BEL N’ENCHOKA
ⅩⅣ
Daniel n’abakuani ba Beli
Ⅰ Ekaba ekero omorwoti Asitiage araarete ase chisokoro chiaye, Koreshi Omoajemi akabonyoora oborwoti bwaye.
Ⅱ Nere Daniel nigo arenge etwoni erio omorwoti akamoa esiko kobua abasani baye bonsi.
Ⅲ Abanto ba Babiloni mbarenge nomogwekano bw’ogosasiima orenge korokwa Beli. Kera rituko oro nigo orenge kogaberwa obosie obonuke ebibaaba ikomi na bibere, ching’ondi emerongo ene ne chigaloni isanonemo chie edivai.
Ⅳ Omorwoti nigo ayosigete mono omogwekano oyio na kogenda koyosasiima kera rituko. Korende Danieli ere nigo abeete okomosasiima Nyasae oye ore moyo.
Ⅴ Erio omorwoti akamoboria Danieli, ninki gekogera aye otari gosasiima Beli? Ere akamoiraneria: “Inche tinkonyaara gosasiima omogwekano orisirie n’amaboko a mwanyabaanto korende nigo nkomosasiima Nyasae ore moyo ere oria otongete igoro na ense, ere oyio ore nokobua ase bonsi abare nomobere.”
Ⅵ Erio omorwoti akamobooria, aye nigo okagete buna Beli tari Nyasae bw’ekeene? Aye torochi buna akoragera na konywa ase kera rituko?
Ⅶ Danieli agaseka erio akamoiraneria omorwoti: “Tong’aineka; ime yomogwekano oyio namaroba oka na isiko nechuma, ere tanakoria gose konywa gento kende gionsi.”
Ⅷ Beli nigo yabwate abakuani emerongo etano n’ebere ekero okorusia abakungu na abana baabo aroro. Erio omorwoti akaberoroka n’obororo akarangeria abakuani baria agateeba: “Inwe motanyorogeti ning’o okoria chindagera echio tokoa Beli nigo mogokwa. Na ekero moraorokie ekeene buna Beli nere ogochiria, Danieli nakwe egekogera ere oramire Beli”.
Ⅸ Danieli akamoiraneria: “Tiga ebe igo buna aye omorwoti gwateebire.”
Ⅹ Danieli amo n’omorwoti bagasoa ase enyomba ya Beli.
Ⅺ Abakuani ba Beli bagateeba, rora intwe inatosoke. Aye omorwoti serora endagera bwochoganie edivai na koyearigania. Erio aye osieke ebisieri kegima na koyeanera ase ekebuuri gekoigorerwa ebonyi yegechara kiao. Goika ankio ekero eraabe buna Beli takoreti koria bionsi, intwe inatokwe. Onye teri boigo, ere Danieli oyio ogototeebera oborimo nakwe.
Ⅻ Ekaba ekero barureo, omorwoti akaarigania endagera eria ase obosio bwa Beli.
ⅩⅢ Nonya nabo, Abakuani tibarenge ngoichana ekiagera mbaroisetie ekebao inse yemesa agwo ase barenge goeta kera engaki na koria chindaagera chiria.
ⅩⅣ Korende Danieli akabachiika abakoreri baye gosiarera riibu ase ekeoreri gie Hekalu yonsi ase obosio bw’omorwoti bweka. Erio bagasieka Hekalu ase ekebuuri gekoigorerwa ebonyi yegechara ki’omorwoti na gosoka.
ⅩⅤ Ase obotuko boria, abakuani baria bagaacha buna barabwo benaretie amo na abakungu na abana baabo na koria kera egento. Mambia chuni ankio yaye, omorwoti amo na Danieli bagaacha ase Hekalu.
ⅩⅥ Erio omorwoti akamoboria Danieli; “Ebibuuri mbibunire?” Danieli akairaneria, “Yaaya tibibuniri aye omorwoti.”
ⅩⅦ Ekero baigorete ebisieri, omorwoti agaaka eriogi ogoteeba; “Aye noyobwokumia ore Beli, ase ore aye kong’ainereria tikoiyo nonya ng’ake.”
ⅩⅧ Erio Danieli agaseka na gotenena ase obosio bw’omorwoti, erio agateeba; “Rigereria ekeoreri na orore amabarato ayio na ayang’o areo.”
ⅩⅨ Erio omorwoti agateeba, “Nindooche amabarato ya abasacha, abakungu na abana.”
ⅩⅩ Omorwoti akagechigwa mono na kobabwata abakuani baria bonsi amo na abakungu na abana baabo goika bakamworokia ebibao biria bia bobisi ase barabwo barenge goetera na koria chindaagera chiria chiarenge kobeekwa ase emesa.
ⅩⅪ Omorwoti agachiika abakuani baria bonsi bagitwa na komorua Beli gochia ase Danieli. Danieli agasaria omogwekano oria amo ne Hekalu yaye.
