗτός ἐστιν ὁ υἱὸς ὑμῶν, ὃν ὑμεῖς λέγετε ὅτι τυφλὸς ἐγεννήθη; Πῶς οὖν ‡ἄρτι βλέπει; 20 Ἀπεκρίθησαν §δὲ αὐτοῖς οἱ γονεῖς αὐτοῦ καὶ *εἶπον, Οἴδαμεν ὅτι οὗτός ἐστιν ὁ υἱὸς ἡμῶν, καὶ ὅτι τυφλὸς ἐγεννήθη· 21 πῶς δὲ νῦν βλέπει, οὐκ οἴδαμεν· ἢ τίς ἤνοιξεν αὐτοῦ τοὺς ὀφθαλμούς, ἡμεῖς οὐκ οἴδαμεν· †αὐτὸς ἡλικίαν ἔχει· αὐτὸν ἐρωτήσατε, αὐτὸς περὶ ‡ἑαυτοῦ λαλήσει. 22 Ταῦτα §εἶπον οἱ γονεῖς αὐτοῦ, ὅτι ἐφοβοῦντο τοὺς Ἰουδαίους· ἤδη γὰρ συνετέθειντο οἱ Ἰουδαῖοι, ἵνα ἐάν τις αὐτὸν ὁμολογήσῃ Χριστόν, ἀποσυνάγωγος γένηται. 23 Διὰ τοῦτο οἱ γονεῖς αὐτοῦ *εἶπον ὅτι Ἡλικίαν ἔχει, αὐτὸν †ἐρωτήσατε.

24 Ἐφώνησαν οὖν ‡ἐκ δευτέρου τὸν ἄνθρωπον ὃς ἦν τυφλός, καὶ §εἶπον αὐτῷ, Δὸς δόξαν τῷ Θεῷ· ἡμεῖς οἴδαμεν ὅτι *ὁ ἄνθρωπος οὗτος ἁμαρτωλός ἐστιν. 25 Ἀπεκρίθη οὖν ἐκεῖνος †καὶ εἶπεν, Εἰ ἁμαρτωλός ἐστιν, οὐκ οἶδα· ἓν οἶδα, ὅτι τυφλὸς ὤν, ἄρτι βλέπω. 26 ‡Εἶπον §δὲ αὐτῷ πάλιν, Τί ἐποίησέ σοι; Πῶς *ἤνοιξέ σου τοὺς ὀφθαλμούς; 27 Ἀπεκρίθη αὐτοῖς, Εἶπον ὑμῖν ἤδη, καὶ οὐκ ἠκούσατε. Τί πάλιν θέλετε ἀκούειν; Μὴ καὶ ὑμεῖς θέλετε αὐτοῦ μαθηταὶ γενέσθαι; 28 †Ἐλοιδόρησαν αὐτόν, καὶ ‡εἶπον, Σὺ §εἶ μαθητὴς ἐκείνου· ἡμεῖς δὲ τοῦ *Μωσέως ἐσμὲν μαθηταί. 29 Ἡμεῖς οἴδαμεν ὅτι †Μωσῇ λελάληκεν ὁ Θεός· τοῦτον δὲ οὐκ οἴδαμεν πόθεν ἐστίν. 30 Ἀπεκρίθη ὁ ἄνθρωπος καὶ εἶπεν αὐτοῖς, Ἐν ‡γὰρ τούτῳ θαυμαστόν ἐστιν, ὅτι ὑμεῖς οὐκ οἴδατε πόθεν ἐστί, καὶ §ἀνέῳξέ μου τοὺς ὀφθαλμούς. 31 Οἴδαμεν *δὲ ὅτι †ἁμαρτωλῶν ὁ Θεὸς οὐκ ἀκούει· ἀλλ᾽ ἐάν τις θεοσεβὴς ᾖ, καὶ τὸ θέλημα αὐτοῦ ποιῇ, τούτου ἀκούει. 32 Ἐκ τοῦ αἰῶνος οὐκ ἠκούσθη ὅτι ‡ἤνοιξέ τις ὀφθαλμοὺς τυφλοῦ γεγεννημένου. 33 Εἰ μὴ ἦν οὗτος παρὰ Θεοῦ, οὐκ ἠδύνατο ποιεῖν οὐδέν. 34 Ἀπεκρίθησαν καὶ §εἶπον αὐτῷ, Ἐν ἁμαρτίαις σὺ ἐγεννήθης *ὅλος, καὶ σὺ διδάσκεις ἡμᾶς; Καὶ ἐξέβαλον αὐτὸν ἔξω.

