ⅩⅩ
Obobani igoro ya Misiri na Ethiopia
Ⅰ Ase omwaka oria Taritani, omochiki omonene bw’abarwani b’Abaasuri, atometwe na Sarigoni, omorwoti obo, agende ase omochie bw’Asidodi; ere akayorwania esegi, akayobua.
Ⅱ Ase engaki eyi’Omonene agakwana na Isaya, mosinto bw’Amosi, akamoteebia: “Genda orusie egunia obegete ase omobere oo, na ebikoroto obegete ase amagoro ao.” Isaya agakora bo, akaba ogotaara getirianda, na tabegete ebikoroto.
Ⅲ Eri’Omonene agateeba: “Buna koreng’ana Isaya, omosomba one, abeire okona‐gotaara goetanana aaria na aaria ase emiaka etato yaetire, ore getirianda na atabegeti bikoroto, obeire ekemanyererio na omogwekano bw’amang’ana arabe ase Abamisiri na ase Abaetiopia,
Ⅳ naboigo omorwoti bw’Abaasuri araire abasomba korwa Misiri, naire na Abaetiopia abooswa. Nigo baraire abanto abake na abanene bare getirianda na batabegeti bikoroto, gose batatubeti chinyonga chiabo, na igo ense y’Abamisiri erenterwe obosooku.
Ⅴ Abanto abwo basemeretie Abamisiri na betogeretie Abaetiopia mbabe baichanete na gosooka.
Ⅵ Ase engaki eyio abanto bamenyete ase ense ere ang’e nenyancha mbakwane, bateebe: Rora amang’ana abanyorire abanto abwo intwe twasemeretie na kobatamera ng’a batokonye korwa ase omorwoti bw’Abaasuri! Bono, naki intwe toranyare gotooreka?”