☰ ΑΠΟΚΑΛΥΨΙΣ ΙΩΑΝΝΟΥ 9
9
1 Καὶ ὁ πέμπτος ἄγγελος ἐσάλπισε, καὶ εἶδον ἀστέρα ἐκ τοῦ οὐρανοῦ πεπτωκότα εἰς τὴν γῆν, καὶ ἐδόθη αὐτῷ ἡ κλεὶς τοῦ φρέατος τῆς ἀβύσσου. 2 *Καὶ ἤνοιξε τὸ φρέαρ τῆς ἀβύσσου, καὶ ἀνέβη καπνὸς ἐκ τοῦ φρέατος ὡς καπνὸς καμίνου †καιομένης, καὶ ‡ἐσκοτίσθη ὁ ἥλιος καὶ ὁ ἀὴρ ἐκ τοῦ καπνοῦ τοῦ φρέατος. 3 Καὶ ἐκ τοῦ καπνοῦ ἐξῆλθον ἀκρίδες εἰς τὴν γῆν, καὶ ἐδόθη αὐταῖς ἐξουσία, ὡς ἔχουσιν ἐξουσίαν οἱ σκορπίοι τῆς γῆς. 4 Καὶ ἐρρέθη αὐταῖς ἵνα μὴ §ἀδικήσωσι τὸν χόρτον τῆς γῆς, οὐδὲ πᾶν χλωρόν, οὐδὲ πᾶν δένδρον, εἰ μὴ τοὺς *ἀνθρώπους οἵτινες οὐκ ἔχουσι τὴν σφραγῖδα τοῦ Θεοῦ ἐπὶ τῶν μετώπων †αὐτῶν. 5 Καὶ ἐδόθη ‡αὐταῖς ἵνα μὴ ἀποκτείνωσιν αὐτούς, ἀλλ᾽ ἵνα §βασανισθῶσι μῆνας πέντε· καὶ ὁ βασανισμὸς αὐτῶν ὡς βασανισμὸς σκορπίου, ὅταν *παίσῃ ἄνθρωπον. 6 Καὶ ἐν ταῖς ἡμέραις ἐκείναις †ζητήσουσιν οἱ ἄνθρωποι τὸν θάνατον, καὶ ‡οὐ μὴ §εὑρήσουσιν αὐτόν· καὶ ἐπιθυμήσουσιν ἀποθανεῖν, καὶ *φεύξεται †ἀπ᾽ αὐτῶν ὁ θάνατος.
7 Καὶ τὰ ὁμοιώματα τῶν ἀκρίδων ὅμοια ἵπποις ἡτοιμασμένοις εἰς πόλεμον, καὶ ἐπὶ τὰς κεφαλὰς αὐτῶν ὡς στέφανοι ‡χρυσοῖ, καὶ τὰ πρόσωπα αὐτῶν ὡς πρόσωπα ἀνθρώπων. 8 Καὶ §εἶχον τρίχας ὡς τρίχας γυναικῶν, καὶ οἱ ὀδόντες αὐτῶν ὡς λεόντων ἦσαν. 9 Καὶ *εἶχον θώρακας ὡς θώρακας σιδηροῦς, καὶ ἡ φωνὴ τῶν πτερύγων αὐτῶν ὡς φωνὴ ἁρμάτων ἵππων πολλῶν τρεχόντων εἰς πόλεμον. 10 Καὶ ἔχουσιν οὐρὰς ὁμοίας σκορπίοις, καὶ κέντρα. †Καὶ ἐν ταῖς οὐραῖς αὐτῶν ‡ἐξουσίαν ἔχουσι τοῦ ἀδικῆσαι τοὺς ἀνθρώπους μῆνας πέντε. 11 §Ἔχουσαι βασιλέα ἐπ᾽ αὐτῶν ἄγγελον τῆς ἀβύσσου· ὄνομα αὐτῷ Ἑβραϊστὶ *Ἀββαδών, †ἐν δὲ τῇ Ἑλληνικῇ ὄνομα ἔχει Ἀπολλύων.
12 Ἡ οὐαὶ ἡ μία ἀπῆλθεν· ἰδού, ‡ἔρχεται ἔτι δύο οὐαὶ μετὰ ταῦτα.