Spiritual Blindness

35 †Ἤκουσεν ὁ Ἰησοῦς ὅτι ἐξέβαλον αὐτὸν ἔξω· καὶ εὑρὼν αὐτόν, εἶπεν ‡αὐτῷ, Σὺ πιστεύεις εἰς τὸν υἱὸν τοῦ §Θεοῦ; 36 Ἀπεκρίθη ἐκεῖνος καὶ εἶπε, *Καὶ τίς ἐστι, Κύριε, ἵνα πιστεύσω εἰς αὐτόν; 37 Εἶπε †δὲ αὐτῷ ὁ Ἰησοῦς, Καὶ ἑώρακας αὐτόν, καὶ ὁ λαλῶν μετὰ σοῦ ἐκεῖνός ἐστιν. 38 Ὁ δὲ ἔφη, Πιστεύω, Κύριε· καὶ προσεκύνησεν αὐτῷ. 39 Καὶ εἶπεν ὁ Ἰησοῦς, Εἰς κρίμα ἐγὼ εἰς τὸν κόσμον τοῦτον ἦλθον, ἵνα οἱ μὴ βλέποντες βλέπωσι, καὶ οἱ βλέποντες τυφλοὶ γένωνται. 40 ‡Καὶ ἤκουσαν ἐκ τῶν Φαρισαίων ταῦτα οἱ §ὄντες μετ᾽ αὐτοῦ, καὶ *εἶπον αὐτῷ, Μὴ καὶ ἡμεῖς τυφλοί ἐσμεν; 41 Εἶπεν αὐτοῖς ὁ Ἰησοῦς, Εἰ τυφλοὶ ἦτε, οὐκ ἂν εἴχετε ἁμαρτίαν· νῦν δὲ λέγετε ὅτι Βλέπομεν· ἡ †οὖν ἁμαρτία ὑμῶν μένει.

* 9:2 ραββι ¦ ραββει TH WH † 9:3 ιησους ¦ ο ιησους TR ‡ 9:4 εμε 99.2% ¦ ημας CT 0.5% § 9:6 επεχρισε ¦ επεθηκεν WH * 9:6 τον πηλον επι τους οφθαλμους του τυφλου ¦ αυτου τον πηλον επι τους οφθαλμους CT † 9:8 τυφλος ¦ προσαιτης CT ‡ 9:9 δε οτι ¦ ελεγον ουχι αλλα NA27 SBL WH ¦ ελεγον ουχι αλλ NA28 TH § 9:10 πως ¦ πως ουν NA WH * 9:10 ανεωχθησαν ¦ ηνεωχθησαν 𝔐pt CT † 9:11 και ειπεν ανθρωπος ¦ ο ανθρωπος ο CT ‡ 9:11 μοι ¦ μοι οτι CT § 9:11 την κολυμβηθραν του 95.8% ¦ τον CT 2% * 9:11 δε ¦ ουν CT † 9:12 ειπον ουν ¦ και ειπαν CT ‡ 9:14 οτε 98.9% ¦ εν η ημερα CT 0.8% § 9:15 μου επι τους οφθαλμους ¦ επι τους οφθαλμους μου TR * 9:16 ουτος ο ανθρωπος ουκ εστι παρα του θεου ¦ ουκ εστιν ουτος παρα θεου ο ανθρωπος CT † 9:16 αλλοι ¦ αλλοι δε NA WH ‡ 9:17 λεγουσι ¦ λεγουσιν ουν CT PCK § 9:17 συ τι ¦ τι συ NA SBL WH * 9:17 ηνοιξε ¦ ηνεωξε CT † 9:18 τυφλος ην ¦ ην τυφλος CT ‡ 9:19 αρτι βλεπει 98.3% ¦ βλεπει αρτι CT 1% § 9:20 δε αυτοις ¦ αυτοις TR ¦ ουν CT * 9:20 ειπον ¦ ειπαν CT † 9:21 αυτος ηλικιαν εχει αυτον ερωτησατε ¦ αυτον ερωτησατε ηλικιαν εχει CT ‡ 9:21 ἑαυτοῦ ¦ αὐτοῦ TR § 9:22 ειπον ¦ ειπαν NA SBL WH * 9:23 ειπον ¦ ειπαν CT † 9:23 ερωτησατε ¦ επερωτησατε CT ‡ 9:24 εκ δευτερου τον ανθρωπον ¦ τον ανθρωπον εκ δευτερου CT § 9:24 ειπον ¦ ειπαν CT * 9:24 ο ανθρωπος ουτος ¦ ουτος ο ανθρωπος CT † 9:25 και ειπεν ¦ — CT ‡ 9:26 ειπον ¦ ειπαν WH § 9:26 δε αυτω παλιν ¦ ουν αυτω CT * 9:26 ηνοιξε ¦ ανεωξε PCK † 9:28 ελοιδορησαν ¦ ελοιδορησαν ουν TR ¦ και ελοιδορησαν NA WH ‡ 9:28 ειπον ¦ ειπαν WH § 9:28 ει μαθητης ¦ μαθητης ει CT * 9:28 μωσεως ¦ μωυσεως ANT CT † 9:29 μωση ¦ μωσει HF PCK ¦ μωυσει ANT CT ‡ 9:30 γαρ τουτω ¦ τουτω γαρ το CT § 9:30 ανεωξε ¦ ηνοιξε CT * 9:31 δε ¦ — CT † 9:31 αμαρτωλων ο θεος ¦ ο θεος αμαρτωλων WH ‡ 9:32 ηνοιξε ¦ ηνεωξε NA SBL WH § 9:34 ειπον ¦ ειπαν CT * 9:34 ολος ¦ ολως PCK † 9:35 ηκουσεν ο ιησους οτι εξεβαλον αυτον εξω 88.5% ¦ ηκουσεν ιησους οτι εξεβαλον αυτον εξω NA SBL WH 0.4% ¦ — MSS 10.8% ‡ 9:35 αυτω 98.1% ¦ — CT 0.7% § 9:35 θεου 99.5% ¦ ανθρωπου CT 0.4% * 9:36 και ¦ — TR † 9:37 δε ¦ — CT ‡ 9:40 και ¦ — CT § 9:40 οντες μετ αυτου ¦ μετ αυτου οντες CT * 9:40 ειπον ¦ ειπαν WH † 9:41 ουν ¦ — CT