ⅩⅫ Ase igo omorwoti akarua ribaga abakuani bagaitwa, na akaa Daniel enchoka akayesiria nagosiria hekalu yaye.
Daniel ogosiria Enchoka
ⅩⅩⅢ Erio omorwoti akamoteebia Danieli, “Aye tokonyaara goteeba buna eye boigo nechuma, gose teri nyasae ere moyo; bono yesasiime aye.”
ⅩⅩⅣ Danieli agateeba, inche ninyaare komosasiima Omonene one ekiagera ere nere Nyasae ore moyo. Korende aye omorwoti oise kong’a inche ribaga, ninyaare koyeita enchoka eye bosa ntari neritimo gose ekegworo.
ⅩⅩⅤ Danieli agateeba, “Inche nigo ngosasiima Omonene Nyasae, ekiagera nere ore Nyasae ore moyo.”
ⅩⅩⅥ Erio Danieli akabogoria oborembo, amaguta ne etukia na kobitogotia amo bionsi. Akabiroisia amatoronge na koyerageria enchoka eria. Ekero enchoka eria yabimerete ero egatandoka gati gati. Erio Danieli agateeba, “Rigereria! Eye nero enyasae mogosasiima!”
ⅩⅩⅦ Ekero Abababiloni baigwete amang’ana ayio, barabwo bakagechigwa mono. Bakamonoga omorwoti na goteeba; “Omorwoti obeire Omoyahudi. Ere osaririe Beli, oiyeitire enchoka na kobaita abakuani no omoro.”
ⅩⅩⅧ Erio bakamochiera omorwoti na komobetereria bagoteeba; “Omorwoti obeire Omoyahudi, ritang’ani nigo asiretie Bel na kong’enta abakuani na bono osaririe enchoka yaito.”
ⅩⅩⅨ Ekero omorwoti arooche buna nabo batagete goikerania okogania kwabo, ere akamorua Danieli na komobeeka ase amaboko abo.
ⅩⅩⅩ Barabwo bakamobogoria Danieli na komoruta ime yengoro ye chindo goetera ase ekebao. Nere akaba aroro goika amatuko ata’narimo.
Daniel ogotorigwa korwa ase engoro y’echindo
ⅩⅩⅪ Ime ase engoro eyio nchiarengeo chindo isano naibere echi chiarenge korgerigwa abanto babera amo ne ching’ondi ibere ase kera rituko; ekaba tichiaegwa endagera eyio ase amatuko ayio Danieli arenge ase engoro eria erio chimotandorane na komoria
ⅩⅩⅫ Agwo ase engoro chiarenge oo chindo isano ibere echio chiarenge koegwa emebere y’abanto ebere boigo n’eching’ondi ibere kera rituko. Ase egeka ki’amatuko atano na rimo, chindo echio chikaba chitari koegwa kende erio chimotaborane Danieli.
ⅩⅩⅩⅢ Erio omomalaika Omonene akamoteebia Abakukki omobani, “Bogoria endaagera eyio kwaroisirie na omoirere Danieli oyio ore ime yengoro ye chisimba.”
ⅩⅩⅩⅣ Korende omomalaika bw’omonene agateebia “Ira endagera eyio oimogetie oyee Daniel, oyio ore aria Babiloni ime y’engoro ye chisimba.”
ⅩⅩⅩⅤ Omomalaika Omonene akamobwata obosio, akamobogoria ase etukia yaye na ase okoeyana okomo, akamotereka igoro ase ekebao keria kiengoro eria ye chisimba.
ⅩⅩⅩⅥ Erio Abakukki agaaka eriogi gochia engoro eria ime ogoteeba; Danieli, Danieli! Rambaria orie endaagera eyi’Omonene akorenteire.
ⅩⅩⅩⅦ Danieli agateeba, Aye Nyasae kwang’inyoire inche naye tori kobatiga baria bagwanchete aye. Erio Danieli akabogoria endaagera eria na koyeria.
ⅩⅩⅩⅧ Ekero Danieli aigwete Habakuki, agasaba, “Nyasae kwang’inyoire; aye tigwantigete baria bwanchete.”
ⅩⅩⅩⅨ Ase rituko ria gatano na kabere, omorwoti agacha erio amorore Danieli. Ekero aigete ase ekebao keria na korigereria gochia ime, akamorora Danieli oikaransete.
ⅩⅬ Erio omorwoti agaaka eriogi okobora; Aye Omonene Nyasae o Danieli, aye naye Nyasae Omonene naende onde taiyo Omonene gokobua aye.
ⅩⅬⅠ Erio kegima akarambora okoboko kwaye na komorusia Danieli ime yengoro eria.
ⅩⅬⅡ Agwo akabaruta baria barigetie komoita Danieli ime ase ekebao keria na abanto baria bakariegwa agwo agwo ase obosio bwaye.