Ⅹ
Obonene bwa Modekai
Ⅰ Omorwoti Ahaswero akarusia ebango ase abanto b’ense yaye, na ase ebisinka bie chinyancha.
Ⅱ Bono amang’ana onsi igoro y’ogokora kwaye gwonsi, na okobua kwaye, amo n’amang’ana onsi buna aimokereretie Modekai igoro, nigo ariikire ase Egetabu ki’ogokora kw’abarwoti b’Abamedia na ab’Abaayemi.
Ⅲ Modekai, Omoyahudi oria, nere orenge oyo o kabere ase omorwoti Ahaswero. Nigo arenge omonene ase Abayahudi, osikire nabamwabo bonsi, ekiagera nigo arenge korigia amaya ase abanto baye, na akerua ase okobarentera omorembe.
Ⅲa Ase igo, kera omwaka, “Ase chingaki chigochia goocha chionsi,
Ⅲb abanto ba Omonene inabasangererekane ase obosio bwaye ase rituko ria gikomi na kane na ikomi na gatano ase omotienyi bw’Adari na koyachengera ekiare ekemo goika ekiare kende.”
Ⅲc Ase omwaka o kane bw’oborwoti bwa Tolemani na mokaye Kileopatura,
Ⅲd omonto gete orenge korokwa Dositheo naende okweroka Omokuani Omolawi,
Ⅲe akarenta riruube rigokwanera rituko rinene rie Chipuri.
Ⅲf Ere nigo arenge gotunyanwa nomwana oye omoisia orenge korokwa Tolemai na barabwo bakararia buna riruube erio n’eriekeene na buna nigo riaonchoretwe na Lisimako omwana omomura o Tolemai oyomo bwa abamenyi b’omochie o Yerusalemu.
Ⅲg Agachora abanto babere abwo barenge koba omoerio bwabanto oyomo ase abanto baye, noyonde ase chinse chionsi.
Ⅲh Nabwo nigo bare gokora emeremo ase chingaki nebiro abio Nyasae achorete ase chinse chionsi.
Ⅲi Ase enchera eyio Nyasae oinyore abanto baye na obomenyo bwaye boigo;
Ⅲk na ase bare amatuko aya, rituko ria ikomi na kane n’eria ikomi na gatano ase omotienyi bwa Adari, nigo are amatuko y’omosangerekano, y’omogoko n’omochengo ase Nyasae, goetera ase ebisaku bionsi na goika kare na kare ase abanto baye Israeli.
Amang’ana gochia ase ogoochora gw’ekeyunani
Ⅲl Ase omwaka o kane bw’okogamba gwa Ptomemi na kiropata, Dosites oyio bwancheranere buna nigo arenge Omokuani na Omolawi, na Putolemi omwana oye akareta riruube igoro ya Purimu. Bakaebereria erio amang’ana ayio ancherwe, ogonchora nigo gwakoretwe na Lisimako mosinto o Putolemi, oyio orenge oyomo ase ekeombe ki’Abayahudi.