1 Kings
17
8 Nawu KAWOHRNAN bimarneyimeng Elijah.
9 “Ngaye ngamarneyimeng kamarrdjukun kore kunred Zaraphath yingimen kore Sidon ba ngunwon manme. Ngudda yirey kore kunbolkkimuk, kumekke yini.”
10 Wanjh Elijah kumwam darnkih kore kunbolkkimuk kunrrukdangmaye ngalengarre Zaraphath. Nungka binang ngaleng kamarrdjukun menehme manyahyay nungka bidjawam “kamak ngudda yimka ngarduk kukku.”
11 Ngaleng wam bomey kukku dja biyawoyhdjawam, “kamak ngudda yimka ngardduk manyahwurd buriddi.”
12 Kamarrdjukun ngaleng biwokmey, “marneyimeng kore kungey nuye God nawu KAWOHRNAN nawu nawernkimuk. Ngaye minj ngakarrme manbu buriddi ngayime woyhbukki. Ngaye ngakarrme manyahyey mane wanjh bolkkime ngare kured. Ngaye djal ngakarrme manyahwurd kandidjawa dja mak kunkalkid. Wanjh ngakinje ngarrewoneng ngaye dja ngardduk nayawh yerre wanjh bu nganemarrwern dowenh.”
13-14 Elijah yimeng, “Nawu YIWOHRNAN, God kore Israel bu kakurduyime kunmak kabolkbarrabarrkmeng. Nguddangke banikin kandidjawa minj kayakmen nguddangke budjulung kunkalkid minj mak kayakmen. Bu wanjh yerre kamunkewe mandjewk. Bu ngudda wanjh yiyimeng, yirrokmen kured.
Dja yikinjemen manyahwurd buriddi bu yimkan kore ngaye dja yikinjemen ngurrewoneng. Wanjh bonj bu kunmak rowk.”
15 Ngalmekbe ngalbu kamarrdjukun dokmeng kured marnbom rowk bu Elijah bimarneyimeng. Ngalbu kamarrdjukun ngalengngarre nayawh dja Elijah birrikarekarrmeng manme bedberre kunkuyeng.
16 Nawu KAWOHRNAN bimarnewokdanginj Elijah. Wanjh nawu ngalengarre rowk kamarrdjukun, banikin kandidjawa minj kayakmen dja budjulung kunkalkid minj mak kayakmen, kuhni kurdduyimerranj rowk.