13 Καὶ ὁ ἕκτος ἄγγελος ἐσάλπισε, καὶ ἤκουσα φωνὴν μίαν ἐκ τῶν §τεσσάρων κεράτων τοῦ θυσιαστηρίου τοῦ χρυσοῦ τοῦ ἐνώπιον τοῦ Θεοῦ, 14 *λέγουσαν τῷ ἕκτῳ ἀγγέλῳ †ὁ ἔχων τὴν σάλπιγγα, Λῦσον τοὺς τέσσαρας ἀγγέλους τοὺς δεδεμένους ἐπὶ τῷ ποταμῷ τῷ μεγάλῳ Εὐφράτῃ. 15 Καὶ ἐλύθησαν οἱ τέσσαρες ἄγγελοι οἱ ἡτοιμασμένοι εἰς τὴν ὥραν καὶ ‡εἰς τὴν ἡμέραν καὶ μῆνα καὶ ἐνιαυτόν, ἵνα ἀποκτείνωσι τὸ τρίτον τῶν ἀνθρώπων. 16 Καὶ ὁ ἀριθμὸς §τῶν στρατευμάτων τοῦ *ἵππου †μυριάδες μυριάδων· ‡ἤκουσα τὸν ἀριθμὸν αὐτῶν. 17 Καὶ οὕτως εἶδον τοὺς ἵππους ἐν τῇ ὁράσει, καὶ τοὺς καθημένους ἐπ᾽ αὐτῶν, ἔχοντας θώρακας πυρίνους καὶ ὑακινθίνους καὶ θειώδεις· καὶ αἱ κεφαλαὶ τῶν ἵππων ὡς κεφαλαὶ λεόντων, καὶ ἐκ τῶν στομάτων αὐτῶν ἐκπορεύεται πῦρ καὶ καπνὸς καὶ θεῖον. 18 §Ἀπὸ τῶν τριῶν *πληγῶν τούτων ἀπεκτάνθησαν τὸ τρίτον τῶν ἀνθρώπων, †ἀπὸ τοῦ πυρὸς καὶ ‡τοῦ καπνοῦ καὶ §τοῦ θείου τοῦ ἐκπορευομένου ἐκ τῶν στομάτων αὐτῶν. 19 *Ἡ γὰρ ἐξουσία τῶν ἵππων ἐν τῷ στόματι αὐτῶν †ἐστι, ‡καὶ ἐν ταῖς οὐραῖς αὐτῶν· αἱ γὰρ οὐραὶ αὐτῶν ὅμοιαι §ὄφεων, ἔχουσαι κεφαλάς, καὶ ἐν αὐταῖς ἀδικοῦσι.
20 Καὶ οἱ λοιποὶ τῶν ἀνθρώπων, οἳ οὐκ ἀπεκτάνθησαν ἐν ταῖς πληγαῖς ταύταις, *οὐ μετενόησαν ἐκ τῶν ἔργων τῶν χειρῶν αὐτῶν, ἵνα μὴ †προσκυνήσωσι τὰ δαιμόνια, καὶ ‡τὰ εἴδωλα τὰ χρυσᾶ καὶ τὰ ἀργυρᾶ §καὶ τὰ χαλκᾶ καὶ τὰ λίθινα καὶ τὰ ξύλινα, ἃ οὔτε βλέπειν *δύναται, οὔτε ἀκούειν, οὔτε περιπατεῖν· 21 καὶ οὐ μετενόησαν ἐκ τῶν φόνων αὐτῶν, οὔτε ἐκ τῶν †φαρμακειῶν αὐτῶν, οὔτε ἐκ τῆς πορνείας αὐτῶν, οὔτε ἐκ τῶν κλεμμάτων αὐτῶν.
* 9:2 και ηνοιξε το φρεαρ της αβυσσου 𝔐A,C [51.6%] ¦ — 𝔐K [47.9%] † 9:2 καιομενης 𝔐C,K [67.1%] ¦ μεγαλης 𝔐A CT TR [28.7%] ‡ 9:2 εσκοτισθη 𝔐A,C,K [93.5%] ¦ εσκοτωθη NA SBL TH WH [6.5%] § 9:4 αδικησωσι 𝔐A,C,K [95.9%] ¦ αδικησουσι NA SBL WH [2.8%] * 9:4 ανθρωπους 𝔐A,K [84.9%] ¦ ανθρωπους μονους 𝔐C PCK TR [13.8%] † 9:4 αυτων 𝔐A−,C,K [83.5%] ¦ — 𝔐A+ ECM† NA SBL TH WH [16.5%] ‡ 9:5 αυταις 𝔐A,C,K [83.9%] ¦ αυτοις NA SBL TH [15.1%] § 9:5 βασανισθωσι 𝔐A−,C,K [80.3%] ¦ βασανισθησονται 𝔐A+ CT [15.1%] * 9:5 παιση 𝔐A,C+,K [87.2%] ¦ πληξη 𝔐C− PCK [9.2%] {Note: Many of the extant 𝔐C manuscripts have παιση as the original reading with a correction to have it read πληξη.} † 9:6 ζητησουσιν 𝔐A,K [77%] ¦ ζητουσιν 𝔐C PCK [22.6%] ‡ 9:6 ου μη 𝔐A,C,K [97.2%] ¦ ουχ TR [1.4%] § 9:6 ευρησουσιν 𝔐A−,C,K [58.1%] ¦ ευρωσιν 𝔐A+ ECM† [30.1%] ¦ ευρησωσιν MSS [10.1%] * 9:6 φευξεται 𝔐A−,C,K [78.8%] ¦ φευγει 𝔐A+ CT [17.1%] † 9:6 απ αυτων ο θανατος 𝔐C,K [65.4%] ¦ ο θανατος απ αυτων 𝔐A CT TR [29.5%] ‡ 9:7 χρυσοι 𝔐C,K [62.7%] ¦ ομοιοι χρυσω 𝔐A CT TR [35.9%] ¦ ομοιοι χρυσιω ANT [0.5%] § 9:8 ειχον 𝔐A,C,K [96.3%] ¦ ειχαν TH WH [1.4%] * 9:9 ειχον 𝔐A,C,K [96.8%] ¦ ειχαν WH [0%] † 9:10 και 𝔐C,K [61.9%] ¦ ην TR [0.9%] ¦ — 𝔐A [37.2%] ‡ 9:10 εξουσιαν εχουσι του 𝔐C,K [52.5%] ¦ η εξουσια αυτων CT [16.6%] ¦ και η εξουσια αυτων 𝔐A TR [11.5%] ¦ εξουσιαν εχουσι MSS [6.9%] § 9:11 εχουσαι βασιλεα επ αυτων 𝔐C,K [51.2%] ¦ και εχουσιν επ αυτων βασιλεα τον 𝔐A SCR [13.4%] ¦ εχουσιν επ αυτων βασιλεα τον CT [9.2%] ¦ εχουσι βασιλεα επ αυτων τον ANT [0%] ¦ και εχουσιν εφ αυτων βασιλεα τον ST [0%] * 9:11 αββαδων 𝔐A,C+,K+ [38.8%] ¦ αβααδδων 𝔐K− [12.1%] ¦ αββααδων MSS [9.8%] αββααδδων 𝔐K− [9.3%] ¦ αββαδδων 𝔐C− PCK [9.3%] ¦ αβαδδων ANT CT TR [7%] ¦ αβααδων MSS [7%] † 9:11 εν δε 𝔐C,K [65.3%] ¦ και εν 𝔐A CT TR [25.9%] ‡ 9:12 ερχεται 𝔐C,K [66.4%] ¦ ερχονται 𝔐A ANT TR [32.7%] § 9:13 τεσσαρων 𝔐A,C,K [83.8%] ¦ — SBL TH WH [10.6%] * 9:14 λεγουσαν 𝔐A,C [49.1%] ¦ λεγοντος 𝔐K ANT HF [44%] ¦ λεγοντα NA SBL TH WH [1.9%] † 9:14 ο εχων 𝔐A,C,K [93.1%] ¦ τω εχοντι MSS [5.1%] ¦ ος ειχε TR [0.9%] ‡ 9:15 εις την 𝔐K [51.9%] ¦ την 𝔐C PCK [20%] ¦ — 𝔐A CT TR [26.3%] § 9:16 των 𝔐A,C,K [99.1%] ¦ — TR [0.9%] * 9:16 ιππου 𝔐C,K [54.7%] ¦ ιππικου 𝔐A CT TR [40.6%] † 9:16 μυριαδες 𝔐A−,C,K [74.3%] ¦ δισμυριαδες 𝔐A+ CT [18.2%] ¦ δυο μυριαδες 𝔐A− ANT TR [6.5%] ‡ 9:16 ηκουσα 𝔐A,C,K [94.4%] ¦ και ηκουσα TR [0.9%] § 9:18 απο 𝔐A,C,K [98.1%] ¦ υπο TR [1.9%] * 9:18 πληγων 𝔐A+,C,K [86.6%] ¦ — 𝔐A− TR [8.3%] † 9:18 απο 𝔐K [55.6%] ¦ εκ 𝔐A,C ANT CT PCK TR [44%] ‡ 9:18 του 𝔐A−,C,K [77.8%] ¦ εκ του 𝔐A+ TR [17.6%] § 9:18 του 𝔐C,K [76.4%] ¦ εκ του 𝔐A TR [22.7%] * 9:19 η γαρ εξουσια των ιππων 𝔐A,C,K [90.8%] ¦ η γαρ εξουσια αυτων SCR [2.3%] ¦ αι γαρ εξουσιαι αυτων ST [2.3%] † 9:19 εστι 𝔐A,C,K [91.7%] ¦ εισιν ST [0.5%] ‡ 9:19 και εν ταις ουραις αυτων 𝔐A+,C,K [80.6%] ¦ — 𝔐A− ST [11.1%] § 9:19 οφεων 𝔐K [54.4%] ¦ οφεσιν 𝔐A,C ANT CT PCK TR [44.7%] * 9:20 ου 𝔐A−,C,K [73.7%] ¦ ουτε 𝔐A+ ECM† ST [18.4%] ¦ ουδε NA SBL TH [4.6%] † 9:20 προσκυνησωσι 𝔐A,C,K [90.8%] ¦ προσκυνησουσι NA SBL TH WH [9.2%] ‡ 9:20 τα 𝔐A,C,K [99.5%] ¦ — TR [0%] § 9:20 και τα χαλκα 𝔐A,C [48.4%] ¦ και χαλκα MSS [7.4%] ¦ — 𝔐K [43.8%] * 9:20 δυναται 𝔐C,K [47.5%] ¦ δυνανται 𝔐A CT [52.1%] † 9:21 φαρμακειων 𝔐A,C [52.5%] ¦ φαρμακων 𝔐K ECM† HF NA SBL TH WH [44.2%]
